Լրատվություն
Մամուլի հաղորդագրություններ
17
01, 2011
Նախագահ Սերժ Սարգսյանի պետական այցը Կիպրոսի Հանրապետություն
Նախագահ Սերժ Սարգսյանը տիկնոջ` Ռիտա Սարգսյանի հետ այսօր պետական այցով ժամանել է Կիպրոսի Հանրապետություն:
Կիպրոսի նախագահի նստավայրում Հայաստանի նախագահի դիմավորման պաշտոնական արարողությունից հետո, տեղի է ունեցել նախագահներ Սերժ Սարգսյանի և Դեմետրիս Խրիստոֆիասի առանձնազրույցը, որին հաջորդել է երկու երկրների պատվիրակությունների ընդլայնված կազմով հանդիպումը:
Նախագահները քննարկել են Հայաստանի և Կիպրոսի միջև երկկողմ և բազմակողմ հարաբերությունների ներկա ընթացքն ու զարգացման հեռանկարները բոլոր ուղղություններով և նախանշել այն հնարավոր քայլերն ու միջոցառումները, որոնց արդյունավետ իրականացումը նոր խթան կհանդիսանա հարաբերությունների էլ ավելի խորացման համար։ Սերժ Սարգսյանը և Դեմետրիս Խրիստոֆիասը խոսել են նաև փոխադարձ հետաքրքրություն ներկայացնող տարածաշրջանային և միջազգային խնդիրների մասին։
Հանդիպումից հետո տեղի է ունեցել երկու երկրների միջև հարաբերությունների ամրապնդմանն ու համագործակցության զարգացմանն ուղղված փաստաթղթերի ստորագրման արարողություն. Նախագահներ Սերժ Սարգսյանը և Դեմետրիս Խրիստոֆիասը Համատեղ հռչակագիր են ստորագրել Հայաստանի Հանրապետության և Կիպրոսի Հանրապետության միջև երկկողմ հարաբերությունների մասին:
(Համատեղ հռչակագրի տեքստն ամբողջությամբ ներկայացված է կայքի «Նորություններ» բաժնում)
Երկու երկրների համապատասխան գերատեսչությունների ներկայացուցիչները ստորագրել են նաև «Համաձայնագիր ՀՀ և Կիպրոսի կառավարության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին», «Փոխըմբռնման հուշագիր 2011-2012թթ. համար ՀՀ կառավարության և Կիպրոսի Հանրապետության կառավարության միջև տուրիզմի բնագավառում համագործակցության մասին Համաձայնագրի իրականացման նպատակով Համատեղ գործողությունների ծրագրի վերաբերյալ» և «Աշխատանքային ծրագիր ՀՀ կառավարության և Կիպրոսի Հանրապետության կառավարության միջև առողջապահության և բժշկագիտության բնագավառներում համագործակցության մասին»:
Կիպրոսի նախագահի նստավայրում նախագահներ Սերժ Սարգսյանը և Դեմետրիս Խրիստոֆիասը այնուհետև հանդես են եկել համատեղ մամուլի ասուլիսով:
(Նախագահ Սերժ Սարգսյանի խոսքը Կիպրոսի նախագահ Դեմետրիս Խրիստոֆիասի հետ համատեղ մամուլի ասուլիսի ժամանակ ներկայացված է կայքի «Մամուլի ասուլիսներ» բաժնում)
Կիպրոսի նախագահի նստավայրում Հայաստանի նախագահի դիմավորման պաշտոնական արարողությունից հետո, տեղի է ունեցել նախագահներ Սերժ Սարգսյանի և Դեմետրիս Խրիստոֆիասի առանձնազրույցը, որին հաջորդել է երկու երկրների պատվիրակությունների ընդլայնված կազմով հանդիպումը:
Նախագահները քննարկել են Հայաստանի և Կիպրոսի միջև երկկողմ և բազմակողմ հարաբերությունների ներկա ընթացքն ու զարգացման հեռանկարները բոլոր ուղղություններով և նախանշել այն հնարավոր քայլերն ու միջոցառումները, որոնց արդյունավետ իրականացումը նոր խթան կհանդիսանա հարաբերությունների էլ ավելի խորացման համար։ Սերժ Սարգսյանը և Դեմետրիս Խրիստոֆիասը խոսել են նաև փոխադարձ հետաքրքրություն ներկայացնող տարածաշրջանային և միջազգային խնդիրների մասին։
Հանդիպումից հետո տեղի է ունեցել երկու երկրների միջև հարաբերությունների ամրապնդմանն ու համագործակցության զարգացմանն ուղղված փաստաթղթերի ստորագրման արարողություն. Նախագահներ Սերժ Սարգսյանը և Դեմետրիս Խրիստոֆիասը Համատեղ հռչակագիր են ստորագրել Հայաստանի Հանրապետության և Կիպրոսի Հանրապետության միջև երկկողմ հարաբերությունների մասին:
(Համատեղ հռչակագրի տեքստն ամբողջությամբ ներկայացված է կայքի «Նորություններ» բաժնում)
Երկու երկրների համապատասխան գերատեսչությունների ներկայացուցիչները ստորագրել են նաև «Համաձայնագիր ՀՀ և Կիպրոսի կառավարության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին», «Փոխըմբռնման հուշագիր 2011-2012թթ. համար ՀՀ կառավարության և Կիպրոսի Հանրապետության կառավարության միջև տուրիզմի բնագավառում համագործակցության մասին Համաձայնագրի իրականացման նպատակով Համատեղ գործողությունների ծրագրի վերաբերյալ» և «Աշխատանքային ծրագիր ՀՀ կառավարության և Կիպրոսի Հանրապետության կառավարության միջև առողջապահության և բժշկագիտության բնագավառներում համագործակցության մասին»:
Կիպրոսի նախագահի նստավայրում նախագահներ Սերժ Սարգսյանը և Դեմետրիս Խրիստոֆիասը այնուհետև հանդես են եկել համատեղ մամուլի ասուլիսով:
(Նախագահ Սերժ Սարգսյանի խոսքը Կիպրոսի նախագահ Դեմետրիս Խրիստոֆիասի հետ համատեղ մամուլի ասուլիսի ժամանակ ներկայացված է կայքի «Մամուլի ասուլիսներ» բաժնում)