05
03, 2009

Նախագահ Սերժ Սարգսյանին իր հավատարմագրերն է հանձնել Հայաստանում Աֆղանստանի նորանշանակ դեսպան Զալմայ Ազիզին

album picture
album picture
Նախագահ Սերժ Սարգսյանին այսօր իր հավատարմագրերն է հանձնել Հայաստանում Աֆղանստանի նորանշանակ դեսպան Զալմայ Ազիզին (նստավայրը` Մոսկվա):

Նախագահը շնորհավորել է դիվանագետին` պաշտոնը ստանձնելու առթիվ եւ վստահություն հայտնել, որ նրա նշանակումով երկկողմ հարաբերություններում որոշակի ակտիվություն կգրանցվի:

Երկրի ղեկավարն ասել է, որ Հայաստանը մեծ նշանակություն է տալիս Աֆղանստանում կայունության եւ անվտանգության հաստատմանը եւ բարձր է գնահատում այդ ուղղությամբ գործադրվող ջանքերը:

Նշելով, որ Հայաստանը եւ Աֆղանստանը խորհրդային տարիներին որոշակի հարաբերություններ ունեցել են, կողմերը կարեւորել են դրանց վերականգնումն ու զարգացումը, եւ ընդգծել, որ այն բխում է երկու երկրների շահերից:

← Վերադառնալ