Նախագահ Վահագն Խաչատուրյանը ցավակցական հեռագիր է հղել Հնդկաստանի նախագահ Դրուպադի Մուրմուին

Հանրապետության նախագահ Վահագն Խաչատուրյանը ցավակցական հեռագիր է հղել Հնդկաստանի Հանրապետության նախագահ Դրուպադի Մուրմուին Ահմադաբադ քաղաքի օդանավակայանում ուղևորատար ինքնաթիռի կործանման կապակցությամբ:

Հեռագրում ասվում է.

«Մեծ ցավով տեղեկացա Հնդկաստանի Ահմադաբադ քաղաքի օդանավակայանում ուղևորատար ինքնաթիռի ողբերգական կործանման մասին, որի հետևանքով զոհվեցին բազմաթիվ անմեղ մարդիկ:

Իմ խորին վշտակցությունն ու զորակցությունն եմ հայտնում Ձեզ, Հնդկաստանի բարեկամ ժողովրդին և զոհվածների հարազատներին՝ մաղթելով ոգու արիություն և տոկունություն»: