Լրատվություն
Արտերկրյա այցեր
04
11, 2008
Նախագահ Սերժ Սարգսյանի աշխատանքային այցը Ֆրանսիայի Հանրապետություն
Նախագահ Սերժ Սարգսյանը Ֆրանսիա կատարած աշխատանքային այցի շրջանակում նոյեմբերի 4-ի առավոտյան հանդիպումներ է ունեցել Ֆրանսիայի վարչապետ Ֆրանսուա Ֆիյոնի եւ Սենատի նախագահ Ժերար Լարշեի հետ:
Հանդիպումների ժամանակ քննարկվել են հայ-ֆրանսիական բարեկամական հարաբերությունների հետագա զարգացմանը, տնտեսական փոխգործակցության խորացմանը, միջխորհրդարանական համագործակցության եւ շփումների ակտիվացմանը, տարածաշրջանային զարգացումներին, ինչպես նաեւ Հայաստան-Եվրամիություն համագործակցությանը վերաբերող հարցերի ընդգրկուն շրջանակ: Սենատում ՀՀ Նախագահ Սերժ Սարգսյանը գրառում է կատարել պատվավոր հյուրերի մատյանում:
Հանրապետության նախագահը հանդիպել է նաեւ աշխարհահռչակ շանսոնիե, ՀՀ Ազգային հերոս Շառլ Ազնավուրի հետ:
Օրվա երկրորդ կեսին Նախագահ Սերժ Սարգսյանը հանդիպում է ունեցել Ֆրանսիայի Հանրապետության Նախագահ Նիկոլա Սարկոզիի հետ: Հայաստանի Հանրապետության Նախագահի պաշտոնում սա Սերժ Սարգսյանի առաջին հանդիպումն էր Նիկոլա Սարկոզիի հետ:
Հայաստանի եւ Ֆրանսիայի ղեկավարների բանակցութունների օրակարգում հայ-ֆրանսիական բարեկամական հարաբերությունների հետագա խորացմանը, Լեռնային Ղարաբաղի հակամարտության կարգավորման բանակցային գործընթացի արդի փուլին, հայ-թուրքական երկխոսությանը, տարածաշրջանում տեղի ունեցած վերջին իրադարձություններին, Հայաստան-Եվրամիություն համագործակցությանը վերաբերող հարցերի լայն շրջանակ էր:
Երկու երկրների նախագահները գոհունակություն են հայտնել ավանդական ջերմ ու բարեկամական հարաբերությունների շարունակականության առթիվ եւ պայմանավորվածություն ձեռք բերել` շարունակել բարձր մակարդակի շփումները, ինչը կնպաստի հայ-ֆրանսիական բարեկամության էլ ավելի խորացմանը:
Նախագահները դրական են գնահատել երկու երկրների միջեւ ապրանքաշրջանառության ծավալների արձանագրված աճը` պատրաստակամություն հայտնելով անհրաժեշտ քայլեր ձեռնարկել երկկողմ տնտեսական փոխգործակցության խորացման ուղղությամբ:
Նախագահ Սարգսյանն ընդգծել է Ֆրանսիայի` որպես ԵԱՀԿ Մինսկի խմբի համանախագահող երկրի, կարեւոր դերակատարությունը Լեռնային Ղարաբաղի հիմնախնդրի խաղաղ կարգավորման գործում: Ֆրանսիայի Նախագահն իր աջակցությունն է հայտնել հակամարտության կարգավորման դիվանագիտական ջանքերին եւ հայ-թուրքական քաղաքական ընթացող երկխոսությանը:
Նախագահ Սերժ Սարգսյանը շնորհակալություն է հայտնել Նիկոլա Սարկոզիին` Հայաստանին Ֆրանկոֆոնիայի միջազգային կազմակերպության ասոցիացված անդամի կարգավիճակ շնորհելու գործում Ֆրանսիայի ցուցաբերած աջակցության համար:
Երկու երկրների ղեկավարները ընդգծել են նաեւ Ֆրանսիայի հայ համայնքի անգնահատելի դերը հայ-ֆրանսիական բարեկամության ամրապնդման գործում:
Ֆրանսիա կատարած աշխատանքային այցի ավարտին Սերժ Սարգսյանը հարցազրույց է տվել ֆրանսիական մի քանի առաջատար լրատվամիջոցների:
Հանդիպումների ժամանակ քննարկվել են հայ-ֆրանսիական բարեկամական հարաբերությունների հետագա զարգացմանը, տնտեսական փոխգործակցության խորացմանը, միջխորհրդարանական համագործակցության եւ շփումների ակտիվացմանը, տարածաշրջանային զարգացումներին, ինչպես նաեւ Հայաստան-Եվրամիություն համագործակցությանը վերաբերող հարցերի ընդգրկուն շրջանակ: Սենատում ՀՀ Նախագահ Սերժ Սարգսյանը գրառում է կատարել պատվավոր հյուրերի մատյանում:
Հանրապետության նախագահը հանդիպել է նաեւ աշխարհահռչակ շանսոնիե, ՀՀ Ազգային հերոս Շառլ Ազնավուրի հետ:
Օրվա երկրորդ կեսին Նախագահ Սերժ Սարգսյանը հանդիպում է ունեցել Ֆրանսիայի Հանրապետության Նախագահ Նիկոլա Սարկոզիի հետ: Հայաստանի Հանրապետության Նախագահի պաշտոնում սա Սերժ Սարգսյանի առաջին հանդիպումն էր Նիկոլա Սարկոզիի հետ:
Հայաստանի եւ Ֆրանսիայի ղեկավարների բանակցութունների օրակարգում հայ-ֆրանսիական բարեկամական հարաբերությունների հետագա խորացմանը, Լեռնային Ղարաբաղի հակամարտության կարգավորման բանակցային գործընթացի արդի փուլին, հայ-թուրքական երկխոսությանը, տարածաշրջանում տեղի ունեցած վերջին իրադարձություններին, Հայաստան-Եվրամիություն համագործակցությանը վերաբերող հարցերի լայն շրջանակ էր:
Երկու երկրների նախագահները գոհունակություն են հայտնել ավանդական ջերմ ու բարեկամական հարաբերությունների շարունակականության առթիվ եւ պայմանավորվածություն ձեռք բերել` շարունակել բարձր մակարդակի շփումները, ինչը կնպաստի հայ-ֆրանսիական բարեկամության էլ ավելի խորացմանը:
Նախագահները դրական են գնահատել երկու երկրների միջեւ ապրանքաշրջանառության ծավալների արձանագրված աճը` պատրաստակամություն հայտնելով անհրաժեշտ քայլեր ձեռնարկել երկկողմ տնտեսական փոխգործակցության խորացման ուղղությամբ:
Նախագահ Սարգսյանն ընդգծել է Ֆրանսիայի` որպես ԵԱՀԿ Մինսկի խմբի համանախագահող երկրի, կարեւոր դերակատարությունը Լեռնային Ղարաբաղի հիմնախնդրի խաղաղ կարգավորման գործում: Ֆրանսիայի Նախագահն իր աջակցությունն է հայտնել հակամարտության կարգավորման դիվանագիտական ջանքերին եւ հայ-թուրքական քաղաքական ընթացող երկխոսությանը:
Նախագահ Սերժ Սարգսյանը շնորհակալություն է հայտնել Նիկոլա Սարկոզիին` Հայաստանին Ֆրանկոֆոնիայի միջազգային կազմակերպության ասոցիացված անդամի կարգավիճակ շնորհելու գործում Ֆրանսիայի ցուցաբերած աջակցության համար:
Երկու երկրների ղեկավարները ընդգծել են նաեւ Ֆրանսիայի հայ համայնքի անգնահատելի դերը հայ-ֆրանսիական բարեկամության ամրապնդման գործում:
Ֆրանսիա կատարած աշխատանքային այցի ավարտին Սերժ Սարգսյանը հարցազրույց է տվել ֆրանսիական մի քանի առաջատար լրատվամիջոցների: