Լրատվություն
Մամուլի հաղորդագրություններ
06
03, 2010
Կենսաթոշակային համակարգի բարեփոխումներն են քննարկվել Նախագահ Սարգսյանի անցկացրած խորհրդակցության ընթացքում
Կենսաթոշակային ապահովության համակարգի բարեփոխումներին վերաբերող խնդիրներ են քննարկվել Նախագահ Սերժ Սարգսյանի անցկացրած ընդլայնված կազմով աշխատանքային խորհրդակցության ընթացքում, որին մասնակցել են շահագրգիռ բոլոր կառույցների ղեկավարները:
Նախագահ Սարգսյանն ասել է, որ խորհրդային տարիներից ժառանգած այս համակարգն այսօր ակնհայտորեն չի բավարարում եւ համապատասխանում ժամանակի պահանջներին, հետեւաբար վերափոխումների անհրաժեշտությունն այս ոլորտում արդիական է:
ՀՀ սոցիալական ապահովության նախարարի տեղակալ Արտեմ Ասատրյանը եւ ֆինանսների նախարարի տեղակալ Վարդան Արամյանը հանգամանորեն ներկայացրել են բարեփոխումների ծրագրի առանցքային ուղղությունները` շեշտելով, որ դրանցից գլխավորը կուտակային համակարգի ներդրումն է, որի նպատակը կենսաթոշակային տարիքից հետո քաղաքացիներին բարեկեցիկ ու արժանավայել կյանքով ապրելու հնարավորություն ստեղծելն է: Նրանք նաեւ ասել են, որ առաջարկվող մոդելը հաշվի է առնում կենսաթոշակային բարեփոխումների ժամանակակից աշխարհի փորձը եւ հնարավորություն է տալիս պարտադիր կուտակային համակարգի ներդրումը համադրել սոցիալական համերաշխության սկզբունքի հետ:
Ընդունելով առաջարկվող փոփոխությունների անհրաժեշտությունն ու կարեւորությունը` խորհրդակցության մասնակիցները միաժամանակ ներկայացրել են իրենց նկատառումներն, առաջարկություններն ու մտահոգությունները:
Նախագահ Սարգսյանը ամփոփելով խորհրդակցության արդյունքները` համապատասխան մարմինների ղեկավարներին հանձնարարել է լրացուցիչ ուսումնասիրություններ ու քննարկումներ անցկացնել հնչած մտահոգությունների առնչությամբ, գնահատել հնարավոր բոլոր ռիսկերը, մշակել երաշխիքների հստակ մեխանիզմներ եւ կատարված ամբողջական աշխատանքը ներկայացնել հաջորդ խորհրդակցության ժամանակ:
Երկրի ղեկավարն ընդգծել է կատարվելիք բարեփոխումների էությունը հասարակությանը հասկանալի դարձնելու անհրաժեշտությունը` նշելով, որ այն հաջողության կարեւոր գրավականներից է:
Նախագահ Սարգսյանն ասել է, որ խորհրդային տարիներից ժառանգած այս համակարգն այսօր ակնհայտորեն չի բավարարում եւ համապատասխանում ժամանակի պահանջներին, հետեւաբար վերափոխումների անհրաժեշտությունն այս ոլորտում արդիական է:
ՀՀ սոցիալական ապահովության նախարարի տեղակալ Արտեմ Ասատրյանը եւ ֆինանսների նախարարի տեղակալ Վարդան Արամյանը հանգամանորեն ներկայացրել են բարեփոխումների ծրագրի առանցքային ուղղությունները` շեշտելով, որ դրանցից գլխավորը կուտակային համակարգի ներդրումն է, որի նպատակը կենսաթոշակային տարիքից հետո քաղաքացիներին բարեկեցիկ ու արժանավայել կյանքով ապրելու հնարավորություն ստեղծելն է: Նրանք նաեւ ասել են, որ առաջարկվող մոդելը հաշվի է առնում կենսաթոշակային բարեփոխումների ժամանակակից աշխարհի փորձը եւ հնարավորություն է տալիս պարտադիր կուտակային համակարգի ներդրումը համադրել սոցիալական համերաշխության սկզբունքի հետ:
Ընդունելով առաջարկվող փոփոխությունների անհրաժեշտությունն ու կարեւորությունը` խորհրդակցության մասնակիցները միաժամանակ ներկայացրել են իրենց նկատառումներն, առաջարկություններն ու մտահոգությունները:
Նախագահ Սարգսյանը ամփոփելով խորհրդակցության արդյունքները` համապատասխան մարմինների ղեկավարներին հանձնարարել է լրացուցիչ ուսումնասիրություններ ու քննարկումներ անցկացնել հնչած մտահոգությունների առնչությամբ, գնահատել հնարավոր բոլոր ռիսկերը, մշակել երաշխիքների հստակ մեխանիզմներ եւ կատարված ամբողջական աշխատանքը ներկայացնել հաջորդ խորհրդակցության ժամանակ:
Երկրի ղեկավարն ընդգծել է կատարվելիք բարեփոխումների էությունը հասարակությանը հասկանալի դարձնելու անհրաժեշտությունը` նշելով, որ այն հաջողության կարեւոր գրավականներից է: