Լրատվություն
Արտերկրյա այցեր
14
10, 2009
Նախագահ Սերժ Սարգսյանի աշխատանքային այցը Բուրսա /Թուրքիայի Հանրապետություն/
ՀՀ Նախագահ Սերժ Սարգսյանը Թուրքիայի Նախագահ Աբդուլլահ Գյուլի հրավերով հոկտեմբերի 14-ի երեկոյան ժամանել է Բուրսա` դիտելու Թուրքիայի եւ Հայաստանի ֆուտբոլի ազգային հավաքականների հանդիպումը:
ՀՀ Նախագահի գլխավորած պատվիրակության կազմում էին ԱԳ նախարար Էդվարդ Նալբանդյանը, փոխարտգործնախարարներ Արման Կիրակոսյանը եւ Շավարշ Քոչարյանը, ՀՀ Նախագահի աշխատակազմի ու արտաքին գործերի նախարարության բարձրաստիճան այլ պետական ծառայողներ: Երկրի ղեկավարին ուղեկցել են նաեւ մի քանի տասնյակ հայ լրագրողներ:
Սա Նախագահ Սերժ Սարգսյանի առաջին այցն է Թուրքիա, իսկ ընդհանրապես, անկախությունից ի վեր Հայաստանի Հանրապետության Նախագահի մակարդակով չորրորդ այցելությունն այդ երկիր:
Բուրսայի օդանավակայանում ՀՀ Նախագահի գլխավորած պատվիրակությանը դիմավորել են Թուրքիայի արտգործնախարար Ահմեդ Դավութօղլուն, Բուրսայի նահանգապետը, պաշտոնատար այլ անձինք:
Օդանավակայանից ՀՀ Նախագահը ուղեւորվել է "Հոլիդեյ ինն" հյուրանոց, որտեղ հանդիպել է Հայաստանի ազգային հավաքականի ֆուտբոլիստների հետ` քաջալերել նրանց հանդիպումից առաջ:
Այնուհետեւ Նախագահն ու նրա գլխավորած պատվիրակությունը ժամանել են Բուրսայի "Ալմիրա" հյուրանոց, որտեղ նրանց դիմավորել է Թուրքիայի Նախագահ Աբդուլլահ Գյուլը: Տեղի է ունեցել երկու երկրների ղեկավարների առանձնազրույցն, ապա` ընդլայնված կազմով հանդիպումը: Քննարկվել են հայ-թուրքական հարաբերությունների կարգավորման գործընթացի ներկա փուլին վերաբերող հարցեր: Երկու երկրների ղեկավարները համակարծիք են եղել, որ այս հանդիպումը եւ "ֆուտբոլային դիվանագիտության" շրջանակում փոխադարձ այցելությունները վստահության մթնոլորտի ձեւավորմանն ուղղված կարեւոր քայլ են:
Նախագահ Սարգսյանը շեշտել, որ Հայաստանի Հանրապետությունը հաստատակամ է` առաջ շարժվելու Հայաստանի եւ Թուրքիայի միջեւ առանց նախապայմանների հարաբերությունների կարգավորման ուղղությամբ:
Հանդիպումից հետո ՀՀ Նախագահի պատվին Թուրքիայի Նախագահի անունից տրվել է ճաշ եւ կազմակերպվել ընդունելություն, որից հետո Հայաստանի եւ Թուրքիայի նախագահները ներկա են գտնվել Թուրքիա-Հայաստան ֆուտբոլային խաղին:
Նախագահ Սարգսյանի ղեկավարած պատվիրակությունը ֆուտբոլային խաղի ավարտից անմիջապես հետո վերադարձել է Երեւան:
ՀՀ Նախագահի գլխավորած պատվիրակության կազմում էին ԱԳ նախարար Էդվարդ Նալբանդյանը, փոխարտգործնախարարներ Արման Կիրակոսյանը եւ Շավարշ Քոչարյանը, ՀՀ Նախագահի աշխատակազմի ու արտաքին գործերի նախարարության բարձրաստիճան այլ պետական ծառայողներ: Երկրի ղեկավարին ուղեկցել են նաեւ մի քանի տասնյակ հայ լրագրողներ:
Սա Նախագահ Սերժ Սարգսյանի առաջին այցն է Թուրքիա, իսկ ընդհանրապես, անկախությունից ի վեր Հայաստանի Հանրապետության Նախագահի մակարդակով չորրորդ այցելությունն այդ երկիր:
Բուրսայի օդանավակայանում ՀՀ Նախագահի գլխավորած պատվիրակությանը դիմավորել են Թուրքիայի արտգործնախարար Ահմեդ Դավութօղլուն, Բուրսայի նահանգապետը, պաշտոնատար այլ անձինք:
Օդանավակայանից ՀՀ Նախագահը ուղեւորվել է "Հոլիդեյ ինն" հյուրանոց, որտեղ հանդիպել է Հայաստանի ազգային հավաքականի ֆուտբոլիստների հետ` քաջալերել նրանց հանդիպումից առաջ:
Այնուհետեւ Նախագահն ու նրա գլխավորած պատվիրակությունը ժամանել են Բուրսայի "Ալմիրա" հյուրանոց, որտեղ նրանց դիմավորել է Թուրքիայի Նախագահ Աբդուլլահ Գյուլը: Տեղի է ունեցել երկու երկրների ղեկավարների առանձնազրույցն, ապա` ընդլայնված կազմով հանդիպումը: Քննարկվել են հայ-թուրքական հարաբերությունների կարգավորման գործընթացի ներկա փուլին վերաբերող հարցեր: Երկու երկրների ղեկավարները համակարծիք են եղել, որ այս հանդիպումը եւ "ֆուտբոլային դիվանագիտության" շրջանակում փոխադարձ այցելությունները վստահության մթնոլորտի ձեւավորմանն ուղղված կարեւոր քայլ են:
Նախագահ Սարգսյանը շեշտել, որ Հայաստանի Հանրապետությունը հաստատակամ է` առաջ շարժվելու Հայաստանի եւ Թուրքիայի միջեւ առանց նախապայմանների հարաբերությունների կարգավորման ուղղությամբ:
Հանդիպումից հետո ՀՀ Նախագահի պատվին Թուրքիայի Նախագահի անունից տրվել է ճաշ եւ կազմակերպվել ընդունելություն, որից հետո Հայաստանի եւ Թուրքիայի նախագահները ներկա են գտնվել Թուրքիա-Հայաստան ֆուտբոլային խաղին:
Նախագահ Սարգսյանի ղեկավարած պատվիրակությունը ֆուտբոլային խաղի ավարտից անմիջապես հետո վերադարձել է Երեւան: