Լրատվություն
Մամուլի հաղորդագրություններ
05
11, 2009
Նախագահ Սերժ Սարգսյանն աշխատանքային այցով եղել է Գեղարքունիքի մարզում
Նախագահ Սերժ Սարգսյանն այսօր աշխատանքային այցով եղել է Գեղարքունիքի մարզում:
Նախագահն առաջին կանգառը կատարել է "Սեւան" ազգային պարկում, որտեղ շրջայցի ընթացքում ծանոթացել է պարկի գործունեությանը: Այնուհետեւ երկրի ղեկավարը խորհրդակցություն է անցկացրել` Սեւանա լճի հիմնահարցերի հանձնաժողովի անդամների մասնակցությամբ: Խորհրդակցությանը մասնակցել են նաեւ փոխվարչապետ, տարածքային կառավարման նախարար Արմեն Գեւորգյանը, տրանսպորտի եւ կապի նախարար Գուրգեն Սարգսյանը:
ՀՀ բնապահպանության նախարար Արամ Հարությունյանը եւ Սեւանա լճի հիմնահարցերի հանձնաժողովի նախագահ Վլադիմիր Մովսիսյանը ներկայացրել են "Սեւան" ազգային պարկում կատարված աշխատանքները եւ փորձաքննության արդյունքները: Քննարկվել են լճի մակարդակի բարձրացմանը զուգընթաց կատարվելիք աշխատանքները, ափամերձ շինություններին եւ կենսագործունեության ենթակառուցվածքներին վերաբերող հարցեր:
Կարեւորելով Սեւանա լճի մակարդակի բարձրացման հարցը` Հանրապետության Նախագահը միեւնույն ժամանակ ընդգծել է, որ պետք է մեծ ուշադրություն դարձնել ջրի մաքրությանը, որպեսզի տեղանքային ողողումներ չլինեն եւ ճահճացում չառաջանա, ինչը կհարուցի նոր խնդիրներ: Սերժ Սարգսյանը խորհրդակցության մասնակիցների ուշադրությունը հրավիրել է փորձաքննությունների որակի խնդրին: "Ինձ չափազանց անհանգստացնում է կատարվող աշխատանքների որակը: Ես ուզում եմ, որ բոլորը հստակ պատկերացնեն, որ, եթե որակի հետ կապված խնդիրներ առաջանան, պատասխանատվության չափը կրկնակի է լինելու: Մենք մեր սուղ ռեսուրսներից այստեղ միջոցներ ենք ներդնում, որպեսզի ապագայի համար խնդիրներ լուծենք: Եթե այդ միջոցներն արդյունավետ չօգտագործվեն, ուրեմն, նորից եմ կրկնում, պատասխանատվությունը պետք է լինի կրկնակի",- ասել է Նախագահը:
Սերժ Սարգսյանը հանձնարարել է խորհրդակցության ընթացքում հնչած առաջարկություններն ուղարկել կառավարություն, որպեսզի հաստատվեն ընթացիկ աշխատանքների ծրագրերը: "Բայց այդ ծրագրերը պետք է լինեն իրատեսական, պետք է համաձայնեցված լինեն բոլոր գերատեսչությունների հետ եւ համապատասխանեն մեր աստիճանական հնարավորություններին",-շեշտել է երկրի ղեկավարը:
Խորհրդակցության ընթացքում խոսվել է նաեւ "Սեւան" ազգային պարկի սահմանների, տարածքա-գործառնական գոտիավորման եւ ներդրումային ծրագրերի մասին:
Այնուհետեւ Սերժ Սարգսյանը եղել է Սեւան-Մարտունի-Գետափ ավտոճանապարհի հիմնանորոգվող հատվածում, ծանոթացել ընթացող աշխատանքներին: Ճանապարհահատվածի վերանորոգման անհրաժեշտությունն առաջացել էր Սեւանա լճի մակարդակի բարձրացման հետեւանքով: Շինարարական աշխատանքներն սկսվել են 2009թ. մայիսին եւ կավարտվեն 2010թ.:
Լիճք գյուղում Նախագահն այցելել է տեղի "Բի-Բի-Ջի" նորակառույց մասնավոր բժշկական կենտրոն: Կենտրոնն իր մեջ ներառում է արտահիվանդանոցային եւ հիվանդանոցային ծառայություններ: Կենտրոնում բժշկական օգնությունը կազմակերպվում է ինչպես տեղի մասնագետների, այնպես էլ մայրաքաղաքից հրավիրված բժիշկների միջոցով:
Ծովասար գյուղում Հանրապետության ղեկավարն եղել է նորակառույց ամբուլատորիայում, որը կառուցվել եւ սարքավորվել է ՀՀ առողջապահության նախարարության պատվերով:
Ծովասարում Նախագահ Սարգսյանը ներկա է գտնվել Մուրադյան ընտանիքի միջոցներով կառուցված եւ կահավորված Բախտիբեկ Մուրադյանի անվան միջնակարգ դպրոցի բացման արարողությանը: Սերժ Սարգսյանը նաեւ եղել է Ծովասարի մշակույթի տանը, որը նույնպես հիմնանորոգվել եւ կահավորվել է Մուրադյանների տրամադրած միջոցներով:
Նախագահն առաջին կանգառը կատարել է "Սեւան" ազգային պարկում, որտեղ շրջայցի ընթացքում ծանոթացել է պարկի գործունեությանը: Այնուհետեւ երկրի ղեկավարը խորհրդակցություն է անցկացրել` Սեւանա լճի հիմնահարցերի հանձնաժողովի անդամների մասնակցությամբ: Խորհրդակցությանը մասնակցել են նաեւ փոխվարչապետ, տարածքային կառավարման նախարար Արմեն Գեւորգյանը, տրանսպորտի եւ կապի նախարար Գուրգեն Սարգսյանը:
ՀՀ բնապահպանության նախարար Արամ Հարությունյանը եւ Սեւանա լճի հիմնահարցերի հանձնաժողովի նախագահ Վլադիմիր Մովսիսյանը ներկայացրել են "Սեւան" ազգային պարկում կատարված աշխատանքները եւ փորձաքննության արդյունքները: Քննարկվել են լճի մակարդակի բարձրացմանը զուգընթաց կատարվելիք աշխատանքները, ափամերձ շինություններին եւ կենսագործունեության ենթակառուցվածքներին վերաբերող հարցեր:
Կարեւորելով Սեւանա լճի մակարդակի բարձրացման հարցը` Հանրապետության Նախագահը միեւնույն ժամանակ ընդգծել է, որ պետք է մեծ ուշադրություն դարձնել ջրի մաքրությանը, որպեսզի տեղանքային ողողումներ չլինեն եւ ճահճացում չառաջանա, ինչը կհարուցի նոր խնդիրներ: Սերժ Սարգսյանը խորհրդակցության մասնակիցների ուշադրությունը հրավիրել է փորձաքննությունների որակի խնդրին: "Ինձ չափազանց անհանգստացնում է կատարվող աշխատանքների որակը: Ես ուզում եմ, որ բոլորը հստակ պատկերացնեն, որ, եթե որակի հետ կապված խնդիրներ առաջանան, պատասխանատվության չափը կրկնակի է լինելու: Մենք մեր սուղ ռեսուրսներից այստեղ միջոցներ ենք ներդնում, որպեսզի ապագայի համար խնդիրներ լուծենք: Եթե այդ միջոցներն արդյունավետ չօգտագործվեն, ուրեմն, նորից եմ կրկնում, պատասխանատվությունը պետք է լինի կրկնակի",- ասել է Նախագահը:
Սերժ Սարգսյանը հանձնարարել է խորհրդակցության ընթացքում հնչած առաջարկություններն ուղարկել կառավարություն, որպեսզի հաստատվեն ընթացիկ աշխատանքների ծրագրերը: "Բայց այդ ծրագրերը պետք է լինեն իրատեսական, պետք է համաձայնեցված լինեն բոլոր գերատեսչությունների հետ եւ համապատասխանեն մեր աստիճանական հնարավորություններին",-շեշտել է երկրի ղեկավարը:
Խորհրդակցության ընթացքում խոսվել է նաեւ "Սեւան" ազգային պարկի սահմանների, տարածքա-գործառնական գոտիավորման եւ ներդրումային ծրագրերի մասին:
Այնուհետեւ Սերժ Սարգսյանը եղել է Սեւան-Մարտունի-Գետափ ավտոճանապարհի հիմնանորոգվող հատվածում, ծանոթացել ընթացող աշխատանքներին: Ճանապարհահատվածի վերանորոգման անհրաժեշտությունն առաջացել էր Սեւանա լճի մակարդակի բարձրացման հետեւանքով: Շինարարական աշխատանքներն սկսվել են 2009թ. մայիսին եւ կավարտվեն 2010թ.:
Լիճք գյուղում Նախագահն այցելել է տեղի "Բի-Բի-Ջի" նորակառույց մասնավոր բժշկական կենտրոն: Կենտրոնն իր մեջ ներառում է արտահիվանդանոցային եւ հիվանդանոցային ծառայություններ: Կենտրոնում բժշկական օգնությունը կազմակերպվում է ինչպես տեղի մասնագետների, այնպես էլ մայրաքաղաքից հրավիրված բժիշկների միջոցով:
Ծովասար գյուղում Հանրապետության ղեկավարն եղել է նորակառույց ամբուլատորիայում, որը կառուցվել եւ սարքավորվել է ՀՀ առողջապահության նախարարության պատվերով:
Ծովասարում Նախագահ Սարգսյանը ներկա է գտնվել Մուրադյան ընտանիքի միջոցներով կառուցված եւ կահավորված Բախտիբեկ Մուրադյանի անվան միջնակարգ դպրոցի բացման արարողությանը: Սերժ Սարգսյանը նաեւ եղել է Ծովասարի մշակույթի տանը, որը նույնպես հիմնանորոգվել եւ կահավորվել է Մուրադյանների տրամադրած միջոցներով: