Լրատվություն
Ցավակցական
20
10, 2012
Նախագահ Սերժ Սարգսյանը ցավակցական հեռագիր է հղել Լիբանանի նախագահ Միշել Սուլեյմանին
Նախագահ Սերժ Սարգսյանը ցավակցական հեռագիր է հղել Լիբանանի Հանրապետության նախագահ գեներալ Միշել Սուլեյմանին՝ Բեյրութում տեղի ունեցած ահաբեկչական գործողության կապակցությամբ:
Հեռագրում, մասնավորապես, ասված է.
«Ձերդ Գերազանցություն,
Խոր ցավով և ցասումով տեղեկացանք հոկտեմբերի 19-ին Բեյրութում տեղի ունեցած անմարդկային և սահմռկեցուցիչ ահաբեկչական գործողության մասին, որի պատճառով զոհվեցին և վիրավորվեցին տասնյակ անմեղ քաղաքացիներ։
Այս տխուր առիթով Հայաստանի ժողովրդի և անձամբ իմ անունից խորին ցավակցություն և զորակցություն եմ հայտնում Ձեզ և Լիբանանի եղբայրական ժողովրդին, զոհվածների հարազատներին՝ մաղթելով տոկունություն և հարատև խաղաղություն:
Ընդունեք խնդրեմ, Ձերդ Գերազանցություն, մեկ անգամ ևս, մեր անկեղծ վշտակցությունը»: