Նախագահ Վահագն Խաչատուրյանը շնորհավորական ուղերձ է հղել Բելգիայի թագավոր Ֆիլիպին

Հանրապետության նախագահ Վահագն Խաչատուրյանը շնորհավորական ուղերձ է հղել Բելգիայի թագավոր Ֆիլիպին Ազգային տոնի կապակցությամբ։

«Հայաստանը բարձր է գնահատում Բելգիայի հետ փոխադարձ վստահության և ընդհանուր ժողովրդավարական արժեքների վրա խարսխված և շարունակաբար զարգացող հարաբերությունները։

Լիահույս եմ, որ համատեղ ջանքերով ավելի կամրապնդենք բազմոլորտ փոխգործակցությունն ինչպես երկկողմ, այնպես էլ Հայաստան-Եվրամիություն գործընկերության շրջանակներում»,- մասնավորապես ասվում է ուղերձում: