Լրատվություն
Մամուլի հաղորդագրություններ
24
12, 2010
Նախագահ Սարգսյանն ընդունելության է հրավիրել Հայաստանի գործարար համայնքի ներկայացուցիչներին
Նոր տարվա և Սուրբ Ծննդյան տոների առթիվ Նախագահ Սերժ Սարգսյանն այսօր ընդունելության է հրավիրել Հայաստանի գործարար համայնքի ներկայացուցիչներին: Հանրապետության ղեկավարը շնորհավորել է գալիք տոների կապակցությամբ և մաղթել հաջողություններ:
Գործարարներին ուղղված շնորհավորական խոսքում Նախագահը մասնավորապես նշել է.
«Հարգելի՛ գործարարներ,
Տիկնա՛յք և պարոնա՛յք,
Շնորհավորում եմ ձեզ գալիք Նոր տարվա և Սուրբ Ծննդյան տոների կապակցությամբ:
2010 թվականը առանձնացավ համաշխարհային ֆինանսատնտեսական ճգնաժամի հետևանքները հաղթահարելուն ուղղված նպատակային աշխատանքով: Աշխատանք ասելով` նկատի ունեմ ո՛չ միայն կառավարության, այլ նաև մեր գործարարների համատեղ ջանքերը: Հուսադրող է, որ դժվարին պայմաններում մեզ հաջողվեց կայունացնել իրավիճակը և ապահովել որոշակի տնտեսական աճ:
Ճգնաժամն անասելի մեծ հարված հասցրեց համաշխարհային տնտեսությանը՝ առաջին հերթին արտահայտվելով տնտեսական աճի ու զբաղվածության ցուցանիշների կտրուկ անկմամբ: Գործազրկության խիստ բարձր մակարդակն իսկական չարիք դարձավ երկրների և կառավարությունների համար: Չնայած ճգնաժամից դուրս գալու և հաստատուն վերականգնման փուլն արդեն իսկ սկսվել է` համաշխարհային տնտեսության հետճգնաժամային մոդելն իրականում դեռ ամբողջովին հստակ չէ:
Այո, աշխարհը վերականգնվում է 21-րդ դարի ամենածանր հարվածից: Համաշխարհային ֆինանսատնտեսական ճգնաժամի ամենավտանգավոր՝ առաջին ալիքը մեր երկիրը հաղթահարեց առանց էական ցնցումների: Ճգնաժամի երկրորդ ալիքը, սակայն, շատ մեծ հարված հասցրեց մեր տնտեսությանը. անկում արձանագրվեց գրեթե բոլոր ճյուղերում, կտրուկ կրճատվեցին դրամական հոսքերը, ներդրումների ծավալները, արտահանման շուկաները դադարեցին սնել մեր տնտեսությունը: Այդ ծանր օրերին, երբ եվրոպական մի շարք երկրներում ուսուցչին, բժշկին, հրշեջին և անգամ դատավորին փողոց էր հանել բարեկեցության կտրուկ անկման սպառնալիքը, մեր երկիրը, մեր հասարակությունը, գործարար համայնքը և իշխանության տարբեր թևերը միասնաբար կարողացան առավելագույն չափով ապահովել սոցիալական մինչճգնաժամային իրավիճակը:
Ճգնաժամը մեզ ստիպեց լինել ավելի զգուշավոր, բայց և ավելի համարձակ: Ստիպեց առանձին պահերի բառի բուն իմաստով հանապազօրյա հացի մասին մտածելուն զուգահեռ մշակել և ձեռնարկել նորանկախ Հայաստանի պատմության մեջ ամենախոշոր ռազմավարական ծրագրերը: Ստիպեց նորովի արժևորել հին՝ վստահելի գործընկերներին ու ակտիվորեն փնտրել նորերին: Ստիպեց ամեն օր կռիվ տալ հայրենական բիզնեսը կործանումից փրկելու համար, միևնույն ժամանակ լարել բոլոր մկանները՝ բյուջետային աշխատավարձերի ու կենսաթոշակների ուշացում կամ կրճատում թույլ չտալու համար: Ստիպեց դիմակայել տնտեսական ձմռանը, բայց ոչ մի օր չդադարել գարնանային աշխատանքների ծրագրեր կազմել:
Ճգնաժամի հետևանքները վերջնականապես հաղթահարելու ենք ավելի ամրացած՝ այն ըմբռնումով զինված, որ Հայաստանի տնտեսությունը, որպես ամբողջություն և որպես մասերի համախումբ, լուրջ վերափոխումներ պիտի ապրի: Ճգնաժամի ավերիչ ալիքը հետևում թողնելով՝ կարող ենք վստահաբար փաստել, որ տասնինը տարիների ընթացքում իրականում մեզ հաջողվել է ձևավորել ճկունության բավարար պաշար ունեցող պետություն և կայուն ֆինանսատնտեսական համակարգ: Ճգնաժամից քաղած դասերի շնորհիվ հետագայում խուսափելու ենք այն մարտահրավերներից, որոնք ծնկի բերեցին անհամեմատ ավելի բարեկեցիկ ու հարուստ երկրների տնտեսությունները:
Ֆինանսատնտեսական ճգնաժամն արդեն իսկ փոխել ու դեռ շարունակելու է փոխել համաշխարհային տնտեսական մոդելը: Աշխարհն այլևս երբեք նույնը չի լինելու, ինչ ճգնաժամից առաջ էր: Այնպես, ինչպես ապրում էինք մինչև 2008 թվականի աշունը, այլևս չենք կարող ապրել ու գործել: Կյանքն ուղղակի թույլ չի տա: Բայց դա չի նշանակում, որ ավելի վատ ենք ապրելու: Ոչ: Պարզապես այլ կերպ պետք է մտածենք ու այլ կերպ պետք է գործենք: Կարծում եմ` այս մասին մենք դեռ առիթ կունենանք հանգամանորեն խոսելու:
Հարգելի՛ գործարարներ,
Ընդհանուր վտանգի պահին մեզ հաջողվել է միասնաբար դիմագրավել դժվարությունները: Կառավարության հետ սերտ համագործակցության աշխատաոճը առավել ակտիվությամբ շարունակելու ենք նաև 2011 թվականին: Բոլորս էլ քաջ գիտակցում ենք, որ գալիք տարին լինելու է համառ աշխատանքի տարի: Այն պետք է լինի լիարժեք վերականգնման, տնտեսության դիվերսիֆիկացման միտումների խորացման, նոր իրողությունների պայմաններում նոր ու ստեղծագործ քայլերի տարի: Գալիք` 2011 թվականին ձեզ հաջողություն եմ մաղթում ձեր գործունեության մեջ: Ձեզնից յուրաքանչյուրի հաջողությունն իր ասպարեզում, ի վերջո, բոլորիս հաջողությունն է, մեր տնտեսության հաջողությունն է:
Կրկին շնորհավորելով ձեզ` մաղթում եմ տոնական բարձր տրամադրություն, իսկ ձեր ընտանիքներին` առողջություն, երջանկություն, ջերմություն, բարօրություն: Եւ տա Աստված, որ նրանք մշտապես սատար լինեն ձեզ` ձեր բիզնեսը զարգացնելու և հետևաբար` մեր երկիրը հզորացնելու գործում: Շնորհակալ եմ և մեկ անգամ ևս սրտանց շնորհավորում եմ ձեզ, ձեր հարազատներին, մերձավորներին և ընկերներին»:
Գործարարներին ուղղված շնորհավորական խոսքում Նախագահը մասնավորապես նշել է.
«Հարգելի՛ գործարարներ,
Տիկնա՛յք և պարոնա՛յք,
Շնորհավորում եմ ձեզ գալիք Նոր տարվա և Սուրբ Ծննդյան տոների կապակցությամբ:
2010 թվականը առանձնացավ համաշխարհային ֆինանսատնտեսական ճգնաժամի հետևանքները հաղթահարելուն ուղղված նպատակային աշխատանքով: Աշխատանք ասելով` նկատի ունեմ ո՛չ միայն կառավարության, այլ նաև մեր գործարարների համատեղ ջանքերը: Հուսադրող է, որ դժվարին պայմաններում մեզ հաջողվեց կայունացնել իրավիճակը և ապահովել որոշակի տնտեսական աճ:
Ճգնաժամն անասելի մեծ հարված հասցրեց համաշխարհային տնտեսությանը՝ առաջին հերթին արտահայտվելով տնտեսական աճի ու զբաղվածության ցուցանիշների կտրուկ անկմամբ: Գործազրկության խիստ բարձր մակարդակն իսկական չարիք դարձավ երկրների և կառավարությունների համար: Չնայած ճգնաժամից դուրս գալու և հաստատուն վերականգնման փուլն արդեն իսկ սկսվել է` համաշխարհային տնտեսության հետճգնաժամային մոդելն իրականում դեռ ամբողջովին հստակ չէ:
Այո, աշխարհը վերականգնվում է 21-րդ դարի ամենածանր հարվածից: Համաշխարհային ֆինանսատնտեսական ճգնաժամի ամենավտանգավոր՝ առաջին ալիքը մեր երկիրը հաղթահարեց առանց էական ցնցումների: Ճգնաժամի երկրորդ ալիքը, սակայն, շատ մեծ հարված հասցրեց մեր տնտեսությանը. անկում արձանագրվեց գրեթե բոլոր ճյուղերում, կտրուկ կրճատվեցին դրամական հոսքերը, ներդրումների ծավալները, արտահանման շուկաները դադարեցին սնել մեր տնտեսությունը: Այդ ծանր օրերին, երբ եվրոպական մի շարք երկրներում ուսուցչին, բժշկին, հրշեջին և անգամ դատավորին փողոց էր հանել բարեկեցության կտրուկ անկման սպառնալիքը, մեր երկիրը, մեր հասարակությունը, գործարար համայնքը և իշխանության տարբեր թևերը միասնաբար կարողացան առավելագույն չափով ապահովել սոցիալական մինչճգնաժամային իրավիճակը:
Ճգնաժամը մեզ ստիպեց լինել ավելի զգուշավոր, բայց և ավելի համարձակ: Ստիպեց առանձին պահերի բառի բուն իմաստով հանապազօրյա հացի մասին մտածելուն զուգահեռ մշակել և ձեռնարկել նորանկախ Հայաստանի պատմության մեջ ամենախոշոր ռազմավարական ծրագրերը: Ստիպեց նորովի արժևորել հին՝ վստահելի գործընկերներին ու ակտիվորեն փնտրել նորերին: Ստիպեց ամեն օր կռիվ տալ հայրենական բիզնեսը կործանումից փրկելու համար, միևնույն ժամանակ լարել բոլոր մկանները՝ բյուջետային աշխատավարձերի ու կենսաթոշակների ուշացում կամ կրճատում թույլ չտալու համար: Ստիպեց դիմակայել տնտեսական ձմռանը, բայց ոչ մի օր չդադարել գարնանային աշխատանքների ծրագրեր կազմել:
Ճգնաժամի հետևանքները վերջնականապես հաղթահարելու ենք ավելի ամրացած՝ այն ըմբռնումով զինված, որ Հայաստանի տնտեսությունը, որպես ամբողջություն և որպես մասերի համախումբ, լուրջ վերափոխումներ պիտի ապրի: Ճգնաժամի ավերիչ ալիքը հետևում թողնելով՝ կարող ենք վստահաբար փաստել, որ տասնինը տարիների ընթացքում իրականում մեզ հաջողվել է ձևավորել ճկունության բավարար պաշար ունեցող պետություն և կայուն ֆինանսատնտեսական համակարգ: Ճգնաժամից քաղած դասերի շնորհիվ հետագայում խուսափելու ենք այն մարտահրավերներից, որոնք ծնկի բերեցին անհամեմատ ավելի բարեկեցիկ ու հարուստ երկրների տնտեսությունները:
Ֆինանսատնտեսական ճգնաժամն արդեն իսկ փոխել ու դեռ շարունակելու է փոխել համաշխարհային տնտեսական մոդելը: Աշխարհն այլևս երբեք նույնը չի լինելու, ինչ ճգնաժամից առաջ էր: Այնպես, ինչպես ապրում էինք մինչև 2008 թվականի աշունը, այլևս չենք կարող ապրել ու գործել: Կյանքն ուղղակի թույլ չի տա: Բայց դա չի նշանակում, որ ավելի վատ ենք ապրելու: Ոչ: Պարզապես այլ կերպ պետք է մտածենք ու այլ կերպ պետք է գործենք: Կարծում եմ` այս մասին մենք դեռ առիթ կունենանք հանգամանորեն խոսելու:
Հարգելի՛ գործարարներ,
Ընդհանուր վտանգի պահին մեզ հաջողվել է միասնաբար դիմագրավել դժվարությունները: Կառավարության հետ սերտ համագործակցության աշխատաոճը առավել ակտիվությամբ շարունակելու ենք նաև 2011 թվականին: Բոլորս էլ քաջ գիտակցում ենք, որ գալիք տարին լինելու է համառ աշխատանքի տարի: Այն պետք է լինի լիարժեք վերականգնման, տնտեսության դիվերսիֆիկացման միտումների խորացման, նոր իրողությունների պայմաններում նոր ու ստեղծագործ քայլերի տարի: Գալիք` 2011 թվականին ձեզ հաջողություն եմ մաղթում ձեր գործունեության մեջ: Ձեզնից յուրաքանչյուրի հաջողությունն իր ասպարեզում, ի վերջո, բոլորիս հաջողությունն է, մեր տնտեսության հաջողությունն է:
Կրկին շնորհավորելով ձեզ` մաղթում եմ տոնական բարձր տրամադրություն, իսկ ձեր ընտանիքներին` առողջություն, երջանկություն, ջերմություն, բարօրություն: Եւ տա Աստված, որ նրանք մշտապես սատար լինեն ձեզ` ձեր բիզնեսը զարգացնելու և հետևաբար` մեր երկիրը հզորացնելու գործում: Շնորհակալ եմ և մեկ անգամ ևս սրտանց շնորհավորում եմ ձեզ, ձեր հարազատներին, մերձավորներին և ընկերներին»: