Լրատվություն
Մամուլի հաղորդագրություններ
13
09, 2010
Նախագահ Սարգսյանն ընդունել է ԱՄՆ պետքարտուղարի եվրոպական և եվրասիական հարցերով փոխտեղակալին
Նախագահ Սարգսյանն այսօր ընդունել է ԱՄՆ պետքարտուղարի եվրոպական և եվրասիական հարցերով փոխտեղակալ Թինա Քեյդենաուին:
Հանրապետության ղեկավարը, ողջունելով հյուրին, նշել է, որ այցելությունների հաճախականությունը կարևոր է հայ-ամերիկյան բազմաբնույթ և համակողմանի երկխոսության շարունակականության տեսանկյունից:
Նախագահ Սարգսյանի հավաստմամբ, Միացյալ Նահանգների հետ հարաբերություններում գրանցված բարձր մակարդակն ու դրանց հետագա ընդլայնումը Հայաստանը դիտարկում է որպես մեր երկրի տնտեսական զարգացման, ինչպես նաեւ տարածաշրջանում խաղաղության եւ կայունության հաստատման ու ամրապնդման կարևոր գործոն:
Զրուցակիցները երկուստեք գոհունակություն են հայտնել ռազմաքաղաքական, կրթական, մշակութային ոլորտներում հայ-ամերիկյան գործակցությունից` կարեւորելով նաև ՀՀ-ԱՄՆ տնտեսական համագործակցության զարգացման և առևտրատնտեսական շփումների ակտիվացման ուղղությամբ ջանքերի գործադրումը:
Սերժ Սարգսյանը եւ Թինա Քեյդենաուն անդրադարձել են ԼՂ հիմնախնդրի խաղաղ կարգավորման բանակցային գործընթացին: Հանրապետության ղեկավարը բարձր է գնահատել ԵԱՀԿ Մինսկի խմբում ամերիկյան ներգրավվածությունը: Նախագահ Սարգսյանը եւ ամերիկացի բարձրաստիճան հյուրը կարեւորել են ԵԱՀԿ Մինսկի խմբի համանախագահների կողմից գործադրվող ջանքերի շարունակումը, հույս հայտնելով, որ այդ ձեւաչափով ընթացող բանակցությունները կտան անհրաժեշտ արդյունք:
Հանրապետության ղեկավարը, ողջունելով հյուրին, նշել է, որ այցելությունների հաճախականությունը կարևոր է հայ-ամերիկյան բազմաբնույթ և համակողմանի երկխոսության շարունակականության տեսանկյունից:
Նախագահ Սարգսյանի հավաստմամբ, Միացյալ Նահանգների հետ հարաբերություններում գրանցված բարձր մակարդակն ու դրանց հետագա ընդլայնումը Հայաստանը դիտարկում է որպես մեր երկրի տնտեսական զարգացման, ինչպես նաեւ տարածաշրջանում խաղաղության եւ կայունության հաստատման ու ամրապնդման կարևոր գործոն:
Զրուցակիցները երկուստեք գոհունակություն են հայտնել ռազմաքաղաքական, կրթական, մշակութային ոլորտներում հայ-ամերիկյան գործակցությունից` կարեւորելով նաև ՀՀ-ԱՄՆ տնտեսական համագործակցության զարգացման և առևտրատնտեսական շփումների ակտիվացման ուղղությամբ ջանքերի գործադրումը:
Սերժ Սարգսյանը եւ Թինա Քեյդենաուն անդրադարձել են ԼՂ հիմնախնդրի խաղաղ կարգավորման բանակցային գործընթացին: Հանրապետության ղեկավարը բարձր է գնահատել ԵԱՀԿ Մինսկի խմբում ամերիկյան ներգրավվածությունը: Նախագահ Սարգսյանը եւ ամերիկացի բարձրաստիճան հյուրը կարեւորել են ԵԱՀԿ Մինսկի խմբի համանախագահների կողմից գործադրվող ջանքերի շարունակումը, հույս հայտնելով, որ այդ ձեւաչափով ընթացող բանակցությունները կտան անհրաժեշտ արդյունք: