Լրատվություն
Մամուլի հաղորդագրություններ
26
01, 2010
Նախագահ Սերժ Սարգսյանն ընդունել է Վրաստանի վարչապետ Նիկա Գիլաուրիին
Նախագահ Սերժ Սարգսյանն այսօր ընդունել է Վրաստանի վարչապետ Նիկա Գիլաուրիին: Նա Երեւանում է հայ-վրացական տնտեսական համագործակցության միջկառավարական հանձնաժողովի 8-րդ նիստին մասնակցելու նպատակով:
Ողջունելով Վրաստանի վարչապետի այցը մեր երկիր` Նախագահ Սարգսյանն ասել է. "Մենք բարի հարեւաններ ենք եւ պետք է հաճախ շփվենք` քննարկելու բոլոր այն հարցերը, որոնք երբեմն ծագում են: Մեր համագործակցության ծավալը, հարաբերությունների մակարդակն այնպիսին է, որ մեզ ուղղակի պարտավորեցնում է աշխատանքային կարգով ամեն օր անդրադառնալ այդ հարցերին:
Մենք Վրաստանը համարում ենք եղբայրական, բարեկամական երկիր եւ պատրաստ ենք ավելի խորացնել մեր հարաբերությունները":
Վրաստանի կառավարության ղեկավարը Հայաստանի Նախագահին փոխանցել է Նախագահ Միխեիլ Սաակաշվիլիի լավագույն բարեմաղթանքները եւ Վրաստան այցելելու հրավերը: "Մենք հիմա լավագույն` եղբայրական հարաբերություններ ունենք",- ընդգծել է վարչապետ Գիլաուրին:
Հանրապետության ղեկավարը հետաքրքրվել է երկկողմ միջկառավարական հանձնաժողովի աշխատանքով: Նշելով, որ միջկառավարական հանձնաժողովի ութերորդ նիստն անցել է բավականին արդյունավետ` Վրաստանի վարչապետն ասել է. "Մենք քննարկել ենք բազմաթիվ խնդիրներ. ենթակառուցվածքային, մշակութային, սոցիալական եւ այլ բնույթի ծրագրեր եւ քննարկված գրեթե բոլոր հարցերի վերաբերյալ եկել ենք պայմանավորվածությունների": Նա նաեւ տեղեկացրել է, որ հանձնաժողովի հաջորդ նիստը կկայանա Վրաստանում:
Համաձայնելով, որ հայ-վրացական հարաբերությունները մշտապես ներառել են փոխադարձ հետաքրքրություններ ներկայացնող հարցերի լայն շրջանակ` կողմերն անդրադարձել են օրակարգային խնդիրներին:
Հանրապետության Նախագահը եւ Վրաստանի վարչապետը մտքեր են փոխանակել նաեւ երկու երկրներում տնտեսական վիճակի, ձեռնարկվող հակաճգնաժամային միջոցառումների շուրջ: Նրանք խոսել են նաեւ տարածաշրջանային խնդիրների մասին:
Ողջունելով Վրաստանի վարչապետի այցը մեր երկիր` Նախագահ Սարգսյանն ասել է. "Մենք բարի հարեւաններ ենք եւ պետք է հաճախ շփվենք` քննարկելու բոլոր այն հարցերը, որոնք երբեմն ծագում են: Մեր համագործակցության ծավալը, հարաբերությունների մակարդակն այնպիսին է, որ մեզ ուղղակի պարտավորեցնում է աշխատանքային կարգով ամեն օր անդրադառնալ այդ հարցերին:
Մենք Վրաստանը համարում ենք եղբայրական, բարեկամական երկիր եւ պատրաստ ենք ավելի խորացնել մեր հարաբերությունները":
Վրաստանի կառավարության ղեկավարը Հայաստանի Նախագահին փոխանցել է Նախագահ Միխեիլ Սաակաշվիլիի լավագույն բարեմաղթանքները եւ Վրաստան այցելելու հրավերը: "Մենք հիմա լավագույն` եղբայրական հարաբերություններ ունենք",- ընդգծել է վարչապետ Գիլաուրին:
Հանրապետության ղեկավարը հետաքրքրվել է երկկողմ միջկառավարական հանձնաժողովի աշխատանքով: Նշելով, որ միջկառավարական հանձնաժողովի ութերորդ նիստն անցել է բավականին արդյունավետ` Վրաստանի վարչապետն ասել է. "Մենք քննարկել ենք բազմաթիվ խնդիրներ. ենթակառուցվածքային, մշակութային, սոցիալական եւ այլ բնույթի ծրագրեր եւ քննարկված գրեթե բոլոր հարցերի վերաբերյալ եկել ենք պայմանավորվածությունների": Նա նաեւ տեղեկացրել է, որ հանձնաժողովի հաջորդ նիստը կկայանա Վրաստանում:
Համաձայնելով, որ հայ-վրացական հարաբերությունները մշտապես ներառել են փոխադարձ հետաքրքրություններ ներկայացնող հարցերի լայն շրջանակ` կողմերն անդրադարձել են օրակարգային խնդիրներին:
Հանրապետության Նախագահը եւ Վրաստանի վարչապետը մտքեր են փոխանակել նաեւ երկու երկրներում տնտեսական վիճակի, ձեռնարկվող հակաճգնաժամային միջոցառումների շուրջ: Նրանք խոսել են նաեւ տարածաշրջանային խնդիրների մասին: