Լրատվություն
Արտերկրյա այցեր
04
06, 2009
Նախագահ Սերժ Սարգսյանի աշխատանքային այցը Սանկտ Պետերբուրգ
Հունիսի 4-ին Սանկտ Պետերբուրգի “Բալթիկայի աստղ” հյուրանոցում կայացել է Նախագահ Սերժ Սարգսյանի հանդիպումը Ադրբեջանի Նախագահ Իլհամ Ալիեւի հետ:
Լեռնային Ղարաբաղի հակամարտության խաղաղ կարգավորման բանակցային գործընթացում սանկտպետերբուրգյան հանդիպումը հինգերորդն էր ՍԵրժ Սարգսյանի եւ Իլհամ Ալիեւի միջեւ: Հանդիպումը սկսվել է Հայաստանի եւ Ադրբեջանի արտաքին քաղաքական գերատեսչությունների ղեկավարներ Էդվարդ Նալբանդյանի եւ Էլմար Մամեդյարովի, ԵԱՀԿ Մինսկի խմբի համանախագահներ Յուրի Մերզլյակովի, Մեթյու Բրայզայի եւ Բեռնար Ֆասիեի, ինչպես նաեւ ԵԱՀԿ գործող նախագահի անձնական ներկայացուցիչ Անջեյ Կասպրչիկի մասնակցությամբ: Այնուհետեւ Հայաստանի եւ Ադրբեջանի Նախագահները հանդիպումը շարունակել են դեմ առ դեմ ձեւաչափով: Մոտ 2.5 ժամ տեւած բանակցություններն այնուհետեւ կրկին շարունակվել են ընդլայնված կազմով:
Հայաստանի եւ Ադրբեջանի Նախագահների հանդիպումն անցել է կառուցողական մթնոլորտում: Կողմերը պայմանավորվածություն են ձեռք բերել առաջ շարժվել բանակցային գործընթացում: Երկու երկրների արտաքին գործերի նախարարներին հանձնարարվել է ԵԱՀԿ Մինսկի խմբի համանախագահների աջակցությամբ շարունակել աշխատանքները կողմերի մոտեցումների համաձայնեցման եւ Հայաստանի ու Ադրբեջանի Նախագահների նոր հնարավոր հանդիպման կազմակերպման ուղղությամբ:
Հունիսի 4-ի երեկոյան Նախագահ Սերժ Սարգսյանն առանձնազրույց է ունեցել Ռուսաստանի Դաշնության Նախագահ Դմիտրի Մեդվեդեւի հետ:
Հայաստանի Հանրապետության Նախագահի պաշտոնը ստանձնելուց հետո երկկողմ եւ բազմակողմ ձեւաչափերում սանկտպետերբուրգյան հանդիպումը 16-րդն էր Հայաստանի եւ Ռուսաստանի ղեկավարների միջեւ:
Լիակատար փոխըմբռնման եւ ջերմ մթնոլորտում տեղի ունեցած զրույցի ընթացքում քննարկվել են ռազմավարական երկու դաշնակիցների միջեւ համագործակցությանն, ինչպես նաեւ տարածաշրջանային ու միջազգային օրակարգին վերաբերող հարցեր:
ՌԴ Նախագահ Դմիտրի Մեդվեդեւը վերջին շրջանի հաճախակի հանդիպումները օգտակար է գնահատել հայ-ռուսական համագործակցության, անձնական հարաբերությունների զարգացման տեսանկյունից եւ նշել, որ դրանք օգնում են կոնկրետ հարցերին տալ միանգամայն հասցեական լուծումներ:
Շնորհակալություն հայտնելով Պետերբուրգյան տնտեսական ֆորումին մասնակցության հրավերի համար` Նախագահ Սարգսյանն ասել է, որ համաշխարհային ֆինանսատնտեսական ճգնաժամի պայմաններում ֆորումը լրացուցիչ նշանակություն է ձեռք բերում:
Հայաստանի ղեկավարը շնորհակալություն է հայտնել Ռուսաստանի Դաշնության Նախագահին` մեր երկրին 500 միլիոն ԱՄՆ դոլար կայունացնող վարկ տրամադրելու համար:
Զրուցակիցներն անդրադարձել են Լեռնային Ղարաբաղի համակամարտության կարգավորման գործընթացին: "Մեր վերջին հանդիպումից հետո մենք ռուս գործընկերների հետ աշխատել ենք ձեռք բերված պայմանավորվածությունների իրականացման շուրջ: Հայկական կողմը ԵԱՀԿ Մինսկի խմբի համանախագահների աջակցությամբ ջանասիրաբար աշխատել է Լեռնային Ղարաբաղի հիմնախնդրի լուծման շուրջ` համառորեն փնտրելով ճանապարհներ, որոնք թույլ կտան Լեռնային Ղարաբաղի ժողովրդին անվտանգ ապրել իրենց բնօրրանում, ինքնուրույն որոշել իրենց ճակատագիրը",- ընդգծել է Նախագահ Սարգսյանը:
Կողմերը քննարկել են նաեւ հայ-ռուսական տնտեսական փոխգործակցության հետագա ընդլայնմանն ու նախատեսվող ծրագրերի իրականացմանը, տրանսպորտի ոլորտին վերաբերող խնդիրներ, ինչպես նաեւ անդրադարձել են ՀԱՊԿ շրջանակում ռազմաքաղաքական համագործակցության ու արագ արձագանքաման ուժերի կազմավորման հարցերին:
Հայաստանի Նախագահը հումանիտար ոլորտում երկկողմ գործակցության խորացմանն ուղղված հերթական քայլ է համարել Հայաստանի եւ Ռուսաստանի Առաջին տիկնանց բարձր հովանու ներքո Արամ Խաչատրյանի "Սպարտակ" բալետի բեմադրությունը, որը իրականացրել է մեծ պարուսույց Յուրի Գրիգորովիչը:
Ավելի ուշ Դմիտրի Մեդվեդեւի նախաձեռնությամբ տեղի է ունեցել Հայաստանի Հանրապետության, Ռուսաստանի Դաշնության, Ադրբեջանի Նախագահների ընթրիքը, որի ընթացքում քննարկվել են Լեռնային Ղարաբաղի հակամարտության խաղաղ կարգավորմանը վերաբերող հարցեր:
Հունիսի 5-ի վաղ առավոտյան Սերժ Սարգսյանը մասնակցել է Պետերբուրգյան միջազգային 13-րդ տնտեսական ֆորումի բացման հանդիսավոր արարողությանը:
Լեռնային Ղարաբաղի հակամարտության խաղաղ կարգավորման բանակցային գործընթացում սանկտպետերբուրգյան հանդիպումը հինգերորդն էր ՍԵրժ Սարգսյանի եւ Իլհամ Ալիեւի միջեւ: Հանդիպումը սկսվել է Հայաստանի եւ Ադրբեջանի արտաքին քաղաքական գերատեսչությունների ղեկավարներ Էդվարդ Նալբանդյանի եւ Էլմար Մամեդյարովի, ԵԱՀԿ Մինսկի խմբի համանախագահներ Յուրի Մերզլյակովի, Մեթյու Բրայզայի եւ Բեռնար Ֆասիեի, ինչպես նաեւ ԵԱՀԿ գործող նախագահի անձնական ներկայացուցիչ Անջեյ Կասպրչիկի մասնակցությամբ: Այնուհետեւ Հայաստանի եւ Ադրբեջանի Նախագահները հանդիպումը շարունակել են դեմ առ դեմ ձեւաչափով: Մոտ 2.5 ժամ տեւած բանակցություններն այնուհետեւ կրկին շարունակվել են ընդլայնված կազմով:
Հայաստանի եւ Ադրբեջանի Նախագահների հանդիպումն անցել է կառուցողական մթնոլորտում: Կողմերը պայմանավորվածություն են ձեռք բերել առաջ շարժվել բանակցային գործընթացում: Երկու երկրների արտաքին գործերի նախարարներին հանձնարարվել է ԵԱՀԿ Մինսկի խմբի համանախագահների աջակցությամբ շարունակել աշխատանքները կողմերի մոտեցումների համաձայնեցման եւ Հայաստանի ու Ադրբեջանի Նախագահների նոր հնարավոր հանդիպման կազմակերպման ուղղությամբ:
Հունիսի 4-ի երեկոյան Նախագահ Սերժ Սարգսյանն առանձնազրույց է ունեցել Ռուսաստանի Դաշնության Նախագահ Դմիտրի Մեդվեդեւի հետ:
Հայաստանի Հանրապետության Նախագահի պաշտոնը ստանձնելուց հետո երկկողմ եւ բազմակողմ ձեւաչափերում սանկտպետերբուրգյան հանդիպումը 16-րդն էր Հայաստանի եւ Ռուսաստանի ղեկավարների միջեւ:
Լիակատար փոխըմբռնման եւ ջերմ մթնոլորտում տեղի ունեցած զրույցի ընթացքում քննարկվել են ռազմավարական երկու դաշնակիցների միջեւ համագործակցությանն, ինչպես նաեւ տարածաշրջանային ու միջազգային օրակարգին վերաբերող հարցեր:
ՌԴ Նախագահ Դմիտրի Մեդվեդեւը վերջին շրջանի հաճախակի հանդիպումները օգտակար է գնահատել հայ-ռուսական համագործակցության, անձնական հարաբերությունների զարգացման տեսանկյունից եւ նշել, որ դրանք օգնում են կոնկրետ հարցերին տալ միանգամայն հասցեական լուծումներ:
Շնորհակալություն հայտնելով Պետերբուրգյան տնտեսական ֆորումին մասնակցության հրավերի համար` Նախագահ Սարգսյանն ասել է, որ համաշխարհային ֆինանսատնտեսական ճգնաժամի պայմաններում ֆորումը լրացուցիչ նշանակություն է ձեռք բերում:
Հայաստանի ղեկավարը շնորհակալություն է հայտնել Ռուսաստանի Դաշնության Նախագահին` մեր երկրին 500 միլիոն ԱՄՆ դոլար կայունացնող վարկ տրամադրելու համար:
Զրուցակիցներն անդրադարձել են Լեռնային Ղարաբաղի համակամարտության կարգավորման գործընթացին: "Մեր վերջին հանդիպումից հետո մենք ռուս գործընկերների հետ աշխատել ենք ձեռք բերված պայմանավորվածությունների իրականացման շուրջ: Հայկական կողմը ԵԱՀԿ Մինսկի խմբի համանախագահների աջակցությամբ ջանասիրաբար աշխատել է Լեռնային Ղարաբաղի հիմնախնդրի լուծման շուրջ` համառորեն փնտրելով ճանապարհներ, որոնք թույլ կտան Լեռնային Ղարաբաղի ժողովրդին անվտանգ ապրել իրենց բնօրրանում, ինքնուրույն որոշել իրենց ճակատագիրը",- ընդգծել է Նախագահ Սարգսյանը:
Կողմերը քննարկել են նաեւ հայ-ռուսական տնտեսական փոխգործակցության հետագա ընդլայնմանն ու նախատեսվող ծրագրերի իրականացմանը, տրանսպորտի ոլորտին վերաբերող խնդիրներ, ինչպես նաեւ անդրադարձել են ՀԱՊԿ շրջանակում ռազմաքաղաքական համագործակցության ու արագ արձագանքաման ուժերի կազմավորման հարցերին:
Հայաստանի Նախագահը հումանիտար ոլորտում երկկողմ գործակցության խորացմանն ուղղված հերթական քայլ է համարել Հայաստանի եւ Ռուսաստանի Առաջին տիկնանց բարձր հովանու ներքո Արամ Խաչատրյանի "Սպարտակ" բալետի բեմադրությունը, որը իրականացրել է մեծ պարուսույց Յուրի Գրիգորովիչը:
Ավելի ուշ Դմիտրի Մեդվեդեւի նախաձեռնությամբ տեղի է ունեցել Հայաստանի Հանրապետության, Ռուսաստանի Դաշնության, Ադրբեջանի Նախագահների ընթրիքը, որի ընթացքում քննարկվել են Լեռնային Ղարաբաղի հակամարտության խաղաղ կարգավորմանը վերաբերող հարցեր:
Հունիսի 5-ի վաղ առավոտյան Սերժ Սարգսյանը մասնակցել է Պետերբուրգյան միջազգային 13-րդ տնտեսական ֆորումի բացման հանդիսավոր արարողությանը: