Նախագահ Սերժ Սարգսյանը ցավակցություն է հղել Ռոբերտ Սահակյանցի մահվան կապակցությամբ - Մամուլի հաղորդագրություններ - Լրատվություն

Նախագահ Սերժ Սարգսյանն այսօր ցավակցություն է հղել Ռոբերտ Սահակյանցի մահվան կապակցությամբ.

“Խոր ցավով ստացա անվանի ռեժիսոր, Հայաստանի ժողովրդական արտիստ Ռոբերտ Սահակյանցի մահվան լուրը: Նա հայ մուլտիպլիկացիայի անվիճելի առաջատարն էր եւ հայ նորագույն մշակույթի ամենաինքնատիպ ներկայացուցիչներից մեկը: Բարձրաճաշակ արվեստագետի եւ հստակ դիրքորոշում ունեցող քաղաքացու նրա նկարագիրը տպավորիչ էր եւ օրինակելի:

Նրա ստեղծած մուլտֆիլմերն ունեն ընդգծված ազգային բնութագիր, միաժամանակ հասկանալի ու սիրելի են բոլորին` անկախ ազգային պատկանելությունից եւ տարիքից:

Այս անփոխարինելի կորստի պահին իմ ցավակցությունն եմ հայտնում Ռոբերտ Սահակյանցի ընտանիքին, հարազատներին եւ նրա արվեստի բազմա¬հազար երկրպագուներին”:

← Վերադառնալ