Լրատվություն
Մամուլի հաղորդագրություններ
16
02, 2011
Նախագահ Սարգսյանը հանդիպում է ունեցել Վրաստանի վարչապետ Նիկոլոզ Գիլաուրիի հետ
Նախագահ Սերժ Սարգսյանն այսօր հանդիպում է ունեցել Վրաստանի վարչապետ Նիկոլոզ Գիլաուրիի հետ:
Նախագահը կարևորել է ցանկացած մակարդակով երկկողմ հանդիպումները, նշելով, որ դրանք լավ հնարավորություններ են ստեղծում հարաբերությունների զարգացման և տարբեր ոլորտներում համագործակցության ընդլայնման համար: Հանրապետության ղեկավարի խոսքով, հայ-վրացական առևտրատնտեսական հարաբերությունները զարգանում են, կա դրական միտում, սակայն առևտրաշրջանառության ծավալները, առկա ներուժի համեմատ, դեռևս բավարար համարել չի կարելի, ուստի անհրաժեշտ է ավելի ակտիվացնել այս ուղղությամբ ջանքերը:
Նախագահ Սարգսյանը և Վրաստանի վարչապետ Նիկոլոզ Գիլաուրին խոսել են նաև մշակույթի, կրթության և այլ բնագավառներում համագործակցության ընդլայնմանն ուղղված ծրագրերի իրագործման անհրաժեշտության մասին:
«Կարծում եմ, որ մենք պետք է զարգացնենք մեր մշակութային հարաբերությունները: Այդ ոլորտում մենք մեր գործունեությունը վերջին շրջանում որոշակիորեն ակտիվացրել ենք: Կարծում եմ, որ հրաշալի գաղափար էր դպրոցական օլիմպիադա անցկացնելը: Այն, ինչ ասաց Միխեիլ Սաակաշվիլին` վրացական համալսարաններում հայ ուսանողների կրթության համար դրամաշնորհներ հատկացնելու հետ կապված, շատ կարևոր է: Մենք ևս նույնն ենք անելու: Պետք է օգտագործենք ցանկացած առիթ, որպեսզի երիտասարդ սերունդը շփվի: Ավելորդ չեմ համարում ևս մեկ անգամ ընդգծել, որ մեր ժողովուրդները հազարամյակներ շարունակ բարեկամություն են արել, և մեր խնդիրը կայանում է նրանում, որպեսզի այդ ավանդույթները մի փոքր էլ ընդլայնենք ու փոխանցենք գալիք սերունդներին»,-ասել է Սերժ Սարգսյանը` վստահություն հայտնելով, որ Նիկոլոզ Գիլաուրին Հայաստանի վարչապետի հետ հանդիպմանը քննարկել է երկու երկրների կառավարությունների միջև փոխգործակցության ամբողջ շրջանակը:
Վրաստանի վարչապետը ՀՀ Նախագահին ներկայացրել է այդ հանդիպման արդյունքները: Նա Նախագահ Սարգսյանին է փոխանցել իր երկրի ղեկավարի ջերմ ողջույններն ու վերահաստատել Վրաստան այցելելու Միխեիլ Սաակաշվիլիի հրավերը:
Նախագահը կարևորել է ցանկացած մակարդակով երկկողմ հանդիպումները, նշելով, որ դրանք լավ հնարավորություններ են ստեղծում հարաբերությունների զարգացման և տարբեր ոլորտներում համագործակցության ընդլայնման համար: Հանրապետության ղեկավարի խոսքով, հայ-վրացական առևտրատնտեսական հարաբերությունները զարգանում են, կա դրական միտում, սակայն առևտրաշրջանառության ծավալները, առկա ներուժի համեմատ, դեռևս բավարար համարել չի կարելի, ուստի անհրաժեշտ է ավելի ակտիվացնել այս ուղղությամբ ջանքերը:
Նախագահ Սարգսյանը և Վրաստանի վարչապետ Նիկոլոզ Գիլաուրին խոսել են նաև մշակույթի, կրթության և այլ բնագավառներում համագործակցության ընդլայնմանն ուղղված ծրագրերի իրագործման անհրաժեշտության մասին:
«Կարծում եմ, որ մենք պետք է զարգացնենք մեր մշակութային հարաբերությունները: Այդ ոլորտում մենք մեր գործունեությունը վերջին շրջանում որոշակիորեն ակտիվացրել ենք: Կարծում եմ, որ հրաշալի գաղափար էր դպրոցական օլիմպիադա անցկացնելը: Այն, ինչ ասաց Միխեիլ Սաակաշվիլին` վրացական համալսարաններում հայ ուսանողների կրթության համար դրամաշնորհներ հատկացնելու հետ կապված, շատ կարևոր է: Մենք ևս նույնն ենք անելու: Պետք է օգտագործենք ցանկացած առիթ, որպեսզի երիտասարդ սերունդը շփվի: Ավելորդ չեմ համարում ևս մեկ անգամ ընդգծել, որ մեր ժողովուրդները հազարամյակներ շարունակ բարեկամություն են արել, և մեր խնդիրը կայանում է նրանում, որպեսզի այդ ավանդույթները մի փոքր էլ ընդլայնենք ու փոխանցենք գալիք սերունդներին»,-ասել է Սերժ Սարգսյանը` վստահություն հայտնելով, որ Նիկոլոզ Գիլաուրին Հայաստանի վարչապետի հետ հանդիպմանը քննարկել է երկու երկրների կառավարությունների միջև փոխգործակցության ամբողջ շրջանակը:
Վրաստանի վարչապետը ՀՀ Նախագահին ներկայացրել է այդ հանդիպման արդյունքները: Նա Նախագահ Սարգսյանին է փոխանցել իր երկրի ղեկավարի ջերմ ողջույններն ու վերահաստատել Վրաստան այցելելու Միխեիլ Սաակաշվիլիի հրավերը: