Մամուլի հաղորդագրություններ
Ղազախստանի նախագահը շնորհավորական ուղերձ է հղել նախագահ Արմեն Սարգսյանին
Հանրապետության նախագահ Արմեն Սարգսյանի ծննդյան օրվա առթիվ շնորհավորական ուղերձ է հղել Ղազախստանի Հանրապետության նախագահ Կասիմ-Ժոմարտ Տոկաևը:
Ուղերձում մասնավորապես ասվում է.
«Բարձր պրոֆեսիոնալիզմը, պետական կառավարման հարուստ փորձը, Հայաստանի շահերին և գործին ծառայելն արդարացիորեն Ձեզ արժանացրել են անկեղծ հարգանքի և մեծ հեղինակության՝ ինչպես Ձեր հայրենակիցների շրջանում, այնպես էլ արտերկրում:
Ցանկանում եմ հատկապես ընդգծել Ձեր անձնական ներդրումը Ղազախստանի ու Հայաստանի միջև բարեկամության և բազմակողմ համագործակցության ամրապնդման գործում: Համոզված եմ, որ ղազախա-հայկական համատեղ ջանքերը կշարունակվեն՝ հանուն փոխշահավետ երկկողմ գործընկերության ամրապնդման»։
Կասիմ-Ժոմարտ Տոկաևը նախագահ Սարգսյանին մաղթել է հաջողություններ պատասխանատու աշխատանքում՝ ի շահ բարեկամ Հայաստանի բարօրության։