Նախագահ Արմեն Սարգսյանը շնորհավորել է Հռոմի Պապ Ֆրանցիսկոսին՝ Հռոմի Սրբազան Քահանայապետ ընտրվելու տարեդարձի առթիվ

Հանրապետության նախագահ Արմեն Սարգսյանը շնորհավորական ուղերձ է հղել Նորին Սրբություն Հռոմի Պապ Ֆրանցիսկոսին՝ Հռոմի Սրբազան Քահանայապետ ընտրվելու տարեդարձի առթիվ՝ մաղթելով նրան քաջառողջություն և անսպառ կորով իր նվիրական առաքելության իրականացման ճանապարհին:

«Հայաստանում մեծ ակնածանքով են հետևում Ձերդ Սրբության՝ աշխարհում արդարության հաստատմանը, ժողովուրդների հաշտեցմանը, հասարակության խոցելի խմբերի աջակցությանն ուղղված հետևողական ջանքերին:

Մենք սրտագին ջերմությամբ ենք հիշում Ձեր պատմական այցը Հայաստան և երախտապարտ ենք Ձեր աղոթքներում մեզ մշտապես հիշելու համար»,-ասված է Հանրապետության Նախագահի շնորհավորական ուղերձում: