21
07, 2009

Նախագահ Սերժ Սարգսյանին իր հավատարմագրերն է հանձնել Վենեսուելայի նորանշանակ դեսպանը

album picture
album picture
Նախագահ Սերժ Սարգսյանին այսօր իր հավատարմագրերն է հանձնել Հայաստանում Վենեսուելայի Բոլիվարյան Հանրապետության նորանշանակ դեսպան Ուգո Խոսե Գարսիա Էրնանդեսը (նստավայրը` Մոսկվա):

Շնորհավորելով դիվանագետին` պաշտոնը ստանձնելու առթիվ, Նախագահ Սարգսյանը հույս է հայտնել, որ պաշտոնավարման ընթացքում դեսպանն իր կարեւոր ներդրումը կբերի երկու երկրների հարաբերությունների զարգացմանը:

Հավատարմագրերի հանձնման արարողությանը հաջորդած զրույցի ընթացքում քննարկվել են Հայաստանի եւ Վենեսուելայի միջեւ տարբեր ոլորտներում փոխգործակցության հնարավորություններին, անհրաժեշտ իրավապայմանագրային դաշտի ընդլայմանն առնչվող հարցեր: Կարեւորվել է նաեւ միջազգային կառույցների շրջանակում երկկողմ համագործակցության ակտիվացումը:

Նախագահ Սարգսյանը ողջունել է չորս տարի առաջ Վենեսուելայի խորհրդարանի կողմից Հայոց ցեղասպանության ճանաչումը:

← Վերադառնալ