Լրատվություն
Մամուլի հաղորդագրություններ
18
11, 2008
Նախագահ Սարգսյանին իր հավատարմագրերն է հանձնել Ավստրալիայի նորանշանակ դեսպանը
Նախագահ Սերժ Սարգսյանին այսօր իր հավատարմագրերն է հանձնել Հայաստանում Ավստրալիայի նորանշանակ դեսպան տիկին Մարգարեթ Թումին /նստավայրը` Մոսկվա/:
Հանրապետության նախագահը շնորհավորել է դիվանագետին` պաշտոնը ստանձնելու առթիվ եւ հույս հայտնել, որ նրա անմիջական մասնակցությամբ կձեռնարկվեն նոր քայլեր երկկողմ կապերն ավելի գործնական դարձնելու ուղղությամբ:
Քննարկելով հայ-ավստրալիական hամագործակցության հեռանկարը, զրուցակիցներն առաջնային են դիտել միմյանց հնարավորություններին ծանոթանալը, փոխադարձ շփումներն ու տեղեկատվության փոխանակումը, ինչը թույլ կտան ուրվագծել գրավիչ ոլորտները: Կարեւորվել է նաեւ փոխգործակցության համար անհրաժեշտ իրավապայմանագրային դաշտի ձեւավորումը:
Սերժ Սարգսյանը երկու երկրները շաղկապող ամուր կամուրջ է համարել ավստրալահայ համայնքը: Դեսպանի խոսքով, ավստրալահայերը պահպանելով իրենց ազգային ինքնությունը, կրում են հայ ժողովրդի մշակութային ու պատմական հարուստ ժառանգությունը, եւ միաժամանակ, լիարժեքորեն ինտեգրված են երկրի կյանքում ու իրենց ներդրումն ունեն հասարակության զարգացման գործում:
Կողմերն անդրադարձել են նաեւ համագործակցությանը բազմակողմ ֆորումներում, եւ գոհունակությամբ ընդգծել միջազգային ատյաններում երկու երկրների արդյունավետ գործակցությունը: Նախագահը բարձր է գնահատել Ավստրալիայի հավասարակշիռ մոտեցումը տարածաշրջանի խնդիրների նկատմամբ:
Հանրապետության նախագահը շնորհավորել է դիվանագետին` պաշտոնը ստանձնելու առթիվ եւ հույս հայտնել, որ նրա անմիջական մասնակցությամբ կձեռնարկվեն նոր քայլեր երկկողմ կապերն ավելի գործնական դարձնելու ուղղությամբ:
Քննարկելով հայ-ավստրալիական hամագործակցության հեռանկարը, զրուցակիցներն առաջնային են դիտել միմյանց հնարավորություններին ծանոթանալը, փոխադարձ շփումներն ու տեղեկատվության փոխանակումը, ինչը թույլ կտան ուրվագծել գրավիչ ոլորտները: Կարեւորվել է նաեւ փոխգործակցության համար անհրաժեշտ իրավապայմանագրային դաշտի ձեւավորումը:
Սերժ Սարգսյանը երկու երկրները շաղկապող ամուր կամուրջ է համարել ավստրալահայ համայնքը: Դեսպանի խոսքով, ավստրալահայերը պահպանելով իրենց ազգային ինքնությունը, կրում են հայ ժողովրդի մշակութային ու պատմական հարուստ ժառանգությունը, եւ միաժամանակ, լիարժեքորեն ինտեգրված են երկրի կյանքում ու իրենց ներդրումն ունեն հասարակության զարգացման գործում:
Կողմերն անդրադարձել են նաեւ համագործակցությանը բազմակողմ ֆորումներում, եւ գոհունակությամբ ընդգծել միջազգային ատյաններում երկու երկրների արդյունավետ գործակցությունը: Նախագահը բարձր է գնահատել Ավստրալիայի հավասարակշիռ մոտեցումը տարածաշրջանի խնդիրների նկատմամբ: