07
10, 2009

Նախագահ Սերժ Սարգսյանը շնորհավորական ուղերձ է հղել ՌԴ կառավարության նախագահ Վլադիմիր Պուտինին

Նախագահ Սերժ Սարգսյանն այսօր շնորհավորական ուղերձ է հղել ՌԴ կառավարության նախագահ Վլադիմիր Պուտինին` ծննդյան օրվա կապակցությամբ:

Ուղերձում ասված է.

"Հարգելի Վլադիմիր Վլադիմիրի,

Ընդունեք իմ անկեղծ շնորհավորանքները եւ բարեմաղթանքները Ձեր ծննդյան օրվա կապակցությամբ:

Անգնահատելի է Ձեր անձնական ներդրումը հայ-ռուսական ռազմավարական համագործակցության զարգացման գործում: Համոզված եմ, որ փոխադարձ վստահության ու հարգանքի վրա հիմնված մեր համատեղ բեղմնավոր աշխատանքը հետագայում եւս կնպաստի Հայաստանի եւ Ռուսաստանի միջեւ ավանդական բարեկամական հարաբերությունների զարգացմանն ու խորացմանը:

Հարգելի Վլադիմիր Վլադիմիրի,

Օգտվելով առիթից` ցանկանում եմ ի սրտե մաղթել Ձեզ քաջ առողջություն, երջանկություն եւ հետագա հաջողություններ Ձեր պետական գործունեության մեջ":

← Վերադառնալ