Նախագահ Սարգսյանը հանդիպել է Գրողների համահայկական 5-րդ համաժողովի մասնակիցների հետ

ՀՀ նախագահ Սերժ Սարգսյանն այսօր երեկոյան հանդիպել է Գրողների համահայկական 5-րդ համաժողովի մասնակիցների հետ, ովքեր Հանրապետության ղեկավարի հետ խոսել են հունիսի 28-ից Ծաղկաձորի գրողների ստեղծագործական տանը մեկնարկած համաժողովում արդի հայ գրականության խնդիրների շուրջ իրենց ունեցած քննարկումների մասին: Համաժողովին մասնակցել են աշխարհի 20 երկրներից Հայաստան ժամանած շուրջ 80 սփյուռքահայ գրողներ` իրենց հայաստանյան գործընկերների հետ: