Լրատվություն
Շնորհավորական
12
03, 2023
Նախագահ Վահագն Խաչատուրյանը շնորհավորել է Մավրիկիոսի Հանրապետության նախագահ Պրիթվիրաջսինգ Ռոպունին
Հանրապետության նախագահ Վահագն Խաչատուրյանը շնորհավորական ուղերձ է հղել Մավրիկիոսի Հանրապետության նախագահ Պրիթվիրաջսինգ Ռոպունին Մավրիկիոսի Անկախության 55-ամյակի կապակցությամբ:
Ուղերձում մասնավորապես ասվում է.
«Հայաստանը կարևորում է Մավրիկիոսի հետ ժողովրդավարական արժեքների, փոխադարձ հարգանքի և վստահության վրա հիմնված հարաբերությունները:
Հատկանշական է, որ այս տարի լրանում է նաև մեր երկրների միջև դիվանագիտական հարաբերությունների հաստատման 10-ամյակը:
Լիահույս եմ, որ համատեղ ջանքերով կնպաստենք փոխշահավետ գործակցության հետագա զարգացմանը՝ ի շահ մեր ժողովուրդների:
Մաղթում եմ Ձեզ քաջառողջություն և հաջողություն, իսկ Մավրիկիոսի ժողովրդին` խաղաղություն և բարեկեցություն»: