19
12, 2011

Նախագահ Սերժ Սարգսյանի աշխատանքային այցը Ռուսաստանի Դաշնություն

album picture
album picture
album picture
album picture
album picture
album picture
album picture
album picture
album picture
album picture
album picture
album picture
album picture

Աշխատանքային այցով Ռուսաստանի Դաշնություն ժամանած Նախագահ Սերժ Սարգսյանը դեկտեմբերի 19-ին Մոսկվայում մասնակցել է Եվրասիական տնտեսական ընկերակցության (ԵվրԱզԷՍ) միջպետական խորհրդի նիստին: Հայաստանն այդ կազմակերպությունում 2003 թվականից ունի դիտորդի կարգավիճակ:

Նախագահ Սերժ Սարգսյանն այսօր երեկոյան Կրեմլի Մեծ պալատում մասնակցել է նաև Ռուսաստանի Դաշնության նախագահ Դմիտրի Մեդվեդևի անունից տրված հանդիսավոր ընդունելությանը, որը նվիրված է ԱՊՀ 20-ամյակին:



***



Աշխատանքային այցով Մոսկվայում գտնվող Նախագահ Սերժ Սարգսյանը դեկտեմբերի 20-ին մասնակցել է Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նստաշրջանին:

Նստաշրջանը մեկնարկել է ՀԱՊԿ անդամ պետությունների ղեկավարների նեղ կազմով հանդիպմամբ, որին հաջորդել է ընդլայնված կազմով հանդիպումը:

ՀԱՊԿ-ում նախագահությունը Բելառուսից փոխանցվել է Ղազախստանին:

Տեղի է ունեցել նաև համատեղ փաստաթղթերի ստորագրման արարողությունը: Ստորագրվել է թվով 23 փաստաթուղթ, որոնք միտված են հավաքական անվտանգության համակարգի կատարելագործմանը, կազմակերպության ներուժի մեծացմանը, ռազմական ու ռազմա-տնտեսական համագործակցության խորացմանը:

Նստաշրջանում կարևոր որոշումներ են ընդունվել ՀԱՊԿ արագ արձագանքման ուժերի հատուկ ստորաբաժանումների վերազինման, տեղեկատվական անվտանգության ապահովման համակարգի ձևավորման, թմրանյութերի ապօրինի շրջանառության ու ահաբեկչության դեմ պայքարի, Աֆղանստանի տարածքից եկող սպառնալիքներին և մարտահրավերներին հակազդելու ընդհանուր միջոցառումների վերաբերյալ:

Փոփոխություններ են կատարվել ՀԱՊԿ կանոնադրության մեջ՝ նպատակ ունենալով ավելի նպաստել կազմակերպության ներքին ինստիտուցիոնալ ամրապնդմանը: Ընդունվել է նաև Հավաքական անվտանգության պայմանագրի ստորագրման 20-ամյակը և ՀԱՊԿ հիմնադրման 10-ամյակը 2012թ. նշելու միջոցառումների ծրագիրը:



***



Աշխատանքային այցով Ռուսաստանի Դաշնությունում գտնվող Նախագահ Սերժ Սարգսյանը դեկտեմբերի 20-ին մասնակցել է ԱՊՀ մասնակից պետությունների ղեկավարների ոչ պաշտոնական գագաթնաժողովին, որը նվիրված է ԱՊՀ 20-ամյակին:

ԱՊՀ մասնակից պետությունների ղեկավարներն ընդունել են Հայտարարություն, որում հաստատել են իրենց մտադրությունն ուղղված՝ համագործակցության զարգացմանը և փոխըմբռնման ու փոխգործակցության ամրապնդմանը, մարդկանց կյանքի իրական բարելավմանը, նրանց բարեկեցության բարձրացմանն ու փոխադարձ շփման ընդլայնմանն ուղղված համատեղ աշխատանքից գործնական արդյունավետության բարձրացմանն աջակցելուն: Փաստաթղթում նշված են ԱՊՀ շրջանակներում տարբեր ոլորտներում համագործակցության զարգացման ռազմավարական խնդիրները: Պատրաստակամություն է հայտնվել անել ամեն հնարավորը, որպեսզի ԱՊՀ-ն հետագայում ևս մնա կայունության և անվտանգության կարևոր գործոն, փոխշահավետ համագործակցության տարածք, կայուն քաղաքական, սոցիալ-տնտեսական, հումանիտար և գիտատեխնիկական զարգացման տարածաշրջան:

ԱՊՀ երկրների ղեկավարները քննարկել են նաև 2012թ. ԱՊՀ երկրների տնտեսական համագործակցության հետ կապված հարցեր: Առանցքային է համարվել հատկապես կապի և տեղեկատվայնացման ոլորտներում փոխգործակցությունը: Որոշում է կայացվել ընտրություններին ԱՊՀ դիտորդական առաքելությունների դերի բարձրացման մասին ևս:



← Վերադառնալ