Լրատվություն
Արտերկրյա այցեր
23
09, 2008
Նախագահ Սերժ Սարգսյանի աշխատանքային այցը Նյու Յորք
ՄԱԿ Գլխավոր ասամբլեայի 63-րդ նստաշրջանին մասնակցելու նպատակով Նյու Յորքում գտնվող նախագահ Սերժ Սարգսյանը սեպտեմբերի 24-ին հանդիպում է ունեցել Նիդեռլանդների վարչապետ Յան Պիտեր Բալկենենդեի հետ:
Հանդիպման ժամանակ կողմերը բարձր են գնահատել Հայաստանի եւ Նիդեռլանդների միջեւ քաղաքական երկխոսության մակարդակը եւ երկուստեք շահագրգռվածություն հայտնել հարաբերությունների հետագա խորացման համար:
Ս. Սարգսյանը շնորհակալություն է հայտնել Հոլանդիայի կառավարությանը` Հայաստանին ցուցաբերվող տեխնիկական աջակցության համար եւ ասել, որ տնտեսական փոխգործակցությունը լավ հեռանկարներ ունի, ինչի ուղղությամբ անհրաժեշտ է առաջիկայում աշխատանքներ տանել: Հոլանդիան Եվրամիության անդամ երկրների շարքում երրորդն է Հայաստանի հետ ապրանքաշրջանառության ծավալների ցուցանիշով, իսկ Հայաստանը Համաշխարհային բանկի ՙՀոլանդական խմբի՚ անդամ է:
Նախագահը շնորհակալություն է հայտնել Նիդեռլանդների վարչապետին` ԼՂ հիմնախնդրի կարգավորման հարցում դրսեւորած հավասարակշռված մոտեցման համար:
Սերժ Սարգսյանը Յան Պիտեր Բալկենենդեին տեղեկացրել է նաեւ իր հրավերով Թուրքիայի նախագահի Հայաստան կատարած այցի մասին: Նիդեռլանդների վարչապետը ողջունել է Հայաստանի եւ Թուրքիայի միջեւ ընթացիկ երկխոսությունը: Անդրադառնալով Նիդեռլանդների խորհրդարանում Հայոց ցեղասպանության խնդրի քննարկումներին, Հոլանդիայի վարչապետը նշել է: "ՙՄենք, իհարկե, շատ լավ տեղյակ ենք ցեղասպանության խնդրին, կարեւոր է անկեղծ եւ ազնիվ լինել պատմության հետ":
Հոլանդիայի վարչապետը շնորհակալություն է հայտնել ՀՀ նախագահին` վրաց-օսական ճգնաժամի շրջանում Հոլանդիայի քաղաքացիներին ցուցաբերած աջակցության համար, ինչի շնորհիվ Վրաստանում գտնվող Հոլադիայի հարյուրավոր քաղաքացիներ հնարավորություն են ունեցել Հայաստանի տարածքով վերադառնալ հայրենիք:
Նախագահը Հոլանդիայի վարչապետին հրավիրել է այցելելու Հայաստան, ինչը հնարավորություն կտա առավել հանգամանալից քննարկելու երկու երկրների միջեւ քաղաքական երկխոսության հետագա խորացման եւ տնտեսական փոխգործակցության հեռանակարները:
* * *
Նույն օրը Նախագահ Սերժ Սարգսյանը հանդիպում է ունեցել ԵԱՀԿ Մինսկի խմբի համանախագահների հետ, որին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը:
Քննարկվել են Լեռնային Ղարաբաղի հիմնախնդրի կարգավորման բանակցային գործընթացին, ինչպես նաև Հայաստանի ու Ադրբեջանի նախագահների հաջորդ հանդիպման հնարավորությանը վերաբերող հարցեր:
* * *
Նախագահ Սերժ Սարգսյանը հանդիպում է ունեցել նաեւ Սերբիայի նախագահ Բորիս Տադիչի հետ: Նախագահները կարևորել են Հայաստանի և Սերբիայի միջև քաղաքական, տնտեսական ու մշակութային ոլորտներում համագործակցության հետագա խորացումը եւ նշել, որ այդ ուղղությամբ առկա է բավականին մեծ ներուժ, ինչի արդյունավետ իրացման ուղղությամբ անհրաժեշտ են հստակ քայլեր:
Սերժ Սարգսյանը և Բորիս Տադիչը նկատել են, որ չնայած աշխարհագրական հեռավորությանը` հայ և սերբ ժողովուրդները պատմամշակութային շատ ընդհանրություններ և փոխադարձաբար ջերմ վերաբերմունք ունեն միմյանց նկատմամբ:
Սերբիայի նախագահի խնդրանքով Սերժ Սարգսյանը ներկայացրել է Հայաստանի դիրքորոշումը Լեռնային Ղարաբաղի հիմնախնդրի կարգավորման, հայ- թուրքական հարաբերությունների և տարածաշրջանային վերջին իրադարձությունների վերաբերյալ: Սերժ Սարգսյանը և Բորիս Տադիչը համակարծիք են եղել, որ առկա խնդիրների բանակցային ճանապարհով հանգուցալուծումը, խաղաղության ու կայունության հաստատումը տարածաշրջանում կարևոր նախապայման է առաջընթացի, զարգացման և տարածաշրջանային նախաձեռնությունների կյանքի կոչման համար:
Սերբիայի նախագահն ընդգծել է այն առանձնահատուկ դերը, որ Սերբիայի հայ համայնքը կարող է ունենալ հայ-սերբական հարաբերությունների հետագա զարգացման գործում: Բորիս Տադիչը Սերժ Սարգսյանին հրավիրել է` պաշտոնական այց կատարել Սերբիա:
* * *
Նույն օրը նախագահ Սերժ Սարգսյանը հանդիպում է ունեցել Լատվիայի նախագահ Վալդիս Զատլերսի հետ: Երկու երկրների նախագահները գոհունակություն են հայտնել Հայաստանի և Լատվիայի միջև առկա հարաբերությունների ներկա մակարդակի առթիվ: Սերժ Սարգսյանը և Վալդիս Զատլերսը կարևորել են համագործակցությունը Եվրամիության Նոր հարևանության քաղաքականության շրջանակում: Նախագահ Սերժ Սարգսյանը ուսանելի է համարել եվրաինտեգրման ուղղությամբ Լատվիայի փորձը: Վալդիս Զատլերսն իր հերթին պատրաստակամություն է հայտնել այդ ուղղությամբ օժանդակել Հայաստանին:
Հայաստանի և Լատվիայի նախագահները ընդգծել են երկու երկրների մայրաքաղաքների միջև ուղիղ չվերթների իրականացման կարեւորությունը:
Հանդիպման ընթացքում անդրադարձ է եղել նաև տարածաշրջանային մի շարք խնդիրների: Վալդիս Զատլերսը Հայաստանի Հանրապետության նախագահին հրավիրել է` այցելելու Ռիգա:
* * *
Սեպտեմբերի 24ին նախագահ Սերժ Սարգյանն այցելել է Նյու Յորքի ՙՄետրոպոլիտեն՚ թանգարան: Հանրապետության Նախագահը շրջել է վաղ քրիստոնեության և բյուզանդական արվեստի ցուցասրահում, որտեղ Նախագահին ներկայացվել է ցուցադրվող միջնադարյան հայկական խաչքարը:
* * *
Օրվա երկրորդ կեսին իր կեցավայրում Նախագահ Սերժ Սարգսյանն ընդունել է ԱՄՆ Պետքարտուղար Քոնդոլիզա Ռայսին: Հանդիպման ընթացքում քննարկվել է հայ-ամերիկյան հարաբերություններին և տարածաշրջանային զարգացումներին առնչվող հարցերի լայն շրջանակ:
Նախագահ Սարգսյանը շնորհակալություն է հայտնել ԱՄՆ կառավարությանը` Հայաստանին ցուցաբերվող աջակցության համար: Ի պատասխան, պետքարտուղարը նշել է, որ Հայաստանը քաղաքական բարեփոխումներում արձանագրում է առաջընթաց, ինչը լավ հիմք է նման օժանդակության շարունակականության ապահովման համար:
Կողմերն անդրադարձել են ԵԱՀԿ Մինսկի խմբի շրջանակում ընթացող Լեռնային Ղարաբաղի հիմնախնդրի կարգավորման գործընթացին: ՀՀ նախագահը վերահաստատել է Հայաստանի պատրաստակամությունը` Լեռնային Ղարաբաղի հակամարտության խաղաղ, բանակցային ճանապարհով փոխզիջումային լուծման հարցում: Քոնդո¬լիզա Ռայսը կարևորել է Ղարաբաղի հիմնախնդրի խաղաղ կարգավորման գործընթացը, և ընդգծել, որ հիմնախնդրի նման հանգուցալուծումը կնպաստի տարածաշրջանում խաղաղության և համագործակցության հաստատմանը:
Պետքարտուղարը շնորհավորել է Հայաստանի Նախագահին` Թուրքիայի հետ հարաբերությունների կարգավորմանն ուղղված նրա նախաձեռնության համար և հույս հայտնել, որ Թուրքիայի Նախագահի այցը Հայաստան և հայ-թուրքական վերջին հանդիպումները համագործակցային ապագայի լավ սկիզբ են դնում:
Սեպտեմբերի 24-ի ուշ երեկոյան նախագահ Սերժ Սարգսյանը մասնակցել է ԱՄՆ-ում ՀՀ դեսպանության, ՄԱԿ-ում ՀՀ մշտական ներկայացուցչության և ամերիկահայ առաջատար կազմակերպությունների կողմից իր պատվին կազմակերպած հանդիսավոր ընդունելությանը:
Սեպտեմբերի 25-ին նախագահ Սերժ Սարգսյանը ելույթ է ունեցել ՄԱԿ-ի Գլխավոր վեհաժողովի 63-րդ նստաշրջանում
Նախագահ Սերժ Սարգսյանը Նյու Յորքում հանդիպել է Կիպրոսի Հանրապետության նախագահ Դմիտրիս Խրիստոֆիասի հետ:
Երկու երկրների ղեկավարները գոհունակությամբ արձանագրել են Հայաստանի եւ Կիպրոսի միջեւ միջպետական հարբերությունների բարձր մակարդակը: Նախագահները նշել են, որ երկու ժողովուրդները պատմականորեն ձեւավորված փոխադարձ մեծ հարգանք են տածում միմյանց նկատմամբ: Կիպրոսի նախագահը բարձր է գնահատել կիպրահայ համայնքի դերը Հայաստանի եւ Կիպրոսի միջեւ բարեկամության ամրապնդման գործում: Ս. Սարգսյանն իր հերթին շնորհակալություն է հայտնել Կիպրոսի նախագահին` հայկական համայնքի նկատմամբ տարվող մշտական պետական հոգածության համար:
Դ. Խրիստոֆիասի խնդրանքով Ս. Սարգսյանը ներկայացրել է հայ-թուրքական հարաբերությունների հեռանկարների վերաբերյալ իր մոտեցումները: Կիպրոսի նախագահն էլ հայ գործընկերոջը տեղեկացրել է կիպրական խնդրի կարգավորման ուղղությամբ բանակցային գործընթացի ներկա փուլին վերաբերող մանրամասները: Հանդիպման ժամանակ պայմանավորվածություն է ձեռք բերվել փոխադարձ պաշտոնական այցեր կատարելու վերաբերյալ:
* * *
Նախագահ Ս. Սարգսյանն այսօր հանդիպում է ունեցել նաեւ ՄԱԿ-ի գլխավոր քարտուղար Պան Կի- Մունի հետ:
Հանդիպման ընթացքում անդրադարձ է եղել տարածաշրջանային մի շարք խնդիրների, այդ թվում` Լեռնային Ղարաբաղի հիմնախնդրի խաղաղ կարգավորմանը եւ հայ-թուրքական ընթացիկ երկխոսությանը: ՄԱԿ-ի գլխավոր քարտուղարը բարձր է գնահատել նախագահ Ս. Սարգսյանի ՙֆուտբոլային դիվանագիտությունը՚ եւ Թուրքիայի նախագահ Աբդուլլահ Գյուլի այցը Հայաստան` պատրաստակամություն հայտնելով նպաստել հայ-թուրքական հարաբերությունների բարելավմանը:
Հանդիպման ժամանակ կողմերը բարձր են գնահատել Հայաստանի եւ Նիդեռլանդների միջեւ քաղաքական երկխոսության մակարդակը եւ երկուստեք շահագրգռվածություն հայտնել հարաբերությունների հետագա խորացման համար:
Ս. Սարգսյանը շնորհակալություն է հայտնել Հոլանդիայի կառավարությանը` Հայաստանին ցուցաբերվող տեխնիկական աջակցության համար եւ ասել, որ տնտեսական փոխգործակցությունը լավ հեռանկարներ ունի, ինչի ուղղությամբ անհրաժեշտ է առաջիկայում աշխատանքներ տանել: Հոլանդիան Եվրամիության անդամ երկրների շարքում երրորդն է Հայաստանի հետ ապրանքաշրջանառության ծավալների ցուցանիշով, իսկ Հայաստանը Համաշխարհային բանկի ՙՀոլանդական խմբի՚ անդամ է:
Նախագահը շնորհակալություն է հայտնել Նիդեռլանդների վարչապետին` ԼՂ հիմնախնդրի կարգավորման հարցում դրսեւորած հավասարակշռված մոտեցման համար:
Սերժ Սարգսյանը Յան Պիտեր Բալկենենդեին տեղեկացրել է նաեւ իր հրավերով Թուրքիայի նախագահի Հայաստան կատարած այցի մասին: Նիդեռլանդների վարչապետը ողջունել է Հայաստանի եւ Թուրքիայի միջեւ ընթացիկ երկխոսությունը: Անդրադառնալով Նիդեռլանդների խորհրդարանում Հայոց ցեղասպանության խնդրի քննարկումներին, Հոլանդիայի վարչապետը նշել է: "ՙՄենք, իհարկե, շատ լավ տեղյակ ենք ցեղասպանության խնդրին, կարեւոր է անկեղծ եւ ազնիվ լինել պատմության հետ":
Հոլանդիայի վարչապետը շնորհակալություն է հայտնել ՀՀ նախագահին` վրաց-օսական ճգնաժամի շրջանում Հոլանդիայի քաղաքացիներին ցուցաբերած աջակցության համար, ինչի շնորհիվ Վրաստանում գտնվող Հոլադիայի հարյուրավոր քաղաքացիներ հնարավորություն են ունեցել Հայաստանի տարածքով վերադառնալ հայրենիք:
Նախագահը Հոլանդիայի վարչապետին հրավիրել է այցելելու Հայաստան, ինչը հնարավորություն կտա առավել հանգամանալից քննարկելու երկու երկրների միջեւ քաղաքական երկխոսության հետագա խորացման եւ տնտեսական փոխգործակցության հեռանակարները:
* * *
Նույն օրը Նախագահ Սերժ Սարգսյանը հանդիպում է ունեցել ԵԱՀԿ Մինսկի խմբի համանախագահների հետ, որին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը:
Քննարկվել են Լեռնային Ղարաբաղի հիմնախնդրի կարգավորման բանակցային գործընթացին, ինչպես նաև Հայաստանի ու Ադրբեջանի նախագահների հաջորդ հանդիպման հնարավորությանը վերաբերող հարցեր:
* * *
Նախագահ Սերժ Սարգսյանը հանդիպում է ունեցել նաեւ Սերբիայի նախագահ Բորիս Տադիչի հետ: Նախագահները կարևորել են Հայաստանի և Սերբիայի միջև քաղաքական, տնտեսական ու մշակութային ոլորտներում համագործակցության հետագա խորացումը եւ նշել, որ այդ ուղղությամբ առկա է բավականին մեծ ներուժ, ինչի արդյունավետ իրացման ուղղությամբ անհրաժեշտ են հստակ քայլեր:
Սերժ Սարգսյանը և Բորիս Տադիչը նկատել են, որ չնայած աշխարհագրական հեռավորությանը` հայ և սերբ ժողովուրդները պատմամշակութային շատ ընդհանրություններ և փոխադարձաբար ջերմ վերաբերմունք ունեն միմյանց նկատմամբ:
Սերբիայի նախագահի խնդրանքով Սերժ Սարգսյանը ներկայացրել է Հայաստանի դիրքորոշումը Լեռնային Ղարաբաղի հիմնախնդրի կարգավորման, հայ- թուրքական հարաբերությունների և տարածաշրջանային վերջին իրադարձությունների վերաբերյալ: Սերժ Սարգսյանը և Բորիս Տադիչը համակարծիք են եղել, որ առկա խնդիրների բանակցային ճանապարհով հանգուցալուծումը, խաղաղության ու կայունության հաստատումը տարածաշրջանում կարևոր նախապայման է առաջընթացի, զարգացման և տարածաշրջանային նախաձեռնությունների կյանքի կոչման համար:
Սերբիայի նախագահն ընդգծել է այն առանձնահատուկ դերը, որ Սերբիայի հայ համայնքը կարող է ունենալ հայ-սերբական հարաբերությունների հետագա զարգացման գործում: Բորիս Տադիչը Սերժ Սարգսյանին հրավիրել է` պաշտոնական այց կատարել Սերբիա:
* * *
Նույն օրը նախագահ Սերժ Սարգսյանը հանդիպում է ունեցել Լատվիայի նախագահ Վալդիս Զատլերսի հետ: Երկու երկրների նախագահները գոհունակություն են հայտնել Հայաստանի և Լատվիայի միջև առկա հարաբերությունների ներկա մակարդակի առթիվ: Սերժ Սարգսյանը և Վալդիս Զատլերսը կարևորել են համագործակցությունը Եվրամիության Նոր հարևանության քաղաքականության շրջանակում: Նախագահ Սերժ Սարգսյանը ուսանելի է համարել եվրաինտեգրման ուղղությամբ Լատվիայի փորձը: Վալդիս Զատլերսն իր հերթին պատրաստակամություն է հայտնել այդ ուղղությամբ օժանդակել Հայաստանին:
Հայաստանի և Լատվիայի նախագահները ընդգծել են երկու երկրների մայրաքաղաքների միջև ուղիղ չվերթների իրականացման կարեւորությունը:
Հանդիպման ընթացքում անդրադարձ է եղել նաև տարածաշրջանային մի շարք խնդիրների: Վալդիս Զատլերսը Հայաստանի Հանրապետության նախագահին հրավիրել է` այցելելու Ռիգա:
* * *
Սեպտեմբերի 24ին նախագահ Սերժ Սարգյանն այցելել է Նյու Յորքի ՙՄետրոպոլիտեն՚ թանգարան: Հանրապետության Նախագահը շրջել է վաղ քրիստոնեության և բյուզանդական արվեստի ցուցասրահում, որտեղ Նախագահին ներկայացվել է ցուցադրվող միջնադարյան հայկական խաչքարը:
* * *
Օրվա երկրորդ կեսին իր կեցավայրում Նախագահ Սերժ Սարգսյանն ընդունել է ԱՄՆ Պետքարտուղար Քոնդոլիզա Ռայսին: Հանդիպման ընթացքում քննարկվել է հայ-ամերիկյան հարաբերություններին և տարածաշրջանային զարգացումներին առնչվող հարցերի լայն շրջանակ:
Նախագահ Սարգսյանը շնորհակալություն է հայտնել ԱՄՆ կառավարությանը` Հայաստանին ցուցաբերվող աջակցության համար: Ի պատասխան, պետքարտուղարը նշել է, որ Հայաստանը քաղաքական բարեփոխումներում արձանագրում է առաջընթաց, ինչը լավ հիմք է նման օժանդակության շարունակականության ապահովման համար:
Կողմերն անդրադարձել են ԵԱՀԿ Մինսկի խմբի շրջանակում ընթացող Լեռնային Ղարաբաղի հիմնախնդրի կարգավորման գործընթացին: ՀՀ նախագահը վերահաստատել է Հայաստանի պատրաստակամությունը` Լեռնային Ղարաբաղի հակամարտության խաղաղ, բանակցային ճանապարհով փոխզիջումային լուծման հարցում: Քոնդո¬լիզա Ռայսը կարևորել է Ղարաբաղի հիմնախնդրի խաղաղ կարգավորման գործընթացը, և ընդգծել, որ հիմնախնդրի նման հանգուցալուծումը կնպաստի տարածաշրջանում խաղաղության և համագործակցության հաստատմանը:
Պետքարտուղարը շնորհավորել է Հայաստանի Նախագահին` Թուրքիայի հետ հարաբերությունների կարգավորմանն ուղղված նրա նախաձեռնության համար և հույս հայտնել, որ Թուրքիայի Նախագահի այցը Հայաստան և հայ-թուրքական վերջին հանդիպումները համագործակցային ապագայի լավ սկիզբ են դնում:
Սեպտեմբերի 24-ի ուշ երեկոյան նախագահ Սերժ Սարգսյանը մասնակցել է ԱՄՆ-ում ՀՀ դեսպանության, ՄԱԿ-ում ՀՀ մշտական ներկայացուցչության և ամերիկահայ առաջատար կազմակերպությունների կողմից իր պատվին կազմակերպած հանդիսավոր ընդունելությանը:
Սեպտեմբերի 25-ին նախագահ Սերժ Սարգսյանը ելույթ է ունեցել ՄԱԿ-ի Գլխավոր վեհաժողովի 63-րդ նստաշրջանում
Նախագահ Սերժ Սարգսյանը Նյու Յորքում հանդիպել է Կիպրոսի Հանրապետության նախագահ Դմիտրիս Խրիստոֆիասի հետ:
Երկու երկրների ղեկավարները գոհունակությամբ արձանագրել են Հայաստանի եւ Կիպրոսի միջեւ միջպետական հարբերությունների բարձր մակարդակը: Նախագահները նշել են, որ երկու ժողովուրդները պատմականորեն ձեւավորված փոխադարձ մեծ հարգանք են տածում միմյանց նկատմամբ: Կիպրոսի նախագահը բարձր է գնահատել կիպրահայ համայնքի դերը Հայաստանի եւ Կիպրոսի միջեւ բարեկամության ամրապնդման գործում: Ս. Սարգսյանն իր հերթին շնորհակալություն է հայտնել Կիպրոսի նախագահին` հայկական համայնքի նկատմամբ տարվող մշտական պետական հոգածության համար:
Դ. Խրիստոֆիասի խնդրանքով Ս. Սարգսյանը ներկայացրել է հայ-թուրքական հարաբերությունների հեռանկարների վերաբերյալ իր մոտեցումները: Կիպրոսի նախագահն էլ հայ գործընկերոջը տեղեկացրել է կիպրական խնդրի կարգավորման ուղղությամբ բանակցային գործընթացի ներկա փուլին վերաբերող մանրամասները: Հանդիպման ժամանակ պայմանավորվածություն է ձեռք բերվել փոխադարձ պաշտոնական այցեր կատարելու վերաբերյալ:
* * *
Նախագահ Ս. Սարգսյանն այսօր հանդիպում է ունեցել նաեւ ՄԱԿ-ի գլխավոր քարտուղար Պան Կի- Մունի հետ:
Հանդիպման ընթացքում անդրադարձ է եղել տարածաշրջանային մի շարք խնդիրների, այդ թվում` Լեռնային Ղարաբաղի հիմնախնդրի խաղաղ կարգավորմանը եւ հայ-թուրքական ընթացիկ երկխոսությանը: ՄԱԿ-ի գլխավոր քարտուղարը բարձր է գնահատել նախագահ Ս. Սարգսյանի ՙֆուտբոլային դիվանագիտությունը՚ եւ Թուրքիայի նախագահ Աբդուլլահ Գյուլի այցը Հայաստան` պատրաստակամություն հայտնելով նպաստել հայ-թուրքական հարաբերությունների բարելավմանը: