Հայաստանի տղամարդկանց շախմատի հավաքականը` կրկին օլիմպիական չեմպիոն

Գերմանիայի Դրեզդեն քաղաքում ավարտված շախմատի 38-րդ համաշխարհային օլիմպիադայում Հայաստանի տղամարդկանց շախմատի հավաքականը երկրորդ անգամ անընդմեջ արժանացել է ոսկե մեդալների` պահպանելով օլիմպիական չեմպիոնի տիտղոսը:

Վճռական պահին մեր թիմին ոգեւորելու եւ զորակցելու համար նախօրեին Դրեզդեն էր մեկնել ՀՀ նախագահ, Հայաստանի շախմատի ֆեդերացիայի նախագահ Սերժ Սարգսյանը: Նա Հայաստան-Չինաստան մրցապայքարում անձամբ է կատարել խորհրդանշական առաջին քայլը գրոսմայստեր Լեւոն Արոնյանի խաղատախտակի վրա: