Լրատվություն
Մամուլի հաղորդագրություններ
09
04, 2010
Նախագահ Սերժ Սարգսյանն աշխատանքային այցով եղել է Տավուշի մարզում
Նախագահ Սերժ Սարգսյանն ապրիլի 9-ին աշխատանքային այցով եղել է Տավուշի մարզում:
Երկրի ղեկավարը ներկա է գտնվել Իջեւան քաղաքի ամբողջովին հիմնանորոգված բժշկական կենտրոնի բացման արարողությանը:
Կենտրոնի արդիականացումն իրականացվել է Համաշխարհային բանկի "Հայաստանի առողջապահության համակարգի արդիականացում" վարկային ծրագրի շրջանակում եւ թելադրված է ՀՀ առողջապահության համակարգի օպտիմալացման ռազմավարությամբ, որի նպատակը բժշկական հիմնարկների գործունեության արդյունավետության եւ որակի բարձրացումն է:
Իջեւանում ստեղծվել է ժամանակակից բուժսարքավորումներով հագեցած արդիական բժշկական կենտրոն, որը տեսասարքավորումների միջոցով միացված է նաեւ Երեւանի "Սուրբ Գրիգոր Լուսավորիչ" ու "էրեբունի" բժշկական կենտրոնների հետ, ինչը հնարավորություն է տալիս անհրաժեշտություն դեպքում օպերատիվ խորհրդատվական քննարկումներ կազմակերպել:
Այնուհետեւ Հանրապետության Նախագահը Տավուշի մարզպետարանում մարզի սոցիալ-տնտեսական հիմնախնդիրները քննարկել է ՀՀ փոխվարչապետ, տարածքային կառավարման նախարար Արմեն Գեւորգյանի եւ մարզպետ Արմեն Ղուլարյանի հետ:
Իջեւանից Նախագահ Սարգսյանը մեկնել է Դիլիջան, որտեղ շրջայց է կատարել ՀՀ Կենտրոնական բանկի "Դիլիջան" տարածաշրջանային ֆինանսաբանկային համալիրի շինհրապարակում, ծանոթացել շինարարական աշխատանքների ընթացքին, դիտել նախագծերը: Նախագահը եղել է նաեւ ֆինանսաբանկային համալիրի վարչական բնակելի շենքի շինհրապարակում:
Սերժ Սարգսյանն այցելել է նաեւ Դիլիջան քաղաքի բացօթյա ամֆիթատրոն, "Հին Դիլիջան-Թուֆենկյան" համալիր: ՀՀ Նախագահին ներկայացվել են "Հին Դիլիջան" համալիրի վերակառուցման եւ նոր մասնաշենքի շինարարության նախագծերը:
Ապա Նախագահ Սարգսյանը եղել է Դիլիջանում կառուցվելիք միջազգային դպրոցի տարածքում: "Տրոյկա Դիալոգ" ընկերության նախագահ Ռուբեն Վարդանյանը ներկայացրել է ծրագրի բովանդակությունն ու նախագծերը:
Նախագահը ողջունել է նախաձեռնությունը եւ հաջողություն մաղթել նրա հեղինակներին ու իրականացնողներին: Նրա խոսքով` "Հայաստանում, մանավանդ այս տարածաշրջանում չափազանց կարեւոր է ունենալ ժամանակակից պահանջներին ամբողջովին համապատասխանող կրթական համալիր":
Երկրի ղեկավարը միջազգային ինտերնատ-դպրոցի ստեղծումը կարեւորել է մի քանի առումով.
"Գաղտնիք չէ, որ մենք քանակով փոքր ենք եւ կարող ենք ունենալ հաջողություն միայն ու միայն որակի հաշվին : Իսկ լավ որակ կարելի է ձեռք բերել միայն օգտագործելով կրթության ժամանակակից ձեւերը, ստանալ գիտելիք, այնուհետեւ այդ գիտելիքը հաջողությամբ ներդնել կյանքում: Այս նախաձեռնությունը ես կարեւորում եմ նաեւ այն տեսակետից, որ մենք բազմիցս ասել ենք եւ հիմա էլ կրկնում ենք, որ Հայաստանի համաչափ զարգացումը չափազանց կարեւոր հանգամանք է: Իհարկե, այսպիսի կրթահամալիրը պատիվ կբերեր նաեւ Երեւանին, եւ Երեւանն էլ անհրաժեշտություն ունի, բայց մի բան է, որ միջազգային բոլոր չափանիշներին համապատասխան այս կրթահամալիրը գտնվում է Երեւանում, մի այլ բան, որ գտնվում է Դիլիջանում: Այս նախաձեռնությունը ես կարեւորում եմ նաեւ այն տեսակետից, որ պարբերաբար մեր կոչերին արձագանքում են արտերկրում հաջողության հասած մեր հայրենակիցները: Սա շատ կարեւոր եւ պարտավորեցնող հանգամանք է մեզ համար, նկատի ունեմ ինչպես հանրապետական, այնպես էլ մարզային իշխանություններին : Մենք պետք է կարողանանք համապատասխան աջակցություն ցուցաբերել, որպեսզի այսպիսի նախաձեռնությունների եւ նախաձեռնողների քանակը լինի շատ մեծ: Սա մեզ համար էական հանգամանք է":
Նախագահը շնորհակալություն է հայտնել Ռուբեն Վարդանյանին, նրա տիկնոջը այս լավ նախաձեռնության համար եւ մեկ անգամ եւս կոչ արել հաջողության հասած մեր բոլոր հայրենակիցներին` հանդես գալ նախաձեռնություններով, որոնք եւս կնպաստեն Հայաստանի առաջընթացին:
Նախագահ Սարգսյանը մասնակցել է նաեւ ծրագրի մեկնարկը խորհրդանշող ծառատունկին:
Երկրի ղեկավարը ներկա է գտնվել Իջեւան քաղաքի ամբողջովին հիմնանորոգված բժշկական կենտրոնի բացման արարողությանը:
Կենտրոնի արդիականացումն իրականացվել է Համաշխարհային բանկի "Հայաստանի առողջապահության համակարգի արդիականացում" վարկային ծրագրի շրջանակում եւ թելադրված է ՀՀ առողջապահության համակարգի օպտիմալացման ռազմավարությամբ, որի նպատակը բժշկական հիմնարկների գործունեության արդյունավետության եւ որակի բարձրացումն է:
Իջեւանում ստեղծվել է ժամանակակից բուժսարքավորումներով հագեցած արդիական բժշկական կենտրոն, որը տեսասարքավորումների միջոցով միացված է նաեւ Երեւանի "Սուրբ Գրիգոր Լուսավորիչ" ու "էրեբունի" բժշկական կենտրոնների հետ, ինչը հնարավորություն է տալիս անհրաժեշտություն դեպքում օպերատիվ խորհրդատվական քննարկումներ կազմակերպել:
Այնուհետեւ Հանրապետության Նախագահը Տավուշի մարզպետարանում մարզի սոցիալ-տնտեսական հիմնախնդիրները քննարկել է ՀՀ փոխվարչապետ, տարածքային կառավարման նախարար Արմեն Գեւորգյանի եւ մարզպետ Արմեն Ղուլարյանի հետ:
Իջեւանից Նախագահ Սարգսյանը մեկնել է Դիլիջան, որտեղ շրջայց է կատարել ՀՀ Կենտրոնական բանկի "Դիլիջան" տարածաշրջանային ֆինանսաբանկային համալիրի շինհրապարակում, ծանոթացել շինարարական աշխատանքների ընթացքին, դիտել նախագծերը: Նախագահը եղել է նաեւ ֆինանսաբանկային համալիրի վարչական բնակելի շենքի շինհրապարակում:
Սերժ Սարգսյանն այցելել է նաեւ Դիլիջան քաղաքի բացօթյա ամֆիթատրոն, "Հին Դիլիջան-Թուֆենկյան" համալիր: ՀՀ Նախագահին ներկայացվել են "Հին Դիլիջան" համալիրի վերակառուցման եւ նոր մասնաշենքի շինարարության նախագծերը:
Ապա Նախագահ Սարգսյանը եղել է Դիլիջանում կառուցվելիք միջազգային դպրոցի տարածքում: "Տրոյկա Դիալոգ" ընկերության նախագահ Ռուբեն Վարդանյանը ներկայացրել է ծրագրի բովանդակությունն ու նախագծերը:
Նախագահը ողջունել է նախաձեռնությունը եւ հաջողություն մաղթել նրա հեղինակներին ու իրականացնողներին: Նրա խոսքով` "Հայաստանում, մանավանդ այս տարածաշրջանում չափազանց կարեւոր է ունենալ ժամանակակից պահանջներին ամբողջովին համապատասխանող կրթական համալիր":
Երկրի ղեկավարը միջազգային ինտերնատ-դպրոցի ստեղծումը կարեւորել է մի քանի առումով.
"Գաղտնիք չէ, որ մենք քանակով փոքր ենք եւ կարող ենք ունենալ հաջողություն միայն ու միայն որակի հաշվին : Իսկ լավ որակ կարելի է ձեռք բերել միայն օգտագործելով կրթության ժամանակակից ձեւերը, ստանալ գիտելիք, այնուհետեւ այդ գիտելիքը հաջողությամբ ներդնել կյանքում: Այս նախաձեռնությունը ես կարեւորում եմ նաեւ այն տեսակետից, որ մենք բազմիցս ասել ենք եւ հիմա էլ կրկնում ենք, որ Հայաստանի համաչափ զարգացումը չափազանց կարեւոր հանգամանք է: Իհարկե, այսպիսի կրթահամալիրը պատիվ կբերեր նաեւ Երեւանին, եւ Երեւանն էլ անհրաժեշտություն ունի, բայց մի բան է, որ միջազգային բոլոր չափանիշներին համապատասխան այս կրթահամալիրը գտնվում է Երեւանում, մի այլ բան, որ գտնվում է Դիլիջանում: Այս նախաձեռնությունը ես կարեւորում եմ նաեւ այն տեսակետից, որ պարբերաբար մեր կոչերին արձագանքում են արտերկրում հաջողության հասած մեր հայրենակիցները: Սա շատ կարեւոր եւ պարտավորեցնող հանգամանք է մեզ համար, նկատի ունեմ ինչպես հանրապետական, այնպես էլ մարզային իշխանություններին : Մենք պետք է կարողանանք համապատասխան աջակցություն ցուցաբերել, որպեսզի այսպիսի նախաձեռնությունների եւ նախաձեռնողների քանակը լինի շատ մեծ: Սա մեզ համար էական հանգամանք է":
Նախագահը շնորհակալություն է հայտնել Ռուբեն Վարդանյանին, նրա տիկնոջը այս լավ նախաձեռնության համար եւ մեկ անգամ եւս կոչ արել հաջողության հասած մեր բոլոր հայրենակիցներին` հանդես գալ նախաձեռնություններով, որոնք եւս կնպաստեն Հայաստանի առաջընթացին:
Նախագահ Սարգսյանը մասնակցել է նաեւ ծրագրի մեկնարկը խորհրդանշող ծառատունկին: