Շնորհավորական
Նախագահ Վահագն Խաչատուրյանը շնորհավորական ուղերձ է հղել Հունգարիայի նախագահին
Հանրապետության նախագահ Վահագն Խաչատուրյանը շնորհավորական ուղերձ է հղել Հունգարիայի նախագահ Անդրաշ Բակային:
«Շնորհավորում եմ Ձեզ Հունգարիայի նախագահի պաշտոնը ստանձնելու կապակցությամբ` մաղթելով հաջողություններ Ձեր պատասխանատու առաքելության ճանապարհին:
Համոզված եմ, որ քաղաքական գործչի և իրավաբանի Ձեր հարուստ փորձը կծառայեցնեք Հունգարիայի զարգացմանն ու առաջընթացին, տարածաշրջանում և միջազգային ասպարեզում երկրի դերակատարության ամրապնդմանը:
Վստահ եմ, որ համատեղ ջանքերով կնպաստենք բազմոլորտ համագործակցության ընդլայնմանը՝ ի շահ մեր ժողովուրդների:
Օգտվելով առիթից՝ շնորհավորում եմ Ձեզ և Հունգարիայի ժողովրդին ազգային տոնի` Պետության հիմնադրման օրվա կապակցությամբ։
Հայաստանը պատրաստակամ է խորացնել համագործակցությունը Հունգարիայի հետ ՀՀ-ԵՄ գործընկերության ընդլայնման ու խորացման ռազմավարական օրակարգն առաջ մղելու նպատակով։
Մաղթում եմ Ձեզ քաջառողջություն և հաջողություն, իսկ Հունգարիայի բարեկամ ժողովրդին՝ խաղաղություն և բարօրություն»,- ասվում է ուղերձում: