Լրատվություն
Մամուլի հաղորդագրություններ
02
09, 2023
Նախագահական նստավայրում կայացել է ընդունելություն Հայկական դրամի 30-ամյակի կապակցությամբ
Հանրապետության նախագահի նստավայրում կայացել է ընդունելություն Հայկական դրամի 30-ամյակի կապակցությամբ:
Միջոցառման ընթացքում ընդունելության մասնակիցները դիտել են նախագահի նստավայրում կազմակերպված Հայաստանի պատմության թանգարանի հայկական դրամների և ՀՀ արժույթի զարգացման պատմությունը արտացոլող նմուշների ցուցադրությունը և ծանոթացել հնագույն ժամանակներից մինչ մեր օրերը հայկական դրամի անցած պատմական ճանապարհին:
Հանրապետության նախագահ Վահագն Խաչատուրյանը ելույթ է ունեցել տոնական միջոցառմանը և իր խոսքում անդրադարձել ազգային արժույթի ստեղծման ու ներդրման պատմական դրվագներին:
Նախագահը նաև իր շնորհակալական խոսքն է հղել Կենտրոնական բանկի ներկա ու նախկին ղեկավարությանն ու աշխատակիցներին պրոֆեսիոնալ ու նվիրված գործունեության համար: