Նախագահ Արմեն Սարգսյանը շնորհավորել է Բահրեյնի թագավորին ազգային տոնի առթիվ

Հանրապետության նախագահ Արմեն Սարգսյանը շնորհավորական ուղերձ է հղել Բահրեյնի Թագավորության թագավոր Համադ Բին Իսա Ալ Խալիֆային՝ երկրի ազգային տոնի առթիվ:

Նախագահ Արմեն Սարգսյանի ուղերձում մասնավորապես ասվում է.

«Ուրախ եմ, որ Արաբական Միացյալ Էմիրություններ կատարած այցիս ընթացքում կարճատև հանդիպում ունեցանք և զրուցեցինք փոխադարձ հետաքրքրություն ներկայացնող մի շարք հարցերի շուրջ:

Վստահ եմ, որ միասնական ջանքերով կընդլայնենք և կամրապնդենք երկկողմ գործակցությունը՝ ի շահ մեր ժողովուրդների: Այս առումով հատկապես կարևորում եմ բարձրաստիճան շփումները և սիրով հրավիրում եմ Ձեզ հարմար ժամանակ այցելել Հայաստան»: