Նախագահ Վահագն Խաչատուրյանը շնորհավորական ուղերձ է հղել Վրաստանի նախագահ Միխեիլ Կավելաշվիլիին

Հանրապետության նախագահ Վահագն Խաչատուրյանը շնորհավորական ուղերձ է հղել Վրաստանի նախագահ Միխեիլ Կավելաշվիլիին ազգային տոնի՝ Անկախության օրվա կապակցությամբ:

«Հայ և վրացի ժողովուրդների միջև հազարամյակների պատմություն ունեցող բարեկամությունն ամուր հիմք է սերտ փոխգործակցության համար։

Ջերմությամբ եմ հիշում Հայաստան կատարած Ձեր այցը և երկկողմ հարաբերությունների ամրապնդմանն ու խորացմանն ուղղված հարցերի շուրջ մեր անկեղծ քննարկումները։

Համոզված եմ, որ առկա միջպետական կապերը լիովին համապատաս­խանում են մեր ժողովուրդների կենսական շահերին և ձգտումներին՝ հանդիսանալով նաև տարածաշրջանում անվտանգության և կայունության պահպանման երաշխիք», - մասնավորապես ասվում է ուղերձում: