Լրատվություն
Մամուլի հաղորդագրություններ
28
01, 2010
Նախագահ Սարգսյանը Հայկական բանակի օրվա առթիվ պարգեւատրել է մի խումբ զինծառայողների
Բանակի օրվա կապակցությամբ, զորքերի մարտական պատրաստվածության ապահովման գործում ներդրած նշանակալի ավանդի, ինչպես նաեւ հայրենիքի սահմանները պաշտպանելիս ցուցաբերած խիզախության ու անձնվիրության համար Նախագահ Սերժ Սարգսյանի հունվարի 25-ի հրամանագրով պաշտպանության նախարարության մի խումբ զինծառայողներ եւ ազատամարտիկներ պարգեւատրվել են Հայաստանի Հանրապետության մեդալներով: Հանրապետության Նախագահի մեկ այլ հրամանագրով ՀՀ Նախագահի գլխավոր ռազմական տեսչի առաջին տեղակալ, գեներալ-մայոր Լեոնիդ Մարտիրոսովին շնորհվել է գեներալ-լեյտենանտի զինվորական կոչում, իսկ ՀՀ զինված ուժերի գլխավոր շտաբի օպերատիվ վարչության պետ, գնդապետ Արտակ Դավթյանին` գեներալ-մայորի զինվորական կոչում:
Այսօր ՀՀ Նախագահի նստավայրում տեղի է ունեցել պետական բարձր պարգեւների հանձնման հանդիսավոր արարողությունը:
Շնորհավորելով պարգեւատրվածներին Հայկական բանակի օրվա եւ Հայաստանի Հանրապետության կառավարական պարգեւների ու բարձրագույն զինվորական կոչումների արժանանալու կապակցությամբ` Նախագահ Սարգսյանն ասել է. "Այս պարգեւներով մեր երկիրն ու ժողովուրդը իր գնահատականն ու վերաբերմունքն է արտահայտում այն մարդկանց հանդեպ, ովքեր անձնվիրաբար ծառայում են Հայաստանի Հանրապետությանը, ովքեր կամավոր իրենց կյանքը դարձրել են առաքելություն` ուղղված պաշտպանության ու խաղաղության պահպանման նվիրական գործին:
Այսօր դուք պարգեւատրվում եք ձեր արձանագրած հաջողությունների համար, իսկ ձեր հաջողություններով մեր երկիրը դառնում է ավելի ամուր թե՛ առարկայորեն, թե՛ հոգեբանորեն, թե՛ քաղաքականապես:
Մաղթում եմ ձեզ քաջառողջություն, խաղաղ ու բնականոն աշխատանք եւ իհարկե, Հայոց բանակի մարտունակության անշեղ բարձրացում, ինչը կախված է նաեւ ձեր ամենօրյա աշխատանքի որակից ու ծավալից":
Այսօր ՀՀ Նախագահի նստավայրում տեղի է ունեցել պետական բարձր պարգեւների հանձնման հանդիսավոր արարողությունը:
Շնորհավորելով պարգեւատրվածներին Հայկական բանակի օրվա եւ Հայաստանի Հանրապետության կառավարական պարգեւների ու բարձրագույն զինվորական կոչումների արժանանալու կապակցությամբ` Նախագահ Սարգսյանն ասել է. "Այս պարգեւներով մեր երկիրն ու ժողովուրդը իր գնահատականն ու վերաբերմունքն է արտահայտում այն մարդկանց հանդեպ, ովքեր անձնվիրաբար ծառայում են Հայաստանի Հանրապետությանը, ովքեր կամավոր իրենց կյանքը դարձրել են առաքելություն` ուղղված պաշտպանության ու խաղաղության պահպանման նվիրական գործին:
Այսօր դուք պարգեւատրվում եք ձեր արձանագրած հաջողությունների համար, իսկ ձեր հաջողություններով մեր երկիրը դառնում է ավելի ամուր թե՛ առարկայորեն, թե՛ հոգեբանորեն, թե՛ քաղաքականապես:
Մաղթում եմ ձեզ քաջառողջություն, խաղաղ ու բնականոն աշխատանք եւ իհարկե, Հայոց բանակի մարտունակության անշեղ բարձրացում, ինչը կախված է նաեւ ձեր ամենօրյա աշխատանքի որակից ու ծավալից":