Նախագահ Սերժ Սարգսյանն այցելել է Հայաստանում Չինաստանի դեսպանություն

Չինաստանի Ժողովրդական Հանրապետության ազգային տոնի` Հանրապետության հիմնադրման 59-րդ տարեդարձի առթիվ Նախագահ Սերժ Սարգսյանն այսօր այցելել է Հայաստանում Չինաստանի դեսպանություն: Հանրապետության Նախագահը շնորհավորել է դեսպանության աշխատակիցներին ազգային տոնի կապակցությամբ:

Հայաստանում Չինաստանի դեսպանի հետ ծավալված զրույցի ընթացքում կողմերը գոհունակություն են հայտնել բարեկամ երկու երկրների միջեւ փոխգործակցության եւ քաղաքական երկխոսության առկա բարձր մակարդակի առթիվ: