Լրատվություն
Շնորհավորական
29
09, 2010
Նախագահ Սարգսյանի շնորհավորական ուղերձը Չինաստանի Նախագահ Հու Ձինթաոյին` ՉԺՀ կազմավորման 61-րդ տարեդարձի առթիվ
Ձերդ Գերազանցություն,
Հայ ժողովրդի և անձամբ իմ անունից Ձեզ և Չինաստանի բարեկամ ժողովրդին եմ հղում իմ ջերմ շնորհավորանքն ու բարեմաղթանքները Չինաստանի Ժողովրդական Հանրապետության կազմավորման 61-րդ տարեդարձի կապակցությամբ:
Ուրախալի է, որ Հայաստանի և Չինաստանի միջև ձևավորված ավանդական բարեկամական հարաբերությունները դինամիկ զարգանում են, ակտիվանում են բարձր մակարդակի փոխայցելությունները, փոխշահավետ համագործակցությունը: Հյուրընկալելով աշխարհի գրեթե բոլոր երկրների ներկայացուցիչներին «Շանհայ Էքսպո-2010» համաշխարհային ցուցահանդեսում` Չինաստանը մի նոր հարթակ ստեղծեց առաջընթացի և համամարդկային արժեքների զարգացման համար: Վստահ եմ, որ այս տարվա մայիսին Ձեզ հետ հանդիպման ժամանակ ձեռք բերված պայմանավորվածությունների իրականացումը նոր թափ կհաղորդի մեր հարաբերությունների հետագա զարգացմանը և խորացմանը:
Համոզված եմ, որ համատեղ ջանքերով մեր երկրների և ժողովուրդների միջև առկա բարեկամությունն ավելի կամրապնդվի:
Օգտվելով առիթից` մաղթում եմ Ձեզ, Ձերդ Գերազանցություն, քաջառողջություն և հաջողություններ, իսկ Չինաստանի բարեկամ ժողովրդին` երջանկություն և բարօրություն:
Հայ ժողովրդի և անձամբ իմ անունից Ձեզ և Չինաստանի բարեկամ ժողովրդին եմ հղում իմ ջերմ շնորհավորանքն ու բարեմաղթանքները Չինաստանի Ժողովրդական Հանրապետության կազմավորման 61-րդ տարեդարձի կապակցությամբ:
Ուրախալի է, որ Հայաստանի և Չինաստանի միջև ձևավորված ավանդական բարեկամական հարաբերությունները դինամիկ զարգանում են, ակտիվանում են բարձր մակարդակի փոխայցելությունները, փոխշահավետ համագործակցությունը: Հյուրընկալելով աշխարհի գրեթե բոլոր երկրների ներկայացուցիչներին «Շանհայ Էքսպո-2010» համաշխարհային ցուցահանդեսում` Չինաստանը մի նոր հարթակ ստեղծեց առաջընթացի և համամարդկային արժեքների զարգացման համար: Վստահ եմ, որ այս տարվա մայիսին Ձեզ հետ հանդիպման ժամանակ ձեռք բերված պայմանավորվածությունների իրականացումը նոր թափ կհաղորդի մեր հարաբերությունների հետագա զարգացմանը և խորացմանը:
Համոզված եմ, որ համատեղ ջանքերով մեր երկրների և ժողովուրդների միջև առկա բարեկամությունն ավելի կամրապնդվի:
Օգտվելով առիթից` մաղթում եմ Ձեզ, Ձերդ Գերազանցություն, քաջառողջություն և հաջողություններ, իսկ Չինաստանի բարեկամ ժողովրդին` երջանկություն և բարօրություն: