Լրատվություն
Մամուլի հաղորդագրություններ
22
05, 2009
Նախագահ Սերժ Սարգսյանի ներածական խոսքը Խորվաթիայի Նախագահի հետ համատեղ մամուլի ասուլիսի ժամանակ
Նախագահ Սերժ Սարգսյանի ներածական խոսքը Խորվաթիայի Նախագահի հետ համատեղ մամուլի ասուլիսի ժամանակ
Նախագահ Սարգսյան - “Հարգելի տիկնայք եւ պարոնայք,
Մենք Նախագահ Մեսիչի հետ փոխըմբռնման եւ կառուցողական մթնոլորտում քննարկեցինք հայ-խորվաթական հարաբերությունների ներկա վիճակն ու հեռանկարները: Կարծիքներ փոխանակեցինք միջազգային ու տարածաշրջանային փոխադարձ հետաքրքրություն ներկայացնող հարցերի վերաբերյալ:
Հայաստանը կարեւորում է Խորվաթիայի հետ հարաբերությունների հետագա զարգացումը քաղաքական, տնտեսական եւ մշակութային բնագավառներում, ինչպես նաեւ իրավապայմանագրային դաշտի հետագա համալրումը: Ստորագրվել են “Հայաստանի Հանրապետության եւ Խորվաթիայի Հանրապետության կառավարության միջեւ մշակույթի, կրթության եւ գիտության բնագավառներում համագործակցության մասին”, ինչպես նաեւ “Եկամուտների եւ գույքի կրկնակի հարկումը բացառելու եւ հարկումից խուսափելը կանխելու մասին” համաձայնագրերը:
Հաշվի առնելով, որ Խորվաթիան Եվրամիությանն անդամակցելու թեկնածու երկիր է, իսկ Հայաստանն ընդգրկված է Եվրամիության կառույցների հետ համագործակցության նախաձեռնություններում, երկուստեք համաձայնել ենք դիտարկելու նշված ձեւաչափերում, այդ թվում` “Եվրոպական հարեւանության քաղաքականության” եւ “Արեւելյան գործընկերության” շրջանակներում համագործակցության հնարավորությունները:
Ելնելով մեր երկրների ոչ վաղ անցյալի փորձից` Խորվաթիայի Նախագահի հետ հանգել ենք միեւնույն կարծիքին, որ տարածաշրջանային հակամարտությունները պետք է կարգավորվեն առանց ուժի կիրառման եւ բացառապես խաղաղ ճանապարհով ու բանակցությունների միջոցով` միջազգային իրավունքի սկզբունքներին եւ նորմերին համաձայն:
Հուսով ենք, որ Խորվաթիայի Նախագահի գլխավորած պատվիրակությունը արդյունավետ հանդիպումներ կունենա Երեւանում, ինչը լավ նախադրյալ կլինի մեր երկրների միջեւ հարաբերությունները նոր որակի բարձրացնելու համար:
Ես հաճույքով ընդունեցի Խորվաթիայի Նախագահի հրավերը` պաշտոնական այց կատարելու Խորվաթիա եւ վստահ եմ, որ այդ այցելությունը կլինի այս տարի ու կնպաստի մեր երկու երկրների միջեւ հարաբերությունների խորացմանը”:
Նախագահ Սարգսյան - “Հարգելի տիկնայք եւ պարոնայք,
Մենք Նախագահ Մեսիչի հետ փոխըմբռնման եւ կառուցողական մթնոլորտում քննարկեցինք հայ-խորվաթական հարաբերությունների ներկա վիճակն ու հեռանկարները: Կարծիքներ փոխանակեցինք միջազգային ու տարածաշրջանային փոխադարձ հետաքրքրություն ներկայացնող հարցերի վերաբերյալ:
Հայաստանը կարեւորում է Խորվաթիայի հետ հարաբերությունների հետագա զարգացումը քաղաքական, տնտեսական եւ մշակութային բնագավառներում, ինչպես նաեւ իրավապայմանագրային դաշտի հետագա համալրումը: Ստորագրվել են “Հայաստանի Հանրապետության եւ Խորվաթիայի Հանրապետության կառավարության միջեւ մշակույթի, կրթության եւ գիտության բնագավառներում համագործակցության մասին”, ինչպես նաեւ “Եկամուտների եւ գույքի կրկնակի հարկումը բացառելու եւ հարկումից խուսափելը կանխելու մասին” համաձայնագրերը:
Հաշվի առնելով, որ Խորվաթիան Եվրամիությանն անդամակցելու թեկնածու երկիր է, իսկ Հայաստանն ընդգրկված է Եվրամիության կառույցների հետ համագործակցության նախաձեռնություններում, երկուստեք համաձայնել ենք դիտարկելու նշված ձեւաչափերում, այդ թվում` “Եվրոպական հարեւանության քաղաքականության” եւ “Արեւելյան գործընկերության” շրջանակներում համագործակցության հնարավորությունները:
Ելնելով մեր երկրների ոչ վաղ անցյալի փորձից` Խորվաթիայի Նախագահի հետ հանգել ենք միեւնույն կարծիքին, որ տարածաշրջանային հակամարտությունները պետք է կարգավորվեն առանց ուժի կիրառման եւ բացառապես խաղաղ ճանապարհով ու բանակցությունների միջոցով` միջազգային իրավունքի սկզբունքներին եւ նորմերին համաձայն:
Հուսով ենք, որ Խորվաթիայի Նախագահի գլխավորած պատվիրակությունը արդյունավետ հանդիպումներ կունենա Երեւանում, ինչը լավ նախադրյալ կլինի մեր երկրների միջեւ հարաբերությունները նոր որակի բարձրացնելու համար:
Ես հաճույքով ընդունեցի Խորվաթիայի Նախագահի հրավերը` պաշտոնական այց կատարելու Խորվաթիա եւ վստահ եմ, որ այդ այցելությունը կլինի այս տարի ու կնպաստի մեր երկու երկրների միջեւ հարաբերությունների խորացմանը”: