Լրատվություն
Արտերկրյա այցեր
08
11, 2009
Նախագահ Սերժ Սարգսյանի պետական այցը Հունգարիա
Հունգարիայի Նախագահ Լասլո Շոյոմի հրավերով այսօր մեկնարկել է Նախագահ Սերժ Սարգսյանի պետական այցը Հունգարիա: Անկախացումից ի վեր սա Հայաստանի Հանրապետության Նախագահի մակարդակով առաջին պետական այցն է Կենտրոնական Եվրոպայի այդ երկիր:
Հունգարիայի Նախագահի պալատում տեղի է ունեցել Հայաստանի Հանրապետության Նախագահի դիմավորման պաշտոնական արարողությունը, որից հետո Սերժ Սարգսյանը գրառում է կատարել Հունգարիայի նախագահական պալատի պատվավոր հյուրերի գրքում: Այնուհետեւ տեղի է ունեցել Սերժ Սարգսյանի ու Լասլո Շոյոմի առանձնազրույցը, որին հաջորդել է ընդլայնված կազմով բանակցությունները: Ողջունելով Հայաստանի Հանրապետության Նախագահին եւ բարի գալուստ մաղթելով Հունգարիա` Նախագահ Լասլո Շոյոմը նշել է, որ իր երկիրը Հայաստանին դիտում է որպես կարեւոր գործընկեր, որի հետ պատրաստ է երկկողմ ու բազմակողմ ձեւաչափերում խորացնելու համագործակցությունը քաղաքական երկխոսության, առեւտրատնտեսական գործակցության, հումանիտար եւ այլ ոլորտներում: Նախագահներ Սարգսյանն ու Շոյոմը վստահություն են հայտնել, որ Հայաստանի Նախագահի պետական այցը նշանակալի խթան է` ակտիվացնելու հարաբերությունները երկու երկրների միջեւ եւ նշել, որ պետական այցի շրջանակում ստորագրվող փաստաթղթերը եւ այլ համաձայնագրերի ստորագրման ուղղությամբ տարվող աշխատանքը բավարար իրավական հիմք են ստեղծում հայ-հունգարական բարեկամական հարաբերություններն առաջ մղելու համար:
Նախագահներ Սարգսյանն ու Շոյոմն ընդգծել են, որ չնայած վերջին շրջանում երկու երկրների միջեւ առկա քաղաքական երկխոսության նկատելի դինամիզմին, առեւտրատնտեսական փոխգործակցության տեմպերը դեռեւս չեն արտացոլում առկա պոտենցիալը: Երկու երկրների ղեկավարները վստահություն են հայտնել, որ ստորագրված փաստաթղթերն ու Բուդապեշտում բացվող հայ-հունգարական գործարար համաժողովը նոր լիցք կհաղորդեն գործարար շփումների ակտիվացմանը եւ համաշխարհային ֆինանսատնտեսական ճգնաժամի հաղթահարմանը զուգահեռ կնպաստեն Հայաստանի ու Հունգարիայի միջեւ առեւտրաշրջանառության ծավալների աճին: Հայաստանի ու Հունգարիայի Նախագահները կարեւորել են պետական տարբեր մարմինների ու գերատեսչությունների, ինչպես նաեւ Հայաստանի ու Հունգարիայի տարբեր քաղաքների միջեւ ուղիղ համագործակցության հետագա զարգացումը:
Սերժ Սարգսյանն ու Լասլո Շոյոմը կարեւորել են երկու երկրների միջեւ գործակցության հետագա խորացումը ինչպես միջազգային կազմակերպությունների, այնպես էլ բազմակողմ այլ ձեւաչափերում, մասնավորապես, Եվրամիության Արեւելյան քաղաքականության շրջանակում: Սերժ Սարգսյանը նշել է, որ Հայաստանը, որպես առաջնահերթություն, կարեւորում է իր քաղաքականության եվրոպական ուղղությունը եւ Արեւելյան գործընկերության քաղաքականությունը դիտում է որպես նոր հնարավորություն` խորացնելու իր հարաբերությունները ինչպես Եվրամիության, այնպես էլ ԵՄ-ի անդամ առանձին երկրների հետ: Հունգարիայի Նախագահը նշել է, որ իր երկիրը ուշիուշով հետեւում է Եվրոպական նոր հարեւանության քաղաքականության եւ Արեւելյան գործընկերության շրջանակում Հայաստանի գործողությունների ծրագրի ու այդ համատեքստում իրականացվող բարեփոխումների առաջընթացին եւ ընդգծել, որ 2011 թ. Եվրամիությունում իր նախագահության ընթացքում Արեւելյան քաղաքականությունը լինելու է Հունգարիայի առաջնահերթություններից մեկը:
Բարձր մակարդակով բանակցությունների ընթացքում Սերժ Սարգսյանը հունգարացի իր գործընկերոջը տեղեկացրել է Հայաստան-Թուրքիա հարաբերությունների կարգավորման եւ Լեռնային Ղարաբաղի հակամարտության բանակցային գործընթացների ներկա փուլի մասին: "Մենք ցանկանում ենք առկա խնդիրները լուծել առանց նախապայմանների, խաղաղ ճանապարհով եւ հարաբերություններ հաստատել մեր հարեւանների հետ` առկա ռեսուրսներն ուղղելով մեր տարածաշրջանի կայուն ու խաղաղ զարգացմանը: Համարում եմ, որ միայն համագործակցությամբ է հնարավոր տարածաշրջանում ապահովել զարգացում, տեւական խաղաղություն եւ կայունություն",- նշել է Սերժ Սարգսյանը: Իր հերթին Հունգարիայի Նախագահ Լասլո Շոյոմը ողջունել է Հայաստան-Թուրքիա հարաբերությունների կարգավորման ուղղությամբ արձանագրված առաջընթացը եւ նշել, որ Հունգարիան աջակցում է երկու հարեւան երկրների միջեւ հարաբերությունների կարգավորման գործընթացին: "Մեր բանակցությունների ընթացքում ես համոզվեցի, թե ինչքան հաստատակամ է Հայաստանը` կարգավորելու իր հարաբերությունները հարեւան երկրների հետ եւ դինամիզմ հաղորդելու երկարատեւ այդ հակասությունների կարգավորմանը",- նշել է Հունգարիայի Նախագահը: Հանդիպման ընթացքում երկու երկրների ղեկավարները մտքեր են փոխանակել նաեւ տարածաշրջանային անվտանգության խնդիրների վերաբերյալ:
Նախագահ Սերժ Սարգսյանը շնորհակալություն է հայտնել Հունգարիայի իր գործընկերոջը Բուդապեշտում Գուրգեն Մարգարյանի զազրելի սպանության գործում հունգարական արդարադատության ցուցաբերած աներկբա եւ արդարացի կեցվածքի համար: Հայաստանի Հանրապետության Նախագահը նաեւ շնորհակալություն է հայտնել Հունգարիայի իշխանություններին` հունգարահայ համայնքի հանդեպ տարվող բարձր գնահատանքի արժանի քաղաքականության համար, նշելով, որ հունգարահայ մեր հայրենակիցները բարեկամության հուսալի կամուրջ են երկու ժողովուրդների միջեւ:
Նախագահ Սերժ Սարգսյանը Հունգարիայի իր գործընկերոջը հրավիրել է պատասխան պետական այցով ժամանելու Հայաստան, ինչը հնարավորություն կտա շարունակելու քաղաքական երկխոսությունը, հանրագումարի բերելու ձեռք բերված պայմանավորվածությունների կատարման ընթացքը եւ մատնանշելու համագործակցության խորացման հետագա առաջնահերթությունները: Հունգարիայի Նախագահ Լասլո Շոյոմն ընդունել է Նախագահ Սարգսյանի` Հայաստան այցելելու հրավերը:
Բարձր մակարդակով բանակցությունների ավարտից հետո Նախագահներ Սարգսյանի ու Շոյոմի ներկայությամբ ստորագրվել են երկու երկրների կառավարությունների միջեւ եկամուտների եւ գույքի կրկնակի հարկումը բացառելու եւ հարկումից խուսափելը կանխելու, արդարադատության եւ գյուղատնտեսության նախարարությունների միջեւ փոխգործակցության, ինչպես նաեւ տնտեսության ոլորտում համագործակցության մասին միջկառավարական համաձայնագրեր: Այնուհետեւ Հայաստանի ու Հունգարիայի Նախագահները հանդես են եկել բանակցությունների արդյունքներն ամփոփող հայտարարություններով:
Պետական այցի շրջանակում Սերժ Սարգսյանն այցելել է Բուդապեշտի “Հերոսների հրապարակ” եւ ծաղկեպսակ դրել Հունգարիայի անկախության համար զոհված հերոսների հուշահամալիրին: Հայաստանի Հանրապետության Նախագահը ծաղկեպսակ է դրել նաեւ Բուդապեշտի կենտրոնում գտնվող Հայոց Ցեղասպանության զոհերի հիշատակը հավերժացնող խաչքարին, զրուցել խաչքարի մոտ հավաքված հունգարահայ համայնքի ներկայացուցիչների հետ:
Շարունակվում է Նախագահ Սերժ Սարգսյանի պետական այցը Հունգարիայի Հանրապետություն: Բարձր մակարդակով բանակցությունների ավարտից հետո, նոյեմբերի 9-ի երեկոյան, ի պատիվ Հայաստանի Հանրապետության Նախագահի` Հունգարիայի Նախագահի նստավայրում տրվել է պետական ճաշ:
Բուդապեշտում Նախագահ Սերժ Սարգսյանը հանդիպում է ունեցել նաև Հունգարիայի խորհրդարանի նախագահ Բելա Կատոնայի և վարչապետ Գորդոն Բայնայի հետ:
Հունգարիայի խորհրդարանի խոսնակի հետ հանդիպմանը Հայաստան-Հունգարիա միջպետական հարաբերություններն առաջ մղելու գործում երկուստեք կարևորվել է միջխորհրդարանական կապերի զարգացումը և համագործակցությունը միջազգային միջխորհրդարանական կառույցներում: Կողմերը գոհունակություն են հայտնել, որ Հայաստանի ու Հունգարիայի խորհրդարաններում ձևավորվել և գործում են պատգամավորական բարեկամության խմբեր: Հունգարիայի խորհրդարանի խոսնակը նշել է, որ Հայաստանն իրեն ծանոթ երկիր է, և որպես Հունգարիա-Հայաստան պատգամավորական բարկամական խմբի անդամ ինքն առիթ է ունեցել լինելու Հայաստանում և ծանոթանալու մեր երկրին ու նրա մշակույթին: Հանդիպման ընթացքում անդրադարձ է կատարվել հայ և հունգար ժողովուրդների պատմամշակութային շփումներին ու ընդհանրություններին:
Հունգարիայի վարչապետ Գորդոն Բայնայի հետ հանդիպմանը քննարկվել են առևտրատնտեսական համագործակցությունը խթանելու հնարավորությունները: Կողմերը նշել են, որ մի կողմից Հայաստանի Հանրապետության Նախագահի պետական այցը Հունգարիա և բարձր մակարդակի քաղաքական երկխոսությունը, մյուս կողմից` երեկ Բուդապեշտում ստորագրված միջգերատեսչական համագործակցության արձանագրությունները, հայ-հունգարական գործարար համաժողովն ու շփումները նպաստավոր միջավայր են ստեղծում երկու երկրների միջև առևտրատնտեսական հարաբերությունների զարգացման համար: Նախագահ Սարգսյանն ընդգծել է, որ Հայաստանը ցանկություն ունի նոր թափ հաղորդել Հունգարիայի հետ երկկողմ ու բազմակողմ ձևաչափերում գործակցության խորացմանը: "Հայ և հունգար ժողովուրդների դարավոր բարեկամությունը լավ հիմք է` զարգացնելու մեր հարաբերությունները ինչպես տնտեսության, այնպես էլ այլ ոլորտներում",- նշել է Սերժ Սարգսյանը: Հայաստանի Հանրապետության Նախագահն ու Հունգարիայի վարչապետը ընդգծել են իրենց պատրաստակամությունը` աջակցելու բոլոր այն գործարար նախաձեռնություններին ու ներդրումային ծրագրերին, որոնք կծնվեն գործարար համաժողովի արդյունքում:
Նախագահ Սարգսյանի եւ վարչապետ Բայնայի հանդիպմանն անդրադարձ է եղել նաև համաշխարհային ֆինանսատնտեսական ճգնաժամի հարուցած բարդությունների հաղթահարման ուղղությամբ երկու երկրների կառավարությունների կողմից ձեռնարկված հակաճգնաժամային միջոցառումներին և գլոբալ տնտեսության առկա իրավիճակին: Հունգարիայի վարչապետը ևս շեշտել է, որ Հունգարիան կարևորում է Եվրամիության Արևելյան գործընկերության քաղաքականությունը և Եվրամիությունում 2011 թ. իր նախագահության ընթացքում շարունակելու է այն դիտել որպես կարևոր առաջնահերթություն: Սերժ Սարգսյանն իր հերթին նկատել է, որ Եվրամիության Արևելյան գործընկերության քաղաքականությունը հնարավորություն է ընձեռում մի կողմից հարաբերությունները զարգացնելու Եվրամիության ու նրա առանձին երկրների հետ, իսկ մյուս կողմից` խթանելու բարեփոխումների գործընթացը մեր երկրում:
Հունգարիայի վարչապետ Գորդոն Բայնայի խնդրանքով Սերժ Սարգսյանը ներկայացրել է Թուրքիայի հետ ողջամիտ ժամկետներում և առանց նախապայմանների հարաբերությունների կարգավորման և Լեռնային Ղարաբաղի հակամարտության բանակցային գործընթացի ներկա փուլի վերաբերյալ մեր երկրի մոտեցումները: Հունգարիայի վարչապետը նշել է, որ իր երկիրը ողջունում է Հայաստան-Թուրքիա հարաբերությունների կարգավորմանն ուղղված արձանագրությունների ստորագրումը և աջակցում է այդ գործընթացին: Գորդոն Բայնան շեշտել է, որ տարածաշրջանում առկա խնդիրների ու հակամարտությունների խաղաղ կարգավորումը, բացի երկկողմ հարաբերությունների հաստատումից, կփոխի նաև ողջ տարածաշրջանի միջազգային ընկալումը` նպաստելով կայունության, զարգացման, տևական խաղաղության, գործընկերության ոգու ու փոխվստահության ամրապնդմանը:
Նախագահ Սարգսյանն ու Հունգարիայի վարչապետը հանդիպել են նաև Բուդապեշտում տեղի ունեցած հայ-հունգարական գործարար համաժողովի մասնակիցներին, ծանոթացել համաժողովի արդյունքներին ու ձեռք բերված պայմանավորվածություններին:
Բուդապեշտում Նախագահ Սերժ Սարգսյանն այցելել է Հունգարիայի կաթողիկե եկեղեցու առաջնորդ կարդինալ Պետեր Էրդոյին: Հունգարիայի հոգևոր առաջնորդի հետ հանդիպման ժամանակ Նախագահ Սերժ Սարգսյանն անդրադարձել է հայ և հունգար ժողովուրդների պատմամշակութային ընդհանրություններին ու շփումներին: Նախագահ Սարգսյանն ընդգծել է, որ եկեղեցին, հատկապես պետականության բացակայության պայմաններում, ուրույն ու անգնահատելի պատմական դերակատարություն է ունեցել հայ ու հունգար ժողովուրդների մղած ազգային ազատագրական պայքարում: Կարդինալ Պետեր Էրդոն ևս, անդրադառնալով հայ եւ հունգար ժողովուրդների պատմական ընդհանրություններին, նշել է. "Հայ եւ հունգար ժողովուրդները դարեր տևած տանջանքներից ու զրկանքներից հետո վերհառնելու ու վերածնվելու մեծ փորձ ունեն": Սերժ Սարգսյանը բարձր է գնահատել այն իրողությունը, որ Հունգարիայում մեր հայրենակիցներն ունեն ազգային փոքրամասնության կարգավիճակ և օգտվում են այդ կարգավիճակի ընձեռած բոլոր հնարավորություններից` պահպանելով իրենց ազգային ինքնությունը:
Հունգարիայի Հանրապետություն կատարած պետական այցի շրջանակում Հայաստանի Հանրապետության Նախագահ Սերժ Սարգսյանն ու Հունգարիայի Նախագահ Լասլո Շոյոմը մասնակցել են Հունգարիայի Պաշտպանության նախարարության ռազմական պատմության ինստիտուտի կազմակերպած ցուցանահանդեսի բացման հանդիսավոր արարողությանը: Ցուցահանդեսը նվիրված է հայ-հունգարական ռազմական առնչությունների պատմությանը: Նախագահներ Սարգսյանն ու Շոյոմը շրջել են ցուցասրահում, ծանոթացել ցուցանմուշներին:
Հունգարիայի Նախագահի պալատում տեղի է ունեցել Հայաստանի Հանրապետության Նախագահի դիմավորման պաշտոնական արարողությունը, որից հետո Սերժ Սարգսյանը գրառում է կատարել Հունգարիայի նախագահական պալատի պատվավոր հյուրերի գրքում: Այնուհետեւ տեղի է ունեցել Սերժ Սարգսյանի ու Լասլո Շոյոմի առանձնազրույցը, որին հաջորդել է ընդլայնված կազմով բանակցությունները: Ողջունելով Հայաստանի Հանրապետության Նախագահին եւ բարի գալուստ մաղթելով Հունգարիա` Նախագահ Լասլո Շոյոմը նշել է, որ իր երկիրը Հայաստանին դիտում է որպես կարեւոր գործընկեր, որի հետ պատրաստ է երկկողմ ու բազմակողմ ձեւաչափերում խորացնելու համագործակցությունը քաղաքական երկխոսության, առեւտրատնտեսական գործակցության, հումանիտար եւ այլ ոլորտներում: Նախագահներ Սարգսյանն ու Շոյոմը վստահություն են հայտնել, որ Հայաստանի Նախագահի պետական այցը նշանակալի խթան է` ակտիվացնելու հարաբերությունները երկու երկրների միջեւ եւ նշել, որ պետական այցի շրջանակում ստորագրվող փաստաթղթերը եւ այլ համաձայնագրերի ստորագրման ուղղությամբ տարվող աշխատանքը բավարար իրավական հիմք են ստեղծում հայ-հունգարական բարեկամական հարաբերություններն առաջ մղելու համար:
Նախագահներ Սարգսյանն ու Շոյոմն ընդգծել են, որ չնայած վերջին շրջանում երկու երկրների միջեւ առկա քաղաքական երկխոսության նկատելի դինամիզմին, առեւտրատնտեսական փոխգործակցության տեմպերը դեռեւս չեն արտացոլում առկա պոտենցիալը: Երկու երկրների ղեկավարները վստահություն են հայտնել, որ ստորագրված փաստաթղթերն ու Բուդապեշտում բացվող հայ-հունգարական գործարար համաժողովը նոր լիցք կհաղորդեն գործարար շփումների ակտիվացմանը եւ համաշխարհային ֆինանսատնտեսական ճգնաժամի հաղթահարմանը զուգահեռ կնպաստեն Հայաստանի ու Հունգարիայի միջեւ առեւտրաշրջանառության ծավալների աճին: Հայաստանի ու Հունգարիայի Նախագահները կարեւորել են պետական տարբեր մարմինների ու գերատեսչությունների, ինչպես նաեւ Հայաստանի ու Հունգարիայի տարբեր քաղաքների միջեւ ուղիղ համագործակցության հետագա զարգացումը:
Սերժ Սարգսյանն ու Լասլո Շոյոմը կարեւորել են երկու երկրների միջեւ գործակցության հետագա խորացումը ինչպես միջազգային կազմակերպությունների, այնպես էլ բազմակողմ այլ ձեւաչափերում, մասնավորապես, Եվրամիության Արեւելյան քաղաքականության շրջանակում: Սերժ Սարգսյանը նշել է, որ Հայաստանը, որպես առաջնահերթություն, կարեւորում է իր քաղաքականության եվրոպական ուղղությունը եւ Արեւելյան գործընկերության քաղաքականությունը դիտում է որպես նոր հնարավորություն` խորացնելու իր հարաբերությունները ինչպես Եվրամիության, այնպես էլ ԵՄ-ի անդամ առանձին երկրների հետ: Հունգարիայի Նախագահը նշել է, որ իր երկիրը ուշիուշով հետեւում է Եվրոպական նոր հարեւանության քաղաքականության եւ Արեւելյան գործընկերության շրջանակում Հայաստանի գործողությունների ծրագրի ու այդ համատեքստում իրականացվող բարեփոխումների առաջընթացին եւ ընդգծել, որ 2011 թ. Եվրամիությունում իր նախագահության ընթացքում Արեւելյան քաղաքականությունը լինելու է Հունգարիայի առաջնահերթություններից մեկը:
Բարձր մակարդակով բանակցությունների ընթացքում Սերժ Սարգսյանը հունգարացի իր գործընկերոջը տեղեկացրել է Հայաստան-Թուրքիա հարաբերությունների կարգավորման եւ Լեռնային Ղարաբաղի հակամարտության բանակցային գործընթացների ներկա փուլի մասին: "Մենք ցանկանում ենք առկա խնդիրները լուծել առանց նախապայմանների, խաղաղ ճանապարհով եւ հարաբերություններ հաստատել մեր հարեւանների հետ` առկա ռեսուրսներն ուղղելով մեր տարածաշրջանի կայուն ու խաղաղ զարգացմանը: Համարում եմ, որ միայն համագործակցությամբ է հնարավոր տարածաշրջանում ապահովել զարգացում, տեւական խաղաղություն եւ կայունություն",- նշել է Սերժ Սարգսյանը: Իր հերթին Հունգարիայի Նախագահ Լասլո Շոյոմը ողջունել է Հայաստան-Թուրքիա հարաբերությունների կարգավորման ուղղությամբ արձանագրված առաջընթացը եւ նշել, որ Հունգարիան աջակցում է երկու հարեւան երկրների միջեւ հարաբերությունների կարգավորման գործընթացին: "Մեր բանակցությունների ընթացքում ես համոզվեցի, թե ինչքան հաստատակամ է Հայաստանը` կարգավորելու իր հարաբերությունները հարեւան երկրների հետ եւ դինամիզմ հաղորդելու երկարատեւ այդ հակասությունների կարգավորմանը",- նշել է Հունգարիայի Նախագահը: Հանդիպման ընթացքում երկու երկրների ղեկավարները մտքեր են փոխանակել նաեւ տարածաշրջանային անվտանգության խնդիրների վերաբերյալ:
Նախագահ Սերժ Սարգսյանը շնորհակալություն է հայտնել Հունգարիայի իր գործընկերոջը Բուդապեշտում Գուրգեն Մարգարյանի զազրելի սպանության գործում հունգարական արդարադատության ցուցաբերած աներկբա եւ արդարացի կեցվածքի համար: Հայաստանի Հանրապետության Նախագահը նաեւ շնորհակալություն է հայտնել Հունգարիայի իշխանություններին` հունգարահայ համայնքի հանդեպ տարվող բարձր գնահատանքի արժանի քաղաքականության համար, նշելով, որ հունգարահայ մեր հայրենակիցները բարեկամության հուսալի կամուրջ են երկու ժողովուրդների միջեւ:
Նախագահ Սերժ Սարգսյանը Հունգարիայի իր գործընկերոջը հրավիրել է պատասխան պետական այցով ժամանելու Հայաստան, ինչը հնարավորություն կտա շարունակելու քաղաքական երկխոսությունը, հանրագումարի բերելու ձեռք բերված պայմանավորվածությունների կատարման ընթացքը եւ մատնանշելու համագործակցության խորացման հետագա առաջնահերթությունները: Հունգարիայի Նախագահ Լասլո Շոյոմն ընդունել է Նախագահ Սարգսյանի` Հայաստան այցելելու հրավերը:
Բարձր մակարդակով բանակցությունների ավարտից հետո Նախագահներ Սարգսյանի ու Շոյոմի ներկայությամբ ստորագրվել են երկու երկրների կառավարությունների միջեւ եկամուտների եւ գույքի կրկնակի հարկումը բացառելու եւ հարկումից խուսափելը կանխելու, արդարադատության եւ գյուղատնտեսության նախարարությունների միջեւ փոխգործակցության, ինչպես նաեւ տնտեսության ոլորտում համագործակցության մասին միջկառավարական համաձայնագրեր: Այնուհետեւ Հայաստանի ու Հունգարիայի Նախագահները հանդես են եկել բանակցությունների արդյունքներն ամփոփող հայտարարություններով:
Պետական այցի շրջանակում Սերժ Սարգսյանն այցելել է Բուդապեշտի “Հերոսների հրապարակ” եւ ծաղկեպսակ դրել Հունգարիայի անկախության համար զոհված հերոսների հուշահամալիրին: Հայաստանի Հանրապետության Նախագահը ծաղկեպսակ է դրել նաեւ Բուդապեշտի կենտրոնում գտնվող Հայոց Ցեղասպանության զոհերի հիշատակը հավերժացնող խաչքարին, զրուցել խաչքարի մոտ հավաքված հունգարահայ համայնքի ներկայացուցիչների հետ:
Շարունակվում է Նախագահ Սերժ Սարգսյանի պետական այցը Հունգարիայի Հանրապետություն: Բարձր մակարդակով բանակցությունների ավարտից հետո, նոյեմբերի 9-ի երեկոյան, ի պատիվ Հայաստանի Հանրապետության Նախագահի` Հունգարիայի Նախագահի նստավայրում տրվել է պետական ճաշ:
Բուդապեշտում Նախագահ Սերժ Սարգսյանը հանդիպում է ունեցել նաև Հունգարիայի խորհրդարանի նախագահ Բելա Կատոնայի և վարչապետ Գորդոն Բայնայի հետ:
Հունգարիայի խորհրդարանի խոսնակի հետ հանդիպմանը Հայաստան-Հունգարիա միջպետական հարաբերություններն առաջ մղելու գործում երկուստեք կարևորվել է միջխորհրդարանական կապերի զարգացումը և համագործակցությունը միջազգային միջխորհրդարանական կառույցներում: Կողմերը գոհունակություն են հայտնել, որ Հայաստանի ու Հունգարիայի խորհրդարաններում ձևավորվել և գործում են պատգամավորական բարեկամության խմբեր: Հունգարիայի խորհրդարանի խոսնակը նշել է, որ Հայաստանն իրեն ծանոթ երկիր է, և որպես Հունգարիա-Հայաստան պատգամավորական բարկամական խմբի անդամ ինքն առիթ է ունեցել լինելու Հայաստանում և ծանոթանալու մեր երկրին ու նրա մշակույթին: Հանդիպման ընթացքում անդրադարձ է կատարվել հայ և հունգար ժողովուրդների պատմամշակութային շփումներին ու ընդհանրություններին:
Հունգարիայի վարչապետ Գորդոն Բայնայի հետ հանդիպմանը քննարկվել են առևտրատնտեսական համագործակցությունը խթանելու հնարավորությունները: Կողմերը նշել են, որ մի կողմից Հայաստանի Հանրապետության Նախագահի պետական այցը Հունգարիա և բարձր մակարդակի քաղաքական երկխոսությունը, մյուս կողմից` երեկ Բուդապեշտում ստորագրված միջգերատեսչական համագործակցության արձանագրությունները, հայ-հունգարական գործարար համաժողովն ու շփումները նպաստավոր միջավայր են ստեղծում երկու երկրների միջև առևտրատնտեսական հարաբերությունների զարգացման համար: Նախագահ Սարգսյանն ընդգծել է, որ Հայաստանը ցանկություն ունի նոր թափ հաղորդել Հունգարիայի հետ երկկողմ ու բազմակողմ ձևաչափերում գործակցության խորացմանը: "Հայ և հունգար ժողովուրդների դարավոր բարեկամությունը լավ հիմք է` զարգացնելու մեր հարաբերությունները ինչպես տնտեսության, այնպես էլ այլ ոլորտներում",- նշել է Սերժ Սարգսյանը: Հայաստանի Հանրապետության Նախագահն ու Հունգարիայի վարչապետը ընդգծել են իրենց պատրաստակամությունը` աջակցելու բոլոր այն գործարար նախաձեռնություններին ու ներդրումային ծրագրերին, որոնք կծնվեն գործարար համաժողովի արդյունքում:
Նախագահ Սարգսյանի եւ վարչապետ Բայնայի հանդիպմանն անդրադարձ է եղել նաև համաշխարհային ֆինանսատնտեսական ճգնաժամի հարուցած բարդությունների հաղթահարման ուղղությամբ երկու երկրների կառավարությունների կողմից ձեռնարկված հակաճգնաժամային միջոցառումներին և գլոբալ տնտեսության առկա իրավիճակին: Հունգարիայի վարչապետը ևս շեշտել է, որ Հունգարիան կարևորում է Եվրամիության Արևելյան գործընկերության քաղաքականությունը և Եվրամիությունում 2011 թ. իր նախագահության ընթացքում շարունակելու է այն դիտել որպես կարևոր առաջնահերթություն: Սերժ Սարգսյանն իր հերթին նկատել է, որ Եվրամիության Արևելյան գործընկերության քաղաքականությունը հնարավորություն է ընձեռում մի կողմից հարաբերությունները զարգացնելու Եվրամիության ու նրա առանձին երկրների հետ, իսկ մյուս կողմից` խթանելու բարեփոխումների գործընթացը մեր երկրում:
Հունգարիայի վարչապետ Գորդոն Բայնայի խնդրանքով Սերժ Սարգսյանը ներկայացրել է Թուրքիայի հետ ողջամիտ ժամկետներում և առանց նախապայմանների հարաբերությունների կարգավորման և Լեռնային Ղարաբաղի հակամարտության բանակցային գործընթացի ներկա փուլի վերաբերյալ մեր երկրի մոտեցումները: Հունգարիայի վարչապետը նշել է, որ իր երկիրը ողջունում է Հայաստան-Թուրքիա հարաբերությունների կարգավորմանն ուղղված արձանագրությունների ստորագրումը և աջակցում է այդ գործընթացին: Գորդոն Բայնան շեշտել է, որ տարածաշրջանում առկա խնդիրների ու հակամարտությունների խաղաղ կարգավորումը, բացի երկկողմ հարաբերությունների հաստատումից, կփոխի նաև ողջ տարածաշրջանի միջազգային ընկալումը` նպաստելով կայունության, զարգացման, տևական խաղաղության, գործընկերության ոգու ու փոխվստահության ամրապնդմանը:
Նախագահ Սարգսյանն ու Հունգարիայի վարչապետը հանդիպել են նաև Բուդապեշտում տեղի ունեցած հայ-հունգարական գործարար համաժողովի մասնակիցներին, ծանոթացել համաժողովի արդյունքներին ու ձեռք բերված պայմանավորվածություններին:
Բուդապեշտում Նախագահ Սերժ Սարգսյանն այցելել է Հունգարիայի կաթողիկե եկեղեցու առաջնորդ կարդինալ Պետեր Էրդոյին: Հունգարիայի հոգևոր առաջնորդի հետ հանդիպման ժամանակ Նախագահ Սերժ Սարգսյանն անդրադարձել է հայ և հունգար ժողովուրդների պատմամշակութային ընդհանրություններին ու շփումներին: Նախագահ Սարգսյանն ընդգծել է, որ եկեղեցին, հատկապես պետականության բացակայության պայմաններում, ուրույն ու անգնահատելի պատմական դերակատարություն է ունեցել հայ ու հունգար ժողովուրդների մղած ազգային ազատագրական պայքարում: Կարդինալ Պետեր Էրդոն ևս, անդրադառնալով հայ եւ հունգար ժողովուրդների պատմական ընդհանրություններին, նշել է. "Հայ եւ հունգար ժողովուրդները դարեր տևած տանջանքներից ու զրկանքներից հետո վերհառնելու ու վերածնվելու մեծ փորձ ունեն": Սերժ Սարգսյանը բարձր է գնահատել այն իրողությունը, որ Հունգարիայում մեր հայրենակիցներն ունեն ազգային փոքրամասնության կարգավիճակ և օգտվում են այդ կարգավիճակի ընձեռած բոլոր հնարավորություններից` պահպանելով իրենց ազգային ինքնությունը:
Հունգարիայի Հանրապետություն կատարած պետական այցի շրջանակում Հայաստանի Հանրապետության Նախագահ Սերժ Սարգսյանն ու Հունգարիայի Նախագահ Լասլո Շոյոմը մասնակցել են Հունգարիայի Պաշտպանության նախարարության ռազմական պատմության ինստիտուտի կազմակերպած ցուցանահանդեսի բացման հանդիսավոր արարողությանը: Ցուցահանդեսը նվիրված է հայ-հունգարական ռազմական առնչությունների պատմությանը: Նախագահներ Սարգսյանն ու Շոյոմը շրջել են ցուցասրահում, ծանոթացել ցուցանմուշներին: