Նախագահ Վահագն Խաչատուրյանը ցավակցական հեռագիր է հղել Ղազախստանի նախագահ Կասիմ-Ժոմարտ Տոկաևին

Հանրապետության նախագահ Վահագն Խաչատուրյանը ցավակցական հեռագիր է հղել Ղազախստանի նախագահ Կասիմ-Ժոմարտ Տոկաևին:

Հեռագրում ասվում է.

«Խոր վշտով տեղեկացա Մանգիստաուի շրջանում ռազմածովային զորավարժությունների ժամանակ Ղազախստանի Հանրապետության զինված ուժերի զինծառայողների ողբերգական մահվան մասին։

Այս դժվարին ժամանակահատվածում Հայաստանի Հանրապետության և անձամբ իմ անունից խորին ցավակցություն և զորակցություն եմ հայտնում Ձեզ, մահացածների ընտանիքներին, հարազատներին և ընկերներին։

Բոլոր վիրավորներին մաղթում եմ շուտափույթ ապաքինում»։