25
10, 2010

Նախագահ Սարգսյանը շնորհավորել է Չիլիի Նախագահին` Չիլիի հանքափորների փրկարարական աշխատանքների բարեհաջող ավարտի կապակցությամբ

Նախագահ Սերժ Սարգսյանը շնորհավորել է Չիլիի Հանրապետության Նախագահ Սեբաստիան Պինյերա Էչենիկեին` Չիլիի հանքափորների փրկարարական աշխատանքների բարեհաջող ավարտի կապակցությամբ:

Նախագահի շնորհավորական խոսքում, մասնավորապես, ասված է.

«Ձերդ Գերազանցություն,

Հայաստանի ժողովրդի և անձամբ իմ անունից սրտանց շնորհավորում եմ Ձեզ և Չիլիի բարեկամ ժողովրդին` հանքափորների փրկարարական աշխատանքների բարեհաջող ավարտի կապակցությամբ:

Այս ողջ ընթացքում ուշադրությամբ և հուզմունքով հետևում էինք իրադարձությունների զարգացումներին` ականատես դառնալով չիլիացի հանքափորների արիությանն ու տոկունությանը:

Կիսելով Ձեր ուրախությունն այս առթիվ` մաղթում եմ Ձեզ և Չիլիի բարեկամ ժողովրդին խաղաղություն և բարօրություն:

Ընդունեք խնդրեմ, հարգելի պարոն Նախագահ, խորին հարգանքներիս հավաստիքը»:

← Վերադառնալ