Նախագահ Սերժ Սարգսյանը, Հայաստանի եւ Ռուսաստանի Առաջին տիկնայք ներկա են գտնվել “Սպարտակ” բալետի պրեմիերային

Նախագահ Սերժ Սարգսյանը, տիկին Ռիտա Սարգսյանը եւ ՌԴ Նախագահի տիկին Սվետլանա Մեդվեդեւան մայիսի 5-ին Ա. Սպենդիարյանի անվան օպերայի եւ բալետի ազգային ակադեմիական թատրոնում ներկա են գտնվել Արամ Խաչատրյանի “Սպարտակ” բալետի պրեմիերային: Այն տեղի է ունեցել Հայաստանի եւ Ռուսաստանի Առաջին տիկնանց բարձր հովանու ներքո:

Բալետի բեմադրիչն է ԽՍՀՄ ժողովրդական արտիստ, Սոցիալիստական աշխատանքի հերոս, Լենինյան եւ պետական մրցանակների դափնեկիր, աշխարհահռչակ բալետմեյստեր Յուրի Գրիգորովիչը: