Հանրապետության նախագահը հանդիպել է Ուրուգվայի հայկական համայնքի ներկայացուցիչների հետ

Ուրուգվայի Արևելյան Հանրապետություն կատարած պաշտոնական այցի շրջանակներում Հանրապետության նախագահ Վահագն Խաչատուրյանը հանդիպել է Ուրուգվայի հայկական համայնքի ներկայացուցիչների հետ:

Նախագահ Վահագն Խաչատուրյանը մանրամասներ է հայտնել հարավկովկասյան տարածաշրջանում առկա իրողությունների և զարգացումների վերաբերյալ, անդրադարձել Լեռնային Ղարաբաղից տեղահանվածների սոցիալ-տնտեսական ու հումանիտար խնդիրների լուծման ուղղությամբ կառավարության ձեռնարկած քայլերին և ծրագրերին: Իր խոսքում Հանրապետության նախագահն անդրադարձ է կատարել Հայաստանի ներքին և արտաքին քաղաքական, տնտեսական և հասարակական իրադրության շուրջ առկա ընդհանուր իրավիճակին վերաբերող հարցերի:

Հանդիպման ընթացքում նախագահ Վահագն Խաչատուրյանն անմիջական մթնոլորտում զրուցել է համայնքի ներկայացուցիչների հետ, պատասխանել նրանց հուզող հարցերին: