Նախագահ Վահագն Խաչատուրյանը ցավակցական հեռագիր է հղել Բաբկեն Արարքցյանի մահվան կապակցությամբ

Հանրապետության նախագահ Վահագն Խաչատուրյանը ցավակցական հեռագիր է հղել Բաբկեն Արարքցյանի մահվան կապակցությամբ.

«Մեծ ցավով տեղեկացա պետական, քաղաքական գործիչ, ԱԺ առաջին նախագահ Բաբկեն Արարքցյանի մահվան մասին:

Անուրանալի է Բաբկեն Արարքցյանի ավանդն ու ներդրումը մեր պետականության ու քաղաքական մտքի կայացման գործում: Նա հազվագյուտ սկզբունքային գործիչ էր, որի համար հանրային-պետական շահը գերակա էր ցանկացած այլ գաղափարի կամ իրողության:

Բաբկեն Արարքցյանի քաղաքական, հասարակական, գիտամանկավարժական գործունեությունը քաղաքացիական համարձակության, պետական մտածողության ու պատասխանատվության բարձր գիտակցության վառ օրինակ է ցանկացած քաղաքական գործչի և քաղաքացու համար:

Խորապես ցավակցում եմ Բաբկեն Արարքցյանի ընտանիքին, հարազատներին ու ընկերներին»: