Նախագահ Վահագն Խաչատուրյանը շնորհավորական ուղերձ է հղել Լեհաստանի նախագահ Կարոլ Նավրոցկիին

Հանրապետության նախագահ Վահագն Խաչատուրյանը շնորհավորական ուղերձ է հղել Լեհաստանի Հանրապետության նախագահ Կարոլ Նավրոցկիին Սահմանադրության օրվա կապակցությամբ:

«Հայաստանը բարձր է գնահատում Լեհաստանի հետ փոխադարձ հարգանքի, վստահության և ընդհանուր արժեքների վրա հիմնված բարեկամական կապերը։

Մեծապես կարևորում եմ մեր երկրների միջև առկա կառուցողական երկխոսությունը և բարձրաստիճան այցերը, որոնք նոր լիցք են հաղորդում երկկողմ հարաբերություններին՝ նպաստելով գործընկերության ընդլայնմանը պաշտպանու­թյան, տնտեսության, կրթության և մշակույթի ոլորտներում»,- մասնավորապես ասվում է ուղերձում: