Նախագահ Վահագն Խաչատուրյանը շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոյին Անկախության օրվա առթիվ

Հանրապետության նախագահ Վահագն Խաչատուրյանը շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոյին՝ Բելառուսի Անկախության օրվա առթիվ:

Նախագահի ուղերձում մասնավորապես ասվում է.

«Ջերմորեն շնորհավորում եմ Ձեզ Բելառուսի Հանրապետության Անկախության օրվա առթիվ։

Համոզված եմ, որ հայ-բելառուսական համագործակցության հետագա ընդլայնումը և փոխշահավետ նախագծերի համատեղ իրականացումը կնպաստեն մեր ժողովուրդների միջև ավանդական բարեկամության և փոխադարձ հարգանքի վրա հիմնված հարաբերությունների պահպանմանն ու նոր բովանդակությամբ համալրմանը, և այս առումով ակնկալում եմ Ձեր ակտիվ աջակցությունը։

Հարգելի Ալեքսանդր Գրիգորիի, սրտանց մաղթում եմ Ձեզ քաջառողջություն, բարեկեցություն և հաջողություններ»։