Շնորհավորական
Նախագահ Սերժ Սարգսյանը շնորհավորական ուղերձ է հղել Իոսիֆ Կոբզոնին

11.09.2017

Նախագահ Սերժ Սարգսյանն այսօր շնորհավորական ուղերձ է հղել ՌԴ Պետական դումայի մշակույթի հարցերով հանձնաժողովի նախագահի առաջին տեղակալ, ԽՍՀՄ ժողովրդական արտիստ Իոսիֆ Կոբզոնին ծննդյան 80-րդ տարեդարձի առթիվ:

«Հարգելի՛ Իոսիֆ Դավիդի,

Ընդունեք շնորհավորանքներս ու բարեմաղթանքներս Ձեր 80-ամյակի առթիվ:
Կատարողական վարպետությունը, վառ անհատականությունն ու յուրօրինակ բեմական շնորհը բերել են Ձեզ արժանի ճանաչում նախկին Խորհրդային միության ամբողջ տարածքում և դրա սահմաններից դուրս: «Իոսիֆ Կոբզոնի երգերը» տարածում են սիրո և բարության գաղափարները, ստեղծում են մի ամբողջ դարաշրջան, որի ժամանակակիցն ենք մենք:

Ձեր արվեստը օգնում է մարդկանց հաղթահարել արհեստականորեն իրենց բաժանող սահմանները: Ձեր բեմական գործունեությունը իսկական չափանիշ է սկսնակ էստրադային երգիչների համար:

Ձեր արվեստը շատ սիրում և բարձր են գնահատում Հայաստանում, որի հետ Դուք կապված եք ամուր և անկեղծ բարեկամական կապերով: Ձեր ստեղծագործական միությունն ու համատեղ արարումը հայ ժողովրդի այնպիսի հայտնի զավակների հետ, ինչպիսիք են՝ Առնո Բաբաջանյանը, Գեորգի Գարանյանը, Կոնստանին Օրբելյանը, Միքայել Թարիվերդիևը, Ալեքսեյ Հեքիմյանը և այլք, հանգեցրել են երաժշտական այնպիսի ստեղծագործությունների ստեղծմանը, որոնք հայտնի են ամենուր, որտեղ հնչում է ռուսերենը:

Չեմ կարող նաև չնշել Ձեր ակտիվ քաղաքական, հասարակական և բարեգործական գործունեությունը:

Մաղթում եմ Ձեզ քաջառողջություն, բարօրություն և լավ տրամադրություն»,-ասված է Հանրապետության Նախագահի շնորհավորական ուղերձում:

 

← Վերադառնալ


Նամակ
Նախագահին

Այս բաժինը հնարավորություն է տալիս գրավոր արտահայտել ձեր կարծիքը, տեսակետը և դիրքորոշումը: Էլեկտրոնային տարբերակով ՀՀ Նախագահին հղած նամակները չեն կարող համարվել պաշտոնական, դրանք բացառապես տեղեկատվական բնույթ ունեն եւ ենթակա չեն պաշտոնական ընթացակարգով քննության: