22
07, 2022

Նախագահ Վահագն Խաչատուրյանը շնորհավորական ուղերձ է հղել Հնդկաստանի նախագահ Դրաուպադի Մուրմուին պաշտոնը ստանձնելու կապակցությամբ

Հանրապետության նախագահ Վահագն Խաչատուրյանը շնորհավորական ուղերձ է հղել Հնդկաստանի Հանրապետության նախագահ Դրաուպադի Մուրմուին պաշտոնը ստանձնելու կապակցությամբ:

Ուղերձում ասվում է.

«Ջերմորեն շնորհավորում եմ Ձեզ Հնդկաստանի Հանրապետության նախագահի պաշտոնը ստանձնելու կապակցությամբ:

Հայաստանի և Հնդկաստանի ժողովուրդները կապված են փոխադարձ վստահության և հարգանքի վրա խարսխված դարավոր բարեկամությամբ:

Համոզված եմ, որ մեր երկրների միջև առկա սերտ հարաբերություններն ավելի կամրապնդվեն և կզարգանան՝ ի նպաստ մեր ժողովուրդների բարօրության:

Մաղթում եմ Ձեզ քաջառողջություն և հաջողություններ Ձեր պատասխանատու պաշտոնում, իսկ Հնդկաստանի բարեկամ ժողովրդին՝ խաղաղություն և բարեկեցություն»:

 

← Վերադառնալ