Մամուլի հաղորդագրություններ
Նախագահ Վահագն Խաչատուրյանը հանդիպել է «Amnesty International» կազմակերպության գլխավոր քարտուղար Անյես Կալամարի հետ
Դավոսում նախագահ Վահագն Խաչատուրյանը հանդիպում է ունեցել «Amnesty International» կազմակերպության գլխավոր քարտուղար Անյես Կալամարի հետ։
Զրույցի ընթացքում անդրադարձ է կատարվել 2023 թվականի սեպտեմբերին Լեռնային Ղարաբաղի հայության բռնի տեղահանության հետևանքով տարածաշրջանում ստեղծված հումանիտար իրավիճակին և առկա մարտահրավերներին: Այս համատեքստում զրուցակիցները երկուստեք վերահաստատել են միջազգային իրավական նորմերի ու մարդու հիմնարար իրավունքների գերակայության հրամայականը:
Հանդիպման ընթացքում կողմերն անդրադարձել են Հայաստանի կառավարության կողմից կարճ ժամանակահատվածում տեղահանվածների աջակցության նպատակով իրականացված և նախատեսվող ծրագրերին և դրանց կյանքի կոչման ուղղություններին:
Նախագահ Վահագն Խաչատուրյանը և Անյես Կալամարը երկուստեք բարձր են գնահատել Հայաստանի և կազմակերպության միջև շուրջ երեք տասնամյակի արդյունավետ փոխգործակցությունը և պայմանավորվածություն են ձեռք բերել առաջիկայում էլ ջանքեր ներդնել համագործակցության ամրապնդման ու ընդլայնման վերաբերյալ: