Շնորհավորական
Նախագահ Վահագն Խաչատուրյանը շնորհավորական ուղերձ է հղել Վրաստանի նախագահ Միխեիլ Կավելաշվիլիին
Հանրապետության նախագահ Վահագն Խաչատուրյանը շնորհավորական ուղերձ է հղել Վրաստանի նախագահ Միխեիլ Կավելաշվիլիին ծննդյան 55-ամյակի կապակցությամբ:
«Այս նշանակալի առիթով ցանկանում եմ ընդգծել Ձեր նվիրվածությունն ու անձնական ներդրումն՝ ուղղված Վրաստանի զարգացմանն ու երկրի ապագայի կերտմանը։
Հայաստանը բարձր է գնահատում Վրաստանի հետ բարիդրացիական հարաբերությունների հետևողական զարգացումը և հայ-վրացական ռազմավարական գործընկերությունը:
Լիահույս եմ, որ համատեղ հետևողական ջանքերի շնորհիվ կշարունակենք խորացնել հայ-վրացական համագործակցությունը, բացահայտել և արդյունավետորեն իրացնել առկա հնարավորությունները՝ երկկողմ օրակարգում ներառելով նոր հեռանկարային ծրագրեր՝ ի նպաստ մեր ժողովուրդների բարօրության:
Մաղթում եմ Ձեզ քաջառողջություն, հաջողություն և ամենայն բարիք»,- ասվում է ուղերձում: