Լրատվություն
Արտերկրյա այցեր
11
04, 2010
Նախագահ Սարգսյանի աշխատանքային այցը Ամերիկայի Միացյալ Նահանգներ
Նախագահ Սերժ Սարգսյանը ԱՄՆ Նախագահ Բարաք Օբամայի հրավերով ապրիլի 11-ից 13-ը Վաշինգտոնում մասնակցել է Գլոբալ միջուկային անվտանգության հարցերով գագաթնաժողովի աշխատանքներին:
ԱՄՆ մայրաքաղաքում Նախագահ Սերժ Սարգսյանն ապրիլի 12-ին հանդիպում է ունեցել Ամերիկայի Միացյալ Նահանգների Նախագահ Բարաք Օբամայի հետ:
Երկու երկրների ղեկավարները քննարկել են հայ-ամերիկյան երկկողմ հարաբերությունների զարգացման հեռանկարները:
Սերժ Սարգսյանը եւ Բարաք Օբաման անդրադարձել են նաեւ Հայաստանի եւ Թուրքիայի միջեւ հարաբերությունների կարգավորման ընթացքին, մտքեր են փոխանակել տարածաշրջանային զարգացումների եւ Լեռնային Ղարաբաղի հիմնախնդրի խաղաղ կարգավորման գործընթացի ներկա փուլի վերաբերյալ:
Նախագահ Սարգսյանը Վաշինգտոնում ապրիլի 12-ին հանդիպում է ունեցել նաեւ Թուրքիայի վարչապետ Ռեջեփ Թայիփ Էրդողանի հետ:
Ապա Հայաստանի ղեկավարն այցելել է Վաշինգտոնի մայր տաճար, ծաղկեպսակ դրել եւ հարգանքի տուրք մատուցել ԱՄՆ Նախագահ Վուդրո Վիլսոնի շիրիմին:
ՀՀ Նախագահը ապրիլի 12-ին հանդիպումներ է ունեցել նաեւ Ամերիկայի հայկական համագումարի եւ Հայ հեղափոխական դաշնակցության բյուրոյի ներկայացուցիչների հետ:
Քննարկվել են հայապահպանությանը, հայրենիք-սփյուռք հարաբերություններին եւ այդ հարաբերությունների ամրապնդման գործում սփյուռքի կառույցների դերին վերաբերող հարցեր:
Նախագահ Սարգսյանը Սփյուռքի մեր հայրենակիցների հետ զրուցել է նաեւ Հայաստան-Թուրքիա հարաբերությունների կարգավորման գործընթացի ներկա փուլի մասին:
Գլոբալ Միջուկային անվտանգության համաժողովի շրջանակում ՀՀ Նախագահ Սերժ Սարգսյանն ապրիլի 13-ին հանդիպել է ԱՄՆ պետքարտուղար Հիլարի Քլինթոնի հետ: Զրուցակիցները քննարկել են Հայաստանի եւ Թուրքիայի հարաբերությունների կարգավորման հեռանկարները: ԱՄՆ պետքարտուղարը վերահաստատել է ԱՄՆ Նախագահ Բարաք Օբամայի հորդորը` շարունակելու Հայաստանի եւ Թուրքիայի միջեւ առանց նախապայմանների հարաբերությունների կարգավորման գործընթացը: Սերժ Սարգսյանն ու Հիլարի Քլինթոնը քննարկել են հայ-ամերիկյան երկկողմ հարաբերություններին, ինչպես նաեւ ԵԱՀԿ Մինսկի խմբի շրջանակներում ընթացող ԼՂ հիմնահարցի խաղաղ կարգավորման գործընթացին առնչվող հարցեր:
Հայաստանի Հանրապետության Նախագահ Սերժ Սարգսյանը նույն օրը հանդիպել է ԱՄՆ կոնգրեսի անդամ Ադամ Շիֆի հետ: Զրույցի ընթացքում Սերժ Սարգսյանը շնորհակալություն է հայտնել կոնգրեսականին` ԱՄՆ կոնգրեսում Հայոց Ցեղասպանության ճանաչմանն ուղղված գործուն ջանքերի, ինչպես նաեւ Հայաստանին ու Արցախին ցուցաբերած աջակցության համար:
ԱՄՆ մայրաքաղաքում Նախագահ Սերժ Սարգսյանն ապրիլի 12-ին հանդիպում է ունեցել Ամերիկայի Միացյալ Նահանգների Նախագահ Բարաք Օբամայի հետ:
Երկու երկրների ղեկավարները քննարկել են հայ-ամերիկյան երկկողմ հարաբերությունների զարգացման հեռանկարները:
Սերժ Սարգսյանը եւ Բարաք Օբաման անդրադարձել են նաեւ Հայաստանի եւ Թուրքիայի միջեւ հարաբերությունների կարգավորման ընթացքին, մտքեր են փոխանակել տարածաշրջանային զարգացումների եւ Լեռնային Ղարաբաղի հիմնախնդրի խաղաղ կարգավորման գործընթացի ներկա փուլի վերաբերյալ:
Նախագահ Սարգսյանը Վաշինգտոնում ապրիլի 12-ին հանդիպում է ունեցել նաեւ Թուրքիայի վարչապետ Ռեջեփ Թայիփ Էրդողանի հետ:
Ապա Հայաստանի ղեկավարն այցելել է Վաշինգտոնի մայր տաճար, ծաղկեպսակ դրել եւ հարգանքի տուրք մատուցել ԱՄՆ Նախագահ Վուդրո Վիլսոնի շիրիմին:
ՀՀ Նախագահը ապրիլի 12-ին հանդիպումներ է ունեցել նաեւ Ամերիկայի հայկական համագումարի եւ Հայ հեղափոխական դաշնակցության բյուրոյի ներկայացուցիչների հետ:
Քննարկվել են հայապահպանությանը, հայրենիք-սփյուռք հարաբերություններին եւ այդ հարաբերությունների ամրապնդման գործում սփյուռքի կառույցների դերին վերաբերող հարցեր:
Նախագահ Սարգսյանը Սփյուռքի մեր հայրենակիցների հետ զրուցել է նաեւ Հայաստան-Թուրքիա հարաբերությունների կարգավորման գործընթացի ներկա փուլի մասին:
Գլոբալ Միջուկային անվտանգության համաժողովի շրջանակում ՀՀ Նախագահ Սերժ Սարգսյանն ապրիլի 13-ին հանդիպել է ԱՄՆ պետքարտուղար Հիլարի Քլինթոնի հետ: Զրուցակիցները քննարկել են Հայաստանի եւ Թուրքիայի հարաբերությունների կարգավորման հեռանկարները: ԱՄՆ պետքարտուղարը վերահաստատել է ԱՄՆ Նախագահ Բարաք Օբամայի հորդորը` շարունակելու Հայաստանի եւ Թուրքիայի միջեւ առանց նախապայմանների հարաբերությունների կարգավորման գործընթացը: Սերժ Սարգսյանն ու Հիլարի Քլինթոնը քննարկել են հայ-ամերիկյան երկկողմ հարաբերություններին, ինչպես նաեւ ԵԱՀԿ Մինսկի խմբի շրջանակներում ընթացող ԼՂ հիմնահարցի խաղաղ կարգավորման գործընթացին առնչվող հարցեր:
Հայաստանի Հանրապետության Նախագահ Սերժ Սարգսյանը նույն օրը հանդիպել է ԱՄՆ կոնգրեսի անդամ Ադամ Շիֆի հետ: Զրույցի ընթացքում Սերժ Սարգսյանը շնորհակալություն է հայտնել կոնգրեսականին` ԱՄՆ կոնգրեսում Հայոց Ցեղասպանության ճանաչմանն ուղղված գործուն ջանքերի, ինչպես նաեւ Հայաստանին ու Արցախին ցուցաբերած աջակցության համար: