Նախագահ Վահագն Խաչատուրյանը շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևին

Հանրապետության նախագահ Վահագն Խաչատուրյանը շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևին:

Ուղերձում մասնավորապես ասվում է.

«Ընդունեք իմ անկեղծ շնորհավորանքները՝ Ղազախստանի Հանրապետության նոր խորհրդարանի առաջին ընտրությունների հաջող ավարտի կապակցությամբ։

Ընտրական գործընթացի կազմակերպման բարձր մակարդակը և հասարակության լայն աջակցությունը ակնհայտորեն վկայում են Ձեր պետության քաղաքական համակարգի հասունության մասին։

Համոզված եմ, որ նորացված բարձրագույն օրենսդիր մարմինը՝ Կուրուլթայը, հուսալի հենարան կդառնա Ձեր կողմից նախանշված լայնածավալ բարեփոխումների իրականացման գործում և իր կարևոր ներդրումը կունենա մեր երկրների միջև բարեկամության կապերի ամրապնդման ու համակողմանի համագործակցության խորացման գործում»։